سؤال وجواب بضاعة من بره للتجارة

[محب الامام]

سؤال محيرني






الحين العالم اللي تستورد بضاعة مثلا كهربائية من الصين شلون يعرفون انها زينه او ردية؟؟
حنا نعرف الصيني نوعين شي طيب وماعليه كلا والثاني بوربع مايسوى

شلون الواحد يعرف قبل مايتدبس ؟؟

 

[S3d1987]

سافر الصين بنفسك وشوف بعينك اضمن

 

[بن ذى يزن]

سؤال محيرني






الحين العالم اللي تستورد بضاعة مثلا كهربائية من الصين شلون يعرفون انها زينه او ردية؟؟
على حسب الكوالتي على العموم تسكن في جوانزوا وتروح بالتاكسي جونشان يمكن ساعه ساعه ونص
وتلقى كل اللي تبيه ويبيلها 4 ايام بالكثير فراره عدل مع مكتب هناك
حنا نعرف الصيني نوعين شي طيب وماعليه كلا والثاني بوربع مايسوى

صح في ثريا تلقاها ب300 وفي تلقاها ب5 دنانير على حسب الجوده
شلون الواحد يعرف قبل مايتدبس ؟؟

مو المهم تندبس المهم عندك نقاط تصريف
معرض في الشويخ ومخزن وعماله جيده
والرزق على الله

وشلون تعرف افتر على المحلات في الشويخ وحولي وشوف شنو الطلب عليه
وشنو الموديلات الجديده

واهم شي عندك رخصه استيراد وتصدير
والشي الثاني الصين
اذا ما تشتغل في جملة الجمله ماكو فايده لان السوق انترس
والكل يدل الصين الحين

يعني اذا تبي خمسين ثريه اشترهم من الكويت احسن لك نفس سعر الصين





:وردة:

 

[محب الامام]

مشكورين يا اخوان

سؤال ثاني للتوضيح

الحين في ماركات صينية لها وكيل صح ؟؟؟ صح
الوكيل هذا شدراه ان هالمنتج سنع ويستاهل توكيل ؟؟؟
هل يقعد يجربه سنين عشان يدري انه كوالتي؟؟

 

[المهندس عمر]

افضل شيئ انك تسافر وتشوف بعينك ,, والمنتجات الصينية غالبيتها ما عندها وكيل لان الصينيين ما يهمهم منو يبيع كثر ما يهمهم جم يبيعون ,, تقدر تشتري اون لاين او تسافر افضل, وانصحك تدرس حاجات السوق قبل ما تسافر وتبتعد عن الاشياء المتوفرة مثل الاثاث والادوات الكهربائية وتركز على الشغلات الي غير متوفرة بكثره الشغلات الغريبة واليديدة.


اهم شيئ اترك عنك الكسل والربادة واشتغل بإجتهاد والله راح يكون معاك.

والله يوفقك ويفتح عليك. :إستحسان:

 

[الديفي]

تكاليف الشحن البحري من الصين اصبحت غاليه بسبب ارتفاع اسعار النفط


ذكرتني بجاري القديم هوايته بيع الالعاب الصينيه وهو على قد حاله.. وسيارته اشوفها واقفه ومتروسه العاب! ​