سؤال وجواب شنو الاكل اللي يعطيني باور ونشاط

[S3d1987]

السلام عليكم

ابي نصيحتكم ياجماعه بالاكل اللي يعطي الشخص بور ونشاط انا احس دايما بخمول ومالي خلق اقوم اسوي اي شي

حاس ان نوعية الاكل هي السبب لان اغلب اكلي لحوم ودجاج

ومابي اخذ حبوب او هالشغلات ابي الاكل اللي فيه فايده ويعطيك الشخص بور افيدونا جزاكم الله خير

 

[حِكْمَةٌ بَالِغَةٌ]

raw diet

اثبت علميا انه الاكل النباتي هو الافضل للانسان
لانه يحتوي على انزيمات حية عكس الاكل المطبوخ والحيواني كله اكل ميت وصعب الجسم يهضمه

شيل المنتجات الحيوانية كلها والسكر والملح وغيره
واكثر من الخضار والفاكهه الطازجه واكلها بدون طبخ

وصحيح كلامك ترا الاكل يؤثر جدا على الخمول والكسل والنوم وغيره من امراض العصر مثل السرطان والسكر

 

[عذب الاطباع]

فالسابق

قبل لا العب مباراه بساعه آكل سنيكرز وأشرب عصير برتقال فرش


أحس إني ملك :وردة:

 

[بوشاهين]

كلنا نعاني من هالشي
والاغلبيه تاكل هالاكل
بس في حل سهل وبدون لاتغير اكلك

وهو
الرياضه

سواء كانت مشي او سباحه او سويدي
اشترك بنادي صحي شرط يكون قريب من بيتكم لمدة شهر فقط كبدايه
وعقبها شوف نفسك
والله راح تتغير وتحس انك شخص ثاني

 

[meshal]

أكل اللي تبيه لكن القليل وما تكثر ولا راح تحس بأي خمول .

 

[عبدالعزيز الحبلاني]

سو لك فحص شامل بالمستوصف

عشان تتطمن على نفسك انا نفس حالتك

وزود انام اقعدساعتين خمول وتعب وبدون مجهود واحس بتعب

واحيانا ظل مواصل وارق وانام ساعتين بس

وسويت فحص اليوم شامل وربك يستر بكره النتيجة

وان شاء الله مافيك الا العافية

 

[S3d1987]

جزاكم الله خير

انا مسوي فحص قبل فتره والحمدالله مافيني شي لكن بسمع نصايحكم وبحاول اكثر من العصائر الفرش والفواكه والرياضه

مشكورين

 

[واضح]

أكثر من قراءة القرأن الكريم

بالذات سورة البقره

اذا اسمريت عليها يومياً لمدة اسبوعين ستشعر بالنشاط وسيزول منك الكسل والأرهاق والملل​

 

[S3d1987]

جزاك الله خير

 

[وطني الكويت لاعدمناك]

اول شي المشي وانا انصحك يهالصيف تمشي بمجمع فاضي

المشي والله عافيه


اكل سلطه لو عاديه وحط عليها الخل الليمون الكمون شوي

الموز ثم المووز ثم المووز والله يافوايده ماهي شووي ولاتشتري كميه خذ لك خمسه وكل يوم تاكل ثنتين وترد تشتري

وعساك منت مدخن ياارب خبرك عارف ان المدخن شراي الخساره
والاهم وانا اختك الصلاه بوقتها والخشووع

وياعلك ماتشوف شر

 

[غير]

سو رياضه روح لنادي او فالبيت اذا تعرف تسوي سويدي او روح لنادي مضبوط فيه مدربين سويدي

بعد ما تداوم بالنداي جم يوم راح تحس انك اسد ودك تعبر الحدود من منطقتك ليما الخفجي ركض

مع انه الرياضه الفكره المأخوذه عنها انها تتعبك وما تطلع من النادي الا وانت دايخ لكن من خلال التجربه سواء رياضه بالنادي او البيت بعد ما تخلص ودك بعد تزيد وتزيد وتحس بنشاط مو طبيعي


بس وخر عن الحبوب والابر بالنادي مهما كان المدرب ثقه لان نتائجها مو حلوه اقلها فشل كلوي

اذا تبي تاخذ حبوب خلك على البروتينات بعد استشارة الطبيب مو المدرب لان المدرب ما تهمه الصحه كثر مات تهمه النتيجه

ونصيحه لا تاخذ لا بروتينات ولا شي خلك سويدي وجري خفيف او مشي افضل عشان ما تتعب ركبك

 

[S3d1987]

مشكورين يااخواني وخواتي على نصايحكم وماقصرتو على تفاعلكم وياي واتمنى للجميع الخير والتوفيق

 

[ياجابر الشعب]

وعليكم السلام


شكل روتينك متخربط

أنت متى تقعد من النوم ومتى تنام ؟؟؟


المهم

كل 3 أو 6 شهور تبرع بدمك / علشان يتجدد الدم عندك
كل صبح أشرب قلاص حليب مخلوط بملعقتين عسل طبيعي ( يعطيك بور ) بالفترة الصباحية حتى موعد الغداء
الكاكاو الأسود الخالي من الحليب ( يعطيك بور ) بالفترة المسائية

والله يوفقك

 

[بقيييط]

لا ترقد بمكيف يوم واحد بس وشوف نفسك بتغير 180 درجه
​

 

[جيجان]

ما ملآ بن ادم وعاء شر من بطنه


لا تملي بطنك وانت بخير


ومارس رياضة


​

 

[كويتي في أبوظبي]

royal jelly

الابتعاد الاكل الدسم والدهون

اشغال نفسك بأمور تحبها لكي تشغل بالك وتكون دافع لك للنشاط

وما تشوف شر

 

[سنـين التّيــــهـ..]

حليب نياق وتمر:إستحسان:​

 

[دبلوماسية]

الريوق الصبح لازم بيض ..

 

[كويتي مال أول]

قبل لاتمارس الرياضه بربع ساعه أكل موزه تعطيك طاقه وتريح العضلات قبل المجهود , نصيحه صغيره يقدمها كل مدرب رياضه للاعبيه ....

عليك بالموز

 

[ولد وايل]

لا ترقد بمكيف يوم واحد بس وشوف نفسك بتغير 180 درجه
​

هاهاها .. قسماً بالله انك "شايب " يابقييط ..

ذكرتني بشيبان أول .. يوم الواحد منهم ما يعرف المكييف وأقصى حد للنوم عنده 4 ساعات الى 5 .. أما شيبان الحين .. أقل شيء عنده 9 الى 10 ساعات نوم ..

راحوا الطيبيين




.................................................
..........................................


أما صاحب الموضوع .. فرسالتي لك .. يوجد في كل نادي " كمال اجسام " بشرط أن يكون نادي محترم .. يحترم زبائنه .. مدربين متخصصين في هذا المجال .. يمكن تزويدك بنشره حول تلك الاطعمه المطلوبه للاعب .. وهذا أفضل من أنك تسأل من هم ليسوا بأهل اختصاص .. وكل يفتي من جانبه .. وهذا لا شك خطأ .. فقد يستبب أحدهم بكارثه لك وأنت لا تشعر ..

فنصيحتي لك .. تابع مع المدرب المتخصص ..

وأخوك مدرب معتمد من الاتحاد الاسيوي ل " ..... "

ومع كل التقدير والاحترام للاخوة الفضلاء الذين أدلوا بدلوهم ..:وردة:

تحياتي القلبية لك ..:وردة:

​