سؤال وجواب زواج الكويتيه من السعودي

[انسانه]

السلام عليكم اختي متقدم لها سعودي اخلاق وولد عايله بس ضروفه الماديه شوي صعبه :إستنكار:


واهي محتاره فحبيت اساعدها

ابي اعرف شنو الحقوق للكويتيه المتزوجه من خليجي؟ بتكون حياتها سهله؟؟ شنو تقدم لها الحكومه من تسهيلات بخصوص السكن وتعليم الابناء؟؟ والخ الخ

والي يعافيكم الي عنده خبره يساعدني ولكم دعوه طيبه مني :وردة:

 

[سوزان 1]

ازا ابن حلال تتوكل على ربنا اارزق من عند رب العالمين ومابتعرف يمكن ربنا يفتحها بوجهه من اوسع الابواب
انا اختي الكبيرة اجاها عرسان كتير واختارت واحد حالته المادية مو كتير بس شخص رائع بكل معتى الكلمة وبابا كتير ساعده باول حياتهم الزوجية وهلا ربنا فتحها بوجهم وكسبت بالنهاية زوج رائع

ملاحظة يعني على الاقل زوج المستقبل يقدر يلبي مصاريف بيته الاساسية اما الكماليات بعدين بتيجي

في مثل اردني بقول ياماخد القرد على ماله بروح المال وبيبقى القرد على حاله

بالتوفيق لاختك حبيبتي

 

[تأبط خيرا]

مشكوورين اخواني عالردود ماقصرتوو

عموما اهو الشخص سعودي عايش بالكويت وامه كويتيه

وانا الي اعرفه ان الكويتيه الي تتزوج غير كويتي لها بيت شعبي وعيالها يمشي لهم50 دينار العلاوه؟؟ صح؟

نعم يمشي لها علاوة 50 لكن بعد رفع قضية

ويحق لها بيت شعبي لكن حتي البيت الشعبي صار له دور ويطول سنيين

بالتوفيق​

 

[وطـن النهـار]

ماأعتقد أن فيه مشكله , كثير من السعوديين ماخذين كويتيات !
وكثير من الكويتين ماخذين سعوديات , اهل وحبايب .

وأذا كان الرجال ذو دين وخلق ومستقيم , خليها تتوكل على الله !

ترى بعد الزواج الله بيفتح الرزق عليهم , لان الزواج فيه بركه .

اما بخصوص الوضع المادي للزوج فلا يهم , وأعتقد أنه فتره وبيروح يتوظف بوظيفه حكومية بالسعودية لما يجي دوره , وعادي اختج تروح معاه وتتوظف هناك . توكلو على الله , وقيسو الامور بعقلانية ولايكون مقياس اموركم ماديه .

والله يوفق الجميع . شكرا َ

 

[رافع الراية]

اغلب الردود حسستني ان السعودي فقير وطرار والمرأة في السعودية مهانة



المسألة توفيق والله يرزق الناس قال تعالى ( نحن نرزقكم واياهم ) يعني الزوجة والولد يجي رزقهم معهم

اعرف حارس مدرسة متزوج ثنتين وعنده كومة عيال وبيته اجار ومبسوط بحياته ولا عليه ديون ولا شي وعنده سيارة متوسطة الحال وعياله متفوقين

 

[المهذب]

اهم شي شخصية المتقدم للزواج وتسألون عنه في دوامه أو المحيطين حوله


ولازم تتأكدون من اخلاقه قبل كل شي وانه شخص نفسه عزيزه

يعني مو من جماعة (سلفني) ..!

واذا ارتحتوا له ..شالمانع من الموافقة
​

 

[بنت العز]

اللهم لك الحمد اني كويتي

والمصيبة اغلب الي ردوا ضد الحكومة ومع ذلك يقولون سهلات يعني الحكومة الكويتية

قايمة بالواجب اتجاة مواطنيها لكن شلون تخلي قليل الاصل يقتنع هههههههه

نعم عقد زواج كويتي وتعيش بالكويت

سلام وخل تتزوج وتعف نفسها ولايظحك عليها بالديون ترى بعض عيال الفقر من السعودية

حاطها باب نصب وليس للزواج والاستقرار
​

السعودي طول عمره مرفوع الراس رجااال السعودي يصرف ع زوجته ويكرمها حتى لو انها غنيه وموظفه فهو يعرف حقوقها الشرعيه السعوديات عايشين معززات مكرمات واهاليهم وازواجهم حافظين حقوقهم وكرامتهم الزوج السعودي يصرف ع زوجته وبيته وعياله ويسكنها بيت لحالها وسواق وهي مرتاحه على الاخر .. لكن الكويتيه المسكينه هي الي تصرف ع زوجها الكويتي وهي شايله البيت وعيالها والشغاله وحياه الرجل الكويتي قروووووض في قروووووووض ولايدري عن واجباته تجاه زوجته ولايحفظ حقوقها اعرف كويتيات كثيييير متزوجات سعودين بحكم اني عشت سنه بالحفر كلهم مرتاحين ويقولون فررررق لو متزوجين كويتي كان مبهذلينا بالمصاريف والقروض افهموا ياناس حنا يالسعوديات ملكاااات محفولين مكفولين بكل شي ولله الحمد ووضعنا المادي عال العاال ومن يشتكي من وضع مادي فللاسف مافي قناعه ويصرف بالسفريات وغيره حنا اكثر شعب يسافر ويتعلم احسن تعليم وووو وبالنسبه لوضع هذا السعودي فهو شي طبيعي يكون وضعه المادي تعبان لانه عايش ببلد غير بلده عايش مع امه الكويتيه الي مالها حقوق بالكويت والمصيبه تتكلمون عن حقوق الكويتيه وابناءها المتزوجه من غير الكويتي عجب عجااب اخر شي اقوله السعوديه فوووق هام السحب

 

[بنت القبايل]

وعليكم السلام
الله يرزق أختج الزوج الصالح ويسعدها
ومبروك

وبالنسبة لسؤالج اعرف كويتيات شكثر ماخذات سعودي والله متبهذلين اخر بهذلة وحياتهم صعبة
يعني مثال احنا متعودين على الحياة الاجتماعية بالكويت غير عن هناك
وبعضهم يعانون من تمييز عنصري وسب بالكويت وأتمنى محد يدخل يدرعم علي ويشتم انا أتكلم عن حالات اعرفها صار لهم جذي اللي تقول يعايروني بالغزو واللي تقول يسبون الكويت ويقولون فساد تقول هذول من الوسط اللي عايش فيه مو بس من بيتها
واللي لا شغل ولا طلعة ولا فلوس وأهلها يتصدقون عليها كل شهر
واللي يطقها
واللي تطلقت وأخذ عيالها منها وحرمها منهم والله الحرمة الحين تعالج
واللي ذبحتها الغربة
واللي مو قادرة تتأقلم مع الثقافات اللي هناك ، كل مجتمع عنده ثقافة معينه وعادات وتقاليد ، لا تقولين الكويت والسعودية واحد والله فرق

بس وحدة من الحالات اللي اعرفها أخذت سعودي غني من اهل الرياض وارتاحت وعاشت معاه
اما الباقي قصصهم مأساوية من اهل وصديقات ومعارف

طبعا مااااااااااا أعمم ولو خليت خربت والكويتيين مو مقصرين (سعيد أخو مبارك) بس على الأقل الكويتي تقدرين تاخذين حقج منه بالقانون

اسألوا عدل عنه وعن أهله وخل تشرط شروط مهمة تحفظ حقوقها مثل الوظيفة والدراسة ...الخ

بس خلج دايم على وصية النبي صلى الله عليه وسلم وماراح تخسرين ، اللي فيما معناه ان جائكم من ترضون دينه وخلقه فزوجوه

الله يوفقها ويسعدها بحياتها