يــا وســيـع الـبــال

[وليد المجني]

شكراً دينـا .. وإن شاء الله سأضع نبذة بسيطة عن شاعرنا وبعض الأشعار البارزة في حياته .

يقول شاعرنـا :

قالو حبيبك يسمع الشعر قلت اية ... يقراه بعيوني قبل تسمعونة

ينتمي الشاعر / متعب التركي المطيري إلى قبيلة مطير من المسمين من العبيات وهو ساكن في حفر الباطن وحاليا يعمل موجه في قطاع التعليم . ومن المعلوم أن شاعرنا من مواليد دولة الكويت .

متعب التركي​

[FONT=Simplified Arabic,simplified arabic,tahoma,ms sans serif,verdana,arial,helvetica]

[/FONT]​

قالوا حبيبك يسمع الشعر قلت إيه ... يقراه بعيوني قبل تسمعونه​

لولاه حتى طاري الشعر مابيه ... ميراكتبه من شان خاطر عيونه​

هو روح شعري وامنياته وماضيه... جذع الشجر وش كان لولا اغصونه​

اكتب لغيره والقصايد تجي فيه ... كن القصايد حالفه ماتخونه​

هذاك لامنه زعل قمت اهاديه ... حتى وهو مخطي تعذرت دونه​

يمكن لوانه يلمس الجرح بيديه ... يستغرب ان اللي لمسها طعونه​

ابطى وهو غايب وزلت حراويه ... وأنا من العام اتحرى مزونه​

هومادرى اني في غيابه محاتيه ... ليته نشّدعن حالي اللي يجونه​

وقلبي اللي توه افلت عراويه ... كيف انسرق وضلوع صدري حصونه​

عجزت ارده كن ماني براعيه ... يوم انتثر شوقه وهاضت اشجونه​

يبسن عروقه لكن اللي يعزيه ... ان اكثر العالم تردد لحونه​

خافوا من الله لاتجيبون طاريه ... لاصرت انا موجود لاتذكرونه​

لو كل غالي جابه الله لغاليه ... ماشفت لك مخلوق تبكي عيونه

​

 

[وليد المجني]

ماهو خطا عشان ادور معـــــــــاذير ** ولاهو غلط عشـــان ادور صوابه

اليوم توه عّود لوكره الطيـــــــــــــر ** واصبح يشوف العالم اكثر رحابه

مستغربين انه ملى قلبي الــــــــخير ** ليه الغرابة! وين وجه الغـرابة؟

تعبت ادور للخطاوي مشــــــــــاوير ** لين التعب زاد الليالي رتـــــــابـة

يبكي فرح من شاف بعض التبــاشير ** معذور لو دمعه يبلل ثيـــــــــــابة

من كنت بأول خامسة طفل صـــغير ** كنت امتلي حزن وغموض وكأبه

كنت أشعر اني غير والمدرسه غـير ** هيمان في جو النبي والصحـــــابة

كنت المح بوجه الليالي تعـــــابـــــير ** وأقراء همومي قبل أعرف الكتابة

والشعر غاااب وله محبة وتقديـــــــر ** اول غيابه شلت هم لـــــــــــغيابه

بالنفس كان لبعض هالأمر تـــــــأثير ** والليلة اهون من جناح الـــــذبابه

متعب التركي ​

 

[وليد المجني]

وين هالغيبه عسى ماهي إفراق .. ليه تبخل بالمجي خلّك كريم

خابر ان الجرح لا صابه حراق .. ما يفيده طبّ والله العظيم

ينشدوني وين من رمشه دقاق؟ .. قلت مدري ذاك خبري به قديم

الغلا راعيه له قلبن رقاق .. لو جفيته صارت ضلوعه هشيم

لو زعل لو شال غيضه واستضاق .. ما يخرّبها وجرحه بالصميم

ادمح الزلاّت زلاّت الرفاق .. خصّ لا من صار راعيها حشيم

واكره الخوّان كرهي للعراق .. واعشق الوافين عشقي للقصيم

عند اهلها غاليه وضح النياق .. وانت عندي يمكن اغلا يا وسيم

ان بغيت افراقنا هاك الفراق .. وش نبي بالحب دام الحب ضيم؟

الشاعر / متعب التركي ​

 

[وليد المجني]

نسيتني علمني وشلون ابنساك
في هالزمن نسيان الأحباب عادي ​

شلون لا مرت على البال ذكراك
وطيفك سرق مني لذيذ الرقادي ​

وشلون لا قالوا لي الناس وش جاك
من كنت في لذة منامك تنادي ​

شلون أعيش اللي بقالي بلياك
لامن غدينا كل واحد بوادي ​

لو قلت أداوى جرحي اللي تباطاك
ماكل جرح يفيد فيه الضمادي ​

أعلنت حبك لين كلٍ تمناك
غلطه وغيري من خطاي استفادي ​

لولي مثل قلبك تمنيت فرقاك
واكيد قبلك بالجفا صرت بادي ​

حلوه عذاريبك وحلوه مزاياك
حتى بيوم فرا قنا كنت هادي ​

كن الليالي ودها تكسب رضاك
وآنا يطول مع الليالي جهادي ​

في ذمتي ماهي غريبة خطاياك
مبطي وقلبك لو تنبهت غادي ​

سهله علي من كان مثلك وشرواك
مثل الثياب يغيرون المبادي​

علمني اكره ذكرياتك وطرياك
وانسى من الليلة صدوق الودادي ​

ولاني بقايل عقبها وين ابلقاك
راضي ولو إن جروح قلبي جدادي ​

وإلا القصايد جعلها من فداياك
لبستها مبطي ثياب الحدادي ​

باكر علي المخطي يدورون الأفلاك
ونشوف من يصعب عليه البعادي​