سؤال وجواب حجز قطار داخل اسبانيا .. افيدونا ياجماعه

[S3d1987]

السلام عليكم

ياشباب انا مسافر اسبانيا اخر الشهر ان شاء الله وتقريبا كل الحجوزات قدرت اني اخلصها لكن القطار للاسف حاولت بالنت اخلصه ماقدرت دائما ماتواجهني مشكله بالموقع او ان الموقع يكون مافيه استلام من محطة القطار لازم يرسلونها لك بالبريد السريع ابي تفيدوني بطريقه او موقع مضمون مع الشرح او لو احد يعرف مكتب يحجز قطارات بالكويت افضل لاني كلمت اكثر من مكتب للاسف ماحصلت مكتب يحجز واكووووووون شاكرلكم ياجماعه

 

[بومحمد33]

مرحبا اخوي

انا حصلت هالموقع

http://www.raileurope-world.com/destinations/countries/Spain?belboon=02e8cc085d68023a5e003f26,2671142,keyword=G.KW.R75.spain%20railways+

جرب تشوفه واذا حصلت تذكرة الكترونية راح يدزونها بالايميل وانت تطبعها عندك بالبيت ، مثل فرنسا وبريطانيا والمانيا كلهم انا مسوي جذي لكن اسبانيا للاسف ماجربت.

وهذي شركة قطارات اسبانيا
http://www.renfe.com/EN/viajeros/horarios.html

حسب خبرتي اذا كان قطارك بنص الاسبوع اعتقد تلقى اماكن بسهوله بمحطة القطار نفسها او عن طريق الفندق ممكن يحجزلك.

بالسلامه

 

[meshal]

اشسالفتكم على أسبانيا علمونا

 

[S3d1987]

اسبانيا بلد جميل ياخوي ويكفي فيه تاريخ العرب فمجرد ذهابك الى الاندلس ومشاهدة تاريخ العرب وقصورهم ستشعر كم ابتعدنا عن ديننا ومانعيش فيه من ذل وهوان

عموما للفائده فقد وجدت مكتب للسفريات يحجز قطارات لجميع دول اوروبا وخلال يوم او يومين بالكثير يسلمك التذكره وهو مكتب سفريات القائد لهم فرعين فرع بحولي وفرع بجمعية سلوى ولهم اكاونت على تويتر

 

[S3d1987]

مرحبا اخوي

انا حصلت هالموقع

http://www.raileurope-world.com/des...03f26,2671142,keyword=G.KW.R75.spain railways+

جرب تشوفه واذا حصلت تذكرة الكترونية راح يدزونها بالايميل وانت تطبعها عندك بالبيت ، مثل فرنسا وبريطانيا والمانيا كلهم انا مسوي جذي لكن اسبانيا للاسف ماجربت.

وهذي شركة قطارات اسبانيا
http://www.renfe.com/EN/viajeros/horarios.html

حسب خبرتي اذا كان قطارك بنص الاسبوع اعتقد تلقى اماكن بسهوله بمحطة القطار نفسها او عن طريق الفندق ممكن يحجزلك.

بالسلامه

يعطيك العافيه ياخوي انا حاولت في كل هالمواقع من قبل وماتم الحجز لعدة اسباب بس حجزت من الكويت والحمدالله السعر يفرق شي بسيط مافيه مبالغه

 

[meshal]

اسبانيا بلد جميل ياخوي ويكفي فيه تاريخ العرب فمجرد ذهابك الى الاندلس ومشاهدة تاريخ العرب وقصورهم ستشعر كم ابتعدنا عن ديننا ومانعيش فيه من ذل وهوان

عمي عنده في هالديره شقة من عمر يصيف فيها .
لكن أدري أن عموم عرب ما يحبون السياحة من أجل الإطلاع على التراث الحضاري وثقافة الغير

تروح وترد بالسلامه :وردة:

 

[عبدالله .]

القطارات عادةً ماتكون مزدحمة
فإذا مامشت معاك بالنت
احجز لما توصل هناك عن طريقك او عن طريق كونسيرج الفندق
وبالسلامة إن شاء الله