لا للقوائم في دائرتنا الأولى

[شيعي ليبرالي]

ليش احنا مجبورين نعطي

الكابتن خليل

اذا بغينا نعطي صالح عاشور

يعني احنا نبي صالح عاشور ونحبه ونحترمه

بس الكابتن هذا مغرور وطائفي حده

ما اضن انه بيخدم الكويت بشي

المهم

وليش يعني لأن انا شيعي بعطي اربعه شيعه

مو يمكن يطلع سني زين نعطيه يفيدنا وايد وفيد البلد

وفيد الاجيال القادمه

زين ليش لان انا ريال ما اعطي حرمه ممكن تفيد ديرتي

يعني في وايد تسائلات

انا محتار فيها

لكن انا صحيح شيعي بس ليبرالي والحمد لله

يعني اكيد بعطي عاشور

بس محتار في الي راح اعطيهم مع عاشور

واكيد ميه بالميه ما راح اعطي خليل

ولا واحد ما اعرفه عشان اهو شيعي

الكويت أولا

 

[جاسر]

اسمح لي ارد عليك
اولا منت مجبور بالالتزام بالقوائم بالعكس صوت على مزاجك
و ثاني شي شي ايجابي جدا ان تبتعد عن النعرة الطائفية و تصوت للاصلح بغض النظر عن الانتماء الطائفي و القبلي و العائلي و هذا الشئ لا يوجد الا في قلة واعية

بس اللي مو قادر افهمه في كلامك شئ واحد
انك تستبعد خليل الصالح و ترفض تنتخبه لانه طائفي و مغرور هذا سبب كافي بس يستقيم ذلك مع تصويتك للطائفي الاكبر عاشور هل لانه طائفي متواضع و حبوب مثلا ؟

 

[كويتي شيعي]

اسمح لي ارد عليك


بس اللي مو قادر افهمه في كلامك شئ واحد
انك تستبعد خليل الصالح و ترفض تنتخبه لانه طائفي و مغرور هذا سبب كافي بس يستقيم ذلك مع تصويتك للطائفي الاكبر عاشور هل لانه طائفي متواضع و حبوب مثلا ؟

استدلال جيد

واضح ان الموضوع كله فتحه شيعي ليبرالي

علشان يقول انه ما بيصوت لخليل الصالح وعلشان يضرب فيه يتهمه بالطائفيه

والمريب بانها مشاركته الاولى

هذا يا بوراشد داش بنك ثاني او واحد من الاعضاء وداش بنك جديد علشان يقول انا اكره خليل




والاختيار لنا بالتصويت ولا يحاتي خليل وغيره ... احنا مع الاصلح

 

[Goalchy]

الأخ (شيعي ليبرالي)..

كلامك عالعين والراس، ولكن ما هو دليلك بأن خليل الصالح طائفي ؟

 

[المنسي]

اعتقد فعلا انه واحد تم طرده من المنتدي و دخل بنك ثاني ...اسلوبه مكشوف ...

 

[شيعي ليبرالي]

اخي جاسر

صدقني عاشور مو طائفي ابدا ابدا

وتعال اثبت انه طائفي بأي أمر

في فرق لمه يكون الواحد طائفي لأنه فقط ينتمي للمذهب

وفي فرق بين الواحد الوطني الي يطالب بحقوق الشيعه المسلوبه

ييب موقف واحد على عاشور يدل على انه طائفي

وانا اقولك والله انا شيعي

وما اشوف عاشور طائفي

عاشور فقط يطالب بحقوق الشيعه وهذا امر طبيعي لمه الواحد يطالب في حقوق ابناء مذهبه

وانا معاك الحين وجدام كل الاعضاء

لمه يكون عاشور طائفي في موقف واحد اقسملك اني ما اصوتله

ممكن تييبلي دليل واحد ؟

وفي انتظارك

كويتي شيعي

اولا انا اعرف بو راشد الي يكتب مواضيع انا ضدها

بس للعلم ما يجوز تتهم احد

يعني هل مرجعك يجوزلك تتهم احد

ما ندري بس مراجعنا الي نقلدهم ما يجوزون نتهم احد جذي تهم

طيب انا داخل المنتدى عشان اشارك في مواضيع الانتخابات

ان كانت الاولى العاشره

مو مهم المهم اني اقول الي بقلبي

وما اغلط على احد

لأني ليبرالي

حياك الله

اخي ليبرال

اضن الجميع يعرف انه مغرور

عشان جذي ما تكلموا عن هالصفه

بس انه طائفي

سبب واحد

هو ان جمع بين الغدير والوحده في الرميثية

وانت تعرف يعني شنو بين الاثنين وحده

يعني شيء فوق ما يقبله عقل

هل جمع بينهم لمصلحة الجميعيه لا طبعا

هل جمعهم عشان يواجهون غلاء الاسعار طبعا لا

هل جمعهم عشان الكويت طبعا لا

جمعهم عشان لا ينجح السني

وانا اقولك ممكن السني للجمعيه يكون افضل من الشيعي

رغم اني اشتغلت وايد للغدير بس انصدمت من هالتحالف

الطائفي

المنسي بارك الله فيك

لا والله لم اطرد في حياتي من منتدى

سوى منتدى واحد عراقي كنت ادخل ادافع فيه عن الكويت

عنك وعني وعن اهلنا

وللعلم في الايام القادمه تسمعون عن وايد شيعه ليبراليه في المنتديات