ارامكس ودناءة السلطه

[NewMan]

دي اتش ال و فيديكس لو يعطونك خصم 100% لا تصدق لأنهم راح يطلعون اضعاف القيمة برسوم ثانية من اختراعهم
و بالنسبة لغزلان ما عندهم صناديق بريدية بالخارج مثل دي اتش ال و ارامكس و غيرهم
و مركز سلطان ما جربته بس سمعت ان طريقة الطلب عندهم بدائية و الاسعار ما تشجع

تصحيح
الشركة اسمها غزال اكسبرس مو غزلان
خربطتني

 

[Q8Shaw]

من صجك اخوي؟
انت تشتري منين بالضبط علشان نعرف نرد عليك
و قبل ما ترد
ترى اغلب المتاجر الأمريكية ما تشحن للكويت دايركت
هذا اول شي
و ثاني شي,, انت رحت شفت مركز تسليم الطرود اللي في سنترال كيفان؟
الكويت ما فيها شي اسمه بريد ممتاز و لا غير ممتاز

اي من صجي !! اشتري من كل المتاجر الامريكيه و اليابانيه و على رأسهم امازون ..

و لعلمك كل المتاجر الامريكيه بلا استثناء تشحن دايركت للكويت عن طريق البريد العام !!!! ..

و لعلمك أن البريد العام هو الأصل و هو المكلف بإتفاقيات دوليه لشحن كل ما ترغب بإرساله بأي حجم ترغب !!! ..

اي نعم شفت مركز كيفان و اتعامل معاه بشكل مستمر و من عرفتهم و انا مقاطع ارامكس و كل الشركات الاخرى للبريد السريع !!! ..

و لعلمك أنهم في أمريكا يحاسبونك على سعر البريد السريع و يرسلونهم بالبريد العادي و يستلمونهم اهني شركات البريد السريع و يسلمونك اياهم !! ..

تبي الدليل على هالكلام ؟؟!!! ..

الدليل إن من الشروط الاساسيه للبريد السريع هو تسليم الارساليه خلال يومين عمل !!!! ..

و أتحداك إنك تقول استلمت اي ارساليه عن طريق الشراء عبر الانترنت في مده اقل من عشرة أيام !!!! ..

ولا تقولي الشحنه تتأخر من المصدر لأني بقولك إنهم يرسلونها بنفس يوم استلام الفلوس لشركات البريد السريع !!! ..

اللي تقوم بشحنها عن طريق البريد العام و تستلمها اهني و يسلمونك اياها بأقل التكاليف و انت تدفع أعلى الرسوم عليها !!! ..




​

 

[NewMan]

اي من صجي !! اشتري من كل المتاجر الامريكيه و اليابانيه و على رأسهم امازون ..​

و لعلمك كل المتاجر الامريكيه بلا استثناء تشحن دايركت للكويت عن طريق البريد العام !!!! ..​

اخوي الكلام هذا مو صحيح
مع احترامي لك بس السالفة مو عناد و اي شخص عنده خبرة بسيطة في الشراء من النت يعرف ان الكلام اللي قلته انت خطأ

 

[Q8Shaw]

اخوي الكلام هذا مو صحيح
مع احترامي لك بس السالفة مو عناد و اي شخص عنده خبرة بسيطة في الشراء من النت يعرف ان الكلام اللي قلته انت خطأ

على راحتك بس تأكد بأنهم يبون يكسبون منك من البريد أكثر من أرباحهم من مشترياتك !!!! ..




​

 

[خالد العبدلي]

اي من صجي !! اشتري من كل المتاجر الامريكيه و اليابانيه و على رأسهم امازون ..

و لعلمك كل المتاجر الامريكيه بلا استثناء تشحن دايركت للكويت عن طريق البريد العام !!!! ..

كلام ليس بصحيح ففيه بعض المتاجر الأمريكية لا تشحن إلا داخل أمريكا وحسب.

و لعلمك أن البريد العام هو الأصل و هو المكلف بإتفاقيات دوليه لشحن كل ما ترغب بإرساله بأي حجم ترغب !!! ..

اي نعم شفت مركز كيفان و اتعامل معاه بشكل مستمر و من عرفتهم و انا مقاطع ارامكس و كل الشركات الاخرى للبريد السريع !!! ..

في سنة 92 كان واصلني طرد على مركز كيفان من أمريكا، ثلث الأغراض اللي فيه لقيتها مسروقة رغم وجود إيصال بعدد الأغراض لكن ما أقول إلا حسبي الله ونعم الوكيل عليهم، ومن بعدها توقفت أطلب عن طريق البريد العادي!!!

و لعلمك أنهم في أمريكا يحاسبونك على سعر البريد السريع و يرسلونهم بالبريد العادي و يستلمونهم اهني شركات البريد السريع و يسلمونك اياهم !! ..

كلام مو صحيح، دائما لما أشتري أي شحنة من أي متجر في أمريكا وأطلب شحنها على الFedEd أو الDHL يرسلون لي رقم التتبع على أحد هالموقعين لتتبع البضاعة ومحادثتهم إن حصلت مشكلة.

تبي الدليل على هالكلام ؟؟!!! ..

الدليل إن من الشروط الاساسيه للبريد السريع هو تسليم الارساليه خلال يومين عمل !!!! ..

كلام مو صحيح ايضا، فيه عدة أنواع من الشحن لدي شركات الشحن السريع منها الشحن الإقتصادي (من 5-7 أيام) وفيه الشحن السريع (3-5 أيام)...الخ.

أما مسألة أن من الشروط الأساسية للبريد السريع هو تسليم الإرسالية خلال يومين عمل فعمري ما سمعت عنها!!!!!!

ممكن تعطينا الموقع اللي لقيت عليه هالشرط علشان نستزيد؟!!!

و أتحداك إنك تقول استلمت اي ارساليه عن طريق الشراء عبر الانترنت في مده اقل من عشرة أيام !!!! ..

بدون تحدي أنا أكثر من مرة أستلمت شحناتي خلال 5 أو 6 ايام من بعد شراؤها وإرسالها لصندوقي في أمريكا (يعني يوم أو 2 على ما توصل لصندوقي في أمريكا و3 أو 4 أيام على ما تنشحن بالبريد السريع للكويت).

وإذا إنت طالب شحنها دايركت من المتجر للكويت (بدون الحاجة لإرسالها لصندوق بريدك في أمريكا) فالشحنة قد تصل كما قلت سابقا في 3 أو 4 أيام.

ولا تقولي الشحنه تتأخر من المصدر لأني بقولك إنهم يرسلونها بنفس يوم استلام الفلوس لشركات البريد السريع !!! ..

مو صحيح هالكلام، في أحيان كثيرة يتأخر إرسال الشحنة لعدم توفرها أو لظروف خاصة بالمتجر (عندهم ضغط طلبات أو قلة العاملين...الخ) وهالشئ حصل معي أكثر من مرة.

اللي تقوم بشحنها عن طريق البريد العام و تستلمها اهني و يسلمونك اياها بأقل التكاليف و انت تدفع أعلى الرسوم عليها !!! ..

وأيضا هالكلام ليس بصحيح، الشركة الوحيدة اللي ما عندها أسطول جوي كما أعرف هي أراميكس فيقومون بالإستعانة بالخطوط الجوية الكويتية أو الUPS أو أي شركة شحن سريع أخرى لنقل بضائعهم إلى الكويت أو بقية دول الخليج أما بقية شركات الشحن فلديها أساطيل جوية لنقل بضائعها الخاصة بها.

أراميكس الأسوأ في النقل لأنها تعتمد على الآخرين وأنا تعطلت لدي أكثر من شحنة عندهم لحوالي الشهر لهذا السبب وعند سؤالهم كان السبب أن الخطأ يقع في المرة الأولى على شركة الUPS اللي - حسب كلامهم- القت بشحنات أرامكس في المخازن أثناء عطلة عيد الميلاد حتى تتفرغ لتوزيع البريد الكثير اللي كان عندها في هذه الأثناء!!!!
​

مع احترامي لردك لكن كان فيه مغالطات كثيرة!!!!!!

ردي بالأزرق وهذا من خبرة أكثر من 20 سنة بالشراء من النت.

والدعوة ما هي تعصب ولكن للنقاش وإبداء وجهات النظر.

 

[kalons]

nybox.com

انا اتعامل مع الشركة هذي تجميع الشحنات العطور وعنوان امريكي بنيويورك

وبعدها اختيار شركة شحن فدكس او دي اج ال

بلا ارامكس بلا وجع راس

والاسعار تلقونها بالموقع

بس حطو بالكم الوزن على حسب الحجم او الوزن ايهما اكبر

سلام

 

[Anu]

ما اردى من المربوط الا المفتلت
ما نختلف ان ارامكس جمبازيه
بس اكثر المستهلين اردى من ارامكس بس الجامعه ما يبون يجربون شركه ثانيه او حتى البريد الممتاز
الشركه تدري انها الطرف الاقوى وان المستهلك اول وتالي راح ياخذ منها سواء كان الكيلو بدينار ونص او 3 او حتى 5 دنانير اول وتالي راح يدفع حتى لو 10% من المستهلكين ما قاموا يشترون يكونون معوضين النسبه هذي بالزياده ويحطون احتمالية ان في ناس راح تعزف عنهم

ولكن البقيه دفيعين واذا زاد الطلب ارتفع السعر

محد طلع حق ارامكس ريش غيركم

 

[عامر بن صعصعة]

انا داز للاهل كذا مرة عن طريق DHL , والموظف يسال اي دوله اقول له الكويت يطلع الترتيب اكتشف انها حالها من حال دول افريقيا ويمكن اتعس والجواب من اسبوعين الي ثلاث اسابيع اقول اوكي واخر مره تقريبا كان خلال اسبوعيين استلموا الاهل الطرد

اخي الشركات الكبيره تتعامل مع الدوله والتقصير من وزارة الموصلات لو كانت متطوره ماكان مثل جذي شركات تلعب في المواطن

وتطور البلاد من تطور البريد فيها ...........

مجرد مقاطعة مثل جذي شركات وتجار للابد

 

[بن ذى يزن]

طالب عن طريق usps
واليوم كيفان دازين ورقه لي لمراجعتهم لاستلام الطلبيه

خلوني اشوف شنو يصير وياي واقولكم

يا تحولون ولا قعدوا على اراميكس

 

[Q8Shaw]

مع احترامي لردك لكن كان فيه مغالطات كثيرة!!!!!!

ردي بالأزرق وهذا من خبرة أكثر من 20 سنة بالشراء من النت.

والدعوة ما هي تعصب ولكن للنقاش وإبداء وجهات النظر.

لا أبد ما هي تعصب أدري !!!!!!!!! ..

و النقاش و وجهات النظر تقول أن رأيي ما فيه ولا شيء من الصحه ؟؟؟!!!!!! ..

ما شاء الله أكثر من عشرين سنه و انت تشتري من النت ؟؟؟!!!!!!!! لا بصراحه جذي احرجتني و خليتني فعلا اصدقك و أقر برأيك !!!!!!!!!!!! ..

بس عفوا انت قبل الغزو بشوي و لا عقب التحرير من وين كنت تشبك على النت مع أي شركه ؟؟!!!! ..

احنا بـ 2012 - أكثر من 20 سنه يعني 1991 بأقل تقدير ممكن تقولي مع أي شركة كنت تشبك و تشتري من النت و أي شركة بريد سريع كنت تستخدم ؟؟؟؟!!!!!!! ..

ولا تقولي كنت بأمريكا و تشبك و تشتري من هناك لأننا نتكلم عن البريد مع الكويت !!! ..





​

 

[خالد العبدلي]

جمعة مباركة

ولا حول ولا قوة إلا بالله

أخوي يا الطيب يا الأخ العزيز قلت لك الدعوة ما هي تعصب ولا عناد

أنا عن جد كنت متردد في الرد عليك من البداية بعد رؤية طريقة ردودك على باقي الأعضاء لكن قلت يمكن أكون مخطئ

على اي حال يا حجي بسنة ال92 أنا شفت إعلان في مجلة أمريكية للسيارات بالكويت ودزيت قيمة البضاعة لهم عن طريق البريد العادي (والحمدلله أنها وصلت لهم في بلدهم) وبعثوا لي أغراضي بالبريد العادي ايضا على سنترال كيفان

عبارة "وهذا من خبرة أكثر من 20 سنة بالشراء من النت" أخطأت بها فكان المفروض "وهذا من خبرة 20 سنة في الشراء من الخارج"

وأما عن النت ومتى اشتركت فيه فكان هالشئ في سنة 1995 مع شركة كيمز في برج الجاز بالديرة.

والحين ممكن يا خوي تقول لنا حضرتك من متى بديت تشتري من النت أو من الخارج علشان نستفيد من خبراتك؟؟؟؟!!!!!!

وفي أمان الله

 

[Q8Shaw]

جمعة مباركة

ولا حول ولا قوة إلا بالله

أخوي يا الطيب يا الأخ العزيز قلت لك الدعوة ما هي تعصب ولا عناد

أنا عن جد كنت متردد في الرد عليك من البداية بعد رؤية طريقة ردودك على باقي الأعضاء لكن قلت يمكن أكون مخطئ

على اي حال يا حجي بسنة ال92 أنا شفت إعلان في مجلة أمريكية للسيارات بالكويت ودزيت قيمة البضاعة لهم عن طريق البريد العادي (والحمدلله أنها وصلت لهم في بلدهم) وبعثوا لي أغراضي بالبريد العادي ايضا على سنترال كيفان

عبارة "وهذا من خبرة أكثر من 20 سنة بالشراء من النت" أخطأت بها فكان المفروض "وهذا من خبرة 20 سنة في الشراء من الخارج"

وأما عن النت ومتى اشتركت فيه فكان هالشئ في سنة 1995 مع شركة كيمز في برج الجاز بالديرة.

والحين ممكن يا خوي تقول لنا حضرتك من متى بديت تشتري من النت أو من الخارج علشان نستفيد من خبراتك؟؟؟؟!!!!!!

وفي أمان الله

بادئ ذي بدء ما يجوز تقول جمعه مباركه لأن أيام الله كلها خير و بركه بإذنه تعالى ..

بيييييه اشدعوه انت ماخذ مني موقف قبل لا تكلمني ؟؟!!!! مادري شفيه ردي عليك ؟؟!!! ..

واذا كان ردي عليك و لا على احد الزملاء أو الزميلات فيه قلة أدب ولا غلط فما عليك إلا أن تضغط على الزر الاحمر و المشرفين ما يقصرون يعطون كل ذي حق حقه !! ..

المهم نرجع لموضوعنا انا كل اللي قلته سألتك متى اشتركت بالنت لأنك اخطأت بالتعبير (هذا قولك) و بس حصل خير ان شاء الله ..

أما عن موضوع خبراتي المتواضعه بالشراء عن طريق النت فما أظن بتفيدك بشي لأنها كلها مو صحيحه حسب رأيك ..

ولكن من باب الزماله ومن مبدأ اظهار الود و عدم العدائيه (اللي انت تشوفها فيني) ما بديت اشتري من النت اللي لما ابتدعوا الكريديت كارد للنت ..

لأني اخاف احط الكريديت كارد اللي استخدمه ايامها و هو اميريكان اكسبرس جولدن لأنه غير محدد سقف السحب عليه ..

وسلامتك ..




​