سؤال وجواب منو جرب يرسل اوراق الى السفارات الكويتية في الخارج

[ولد-العنجري]

السلام عليكم


ياريت اى واحد يساعدني انا برسل اوراق الى السفارة الكويتية في امريكا (واشطن) وابي تصديق
جم تتوقعون تطول الاوراق ومنو جرب عمل هذه الطريقة وماهيا افضل شركة لارسال ؟؟

ياريت النصايح والمده الزمنية

وشكرا لكم​

 

[بن ذى يزن]

لك رساله في الخاص

 

[Desert Eagle]

اخوي اذا تبي تصدق قبول جامعه

روح عند اتحاد طلبة امريكا مكتبهم بالمنطقة الحرة

امسك الغزالي لين تجيك اشاره الجامعه والمينا كمل سيدا ثاني اشاره يسار ثالث مبنى على ايدك اليمين تشوف سيارات

هم يدخلون القبول بالسكنر وعقب يدزونه لايميل الملحقية الثقافيه ويوصل الرد تقريباً اسبوع حسب الزحمه

وتكتب عندهم رقمك وايميلك ويوصلك على الايميل او يدقون عليك ويقولون لك تعال اخذ قبولك المصدق

موفق

 

[ولد-العنجري]

مشكورين على المررو شباب لاوالله ليست الاوراق علاقة في الجامعة حق زوجتي
اوراق الصحيفة الجنائية , والمشكلة صار لى اكثر من اسبوع ارسل اميل الى السفارة الكويتية في واشطن ولم يتم الرد حتى الان , حتى الهواتف والله حرام