سؤال وجواب تعبت من كثر ما اشوف الوصخ حولي

[جيمس بوند الكويت]

يا جماعه انا واحد تعبت نفسيا من كثر ما اشوف الوصخ حولي

تروح البحر وصخ تروح حديقة وصخ تروح ممشى وصخ تسوق سيارتك ما وعيت الا حاذفينك بكلنكسات وقواطي

الاماكن الوحيده النظيفه الي تكون مغلقه

وانا ما احب هالاماكن

وين اولي

شنو الحل ويا هالناس الوصخه ويا هالشركات الي ما يهمها الا الارباح وشنو الحل ويا هالوزارات الي ما تسوي حملات توعوية واعلانات تثقيفية

 

[كويتنا3]

مو كل شي نبيه بالدنيا يصير





حاول تكيف نفسك مع الدنيا






انا صارلي 8 سنين مريض






همك بسيط ياغالي هونها وتهون

 

[Imaginary]

في مثل مغربي حلو بهل معنى: الي يقوم ويخلي مكانه وصخ له 4 ارجل، الناس تعودت تاكل وتمسح ايدها بالطوفة، توصخ والخدم ينظفون.. على فكرة في قانون ضد هل تصرف، لكن من يطبقه؟
يحز بالخاطر انك لما تسافر لدول متحضرة ماتلقى حتى قطف الزقارة طايح، مادري اذا كان خوف من القانون لهل شعوب ولا حب بالارض، لكن بالحالتين احنا اولى ان نحب بلدنا ومانوصخها، والقانون .. القانون .. القانون
اكثر الناس تخاف ماتستحي للاسف، امن العقوبة واساء الادب، لو في قانون ماراح نلقى وصخ، ولا اختلاس، ولا فساد، ولا واسطات، ولا عمات عين .. بس طبق القانون مومحتاجين حملات اعلامية وتوعوية، محتاجين تطبييق للقانون مو اكثر

 

[مساعد الشويب]

والي يقولك يمشي بشارع

وحاذفين طابوقه

خلها ع الله والله كريم

 

[محمود المليجي]

كلامك صحيح اتذكر شوارع الكويت سابقا كانت نظيفه ومثاليه نوعا ما
اما حاليا حدث ولا حرج تجد الأوساخ اجلكم الله مرميه في بعض المناطق واهمال كبير
اما ما يحز في النفس ان ترى شخص يرمي محارم الورق او القراطيس وعلب البيبسي والعصائر وهو ماشي بسيارته
اعتقد هالنوعيه اساسا وسخين وغير مبالين ..
الكويت يبيلها اعادة نظر وخطه جاده لسن قوانين او تفعيل قانون النظافه والتشديد عليه والمسؤليه مشتركه علينا جميعا لكي نراها كما كانت ..

 

[آصال]

مو كل شي نبيه بالدنيا يصير





حاول تكيف نفسك مع الدنيا






انا صارلي 8 سنين مريض






همك بسيط ياغالي هونها وتهون

سلامات ماتشوف شر

 

[ولد وايل]

لا .. يا حرام ..

لا لا .. ما تشوف شر .. ألف سلامات عليك ..​

 

[جيمس بوند الكويت]

شلون اكيف نفسي الله يهداك

اليوم وانا عالبحر حسيت نفسي فار بمكب نفايات من الي شفته حولي

شي يسد النفس والله ما استبعد اوبئة اذا ما تم اصلاح الوضع البيئي بالكويت

من فترة سالت عن مكبات النفايات وقالولي عن مواقعها يوم شفتها على خرايط قوقل انصدمت من كبر حجمها

نبي حل

 

[الاعصااار]

انت نفسي شايل هم البيئه يامعود تعبت وانا انصح واكلم ماينفع
تصدق صرت اقلل طلعاتي بالسياره عشان مازيد غاز ثاني اكسيد الكربون بالجو
معقد حدي من التلوث ههههههه

 

[Q8 1]

اول كل شى نظيف مادرى شفيهم الناس تغيرو ​

حط فى بالك كثره الوافدين من شتى بقاع الارض بأختلاف مذاهبهم واهما مرتادين هلمواقع بنسبه كبيره جدا
اما الى ينحذف من السيارات اغلبيتهم ربعنا الله يهديهم​

 

[حُر]

كلامك في مبالغه اخوي الكريم​

صح احنا نحتاج الي تنظيف اماكن كثيره​

بس مو بالصوره اللي انت قلتها​

يعني انا كل يوم اطلع الحمدلله الشوارع نظيفه والامكان اللي اروحلها اكثرها نظيفه​

في اماكن وصخه وانتوا بكرامه بس مو لدرجه اللي انت قلتها​

عموماً موضوعك مهم للأمانه - الله يعطيك العافيه​

 

[سعود الظفيري]

كل هالامور بصوب وسالفة الي يحذفون وصاختهم من السياره بصوب
ياجماعه نمشي بالسياره فجأه نشوف قذائف تنطلق نحونا بسرعه بالشارع
وصاخه البحر والحدايق تهون بس اللي يقط وصاخته واهو يمشي من السياره هذا فعلا الانسان الهمجي اللي ماتعلم شي اسمه نظافه ,,

الاصلاح بهالحاله بيدنا اللي له صديق يسوي مثل هالتصرفات ينصحه ويفهمه ان هالشي غلط
اما اذا تتنطرون حملات من الحكومه ماراح نخلص​

 

[غيث]

الله يهديك مو انت هوايتك تربية الكلاب وتدريبهن
الوصخ انظف من الكلب عادي عيش حياتك تخيل كل الوصاخه هذي كلاب
راح تتاقلم مع الوضع

 

[مواطن طبيعي]

انا مره فكرت اروح البحر​

طبعاً البحر كله مسكر من النويصيب الى السالميه​

المهم تعبت ادور (فجه) تطل على البحر وبعد جهد جهيد لقيت مكان مفتوح عالبحر​

صفطت وقعدت شميت ريحه خايسه .!! لقيت جمبي حفاضه طايحه​

وطبعاً وافدين واااااااجد قاعدين على هالكيلومتر المطل على البحر​

حتا مرتني وحده مفصخه عمرها سنه طفله لآحد الوافدين ربي كما خلقتني ماخذها راحتها ​

طبعاً انا حسيت بالقرف وقمت ومشيت​

أنا مقتنع اننا في دوله لا تطل على بحر الا بالخريطه فقط​

حسبنا الله على من حرمنا من بحرنا​

 

[جيمس بوند الكويت]

انت نفسي شايل هم البيئه يامعود تعبت وانا انصح واكلم ماينفع
تصدق صرت اقلل طلعاتي بالسياره عشان مازيد غاز ثاني اكسيد الكربون بالجو
معقد حدي من التلوث ههههههه

انت مو معقد هذا التفكير سليم :إستحسان:

 

[جيمس بوند الكويت]

كلامك في مبالغه اخوي الكريم​

صح احنا نحتاج الي تنظيف اماكن كثيره​

بس مو بالصوره اللي انت قلتها​

يعني انا كل يوم اطلع الحمدلله الشوارع نظيفه والامكان اللي اروحلها اكثرها نظيفه​

في اماكن وصخه وانتوا بكرامه بس مو لدرجه اللي انت قلتها​

عموماً موضوعك مهم للأمانه - الله يعطيك العافيه​

الشوارع من اسفلت عشان جذي تلاقيها نظيفه هذا غير تنظيف عمال البلدية هالاماكن وبشكل يومي

اتكلم عن الاماكن الي المفروض الانسان يستجم فيها يرتاح يشوف منظر طبيعيي

اطلع بحر حديقة ممشى شوف الاسوار الشبكية بالذات وتمقل فيها وبتشوف العجب

حتى الفرجان واولهم فريجنا

 

[جيمس بوند الكويت]

انا مره فكرت اروح البحر​

طبعاً البحر كله مسكر من النويصيب الى السالميه​

المهم تعبت ادور (فجه) تطل على البحر وبعد جهد جهيد لقيت مكان مفتوح عالبحر​

صفطت وقعدت شميت ريحه خايسه .!! لقيت جمبي حفاضه طايحه​

وطبعاً وافدين واااااااجد قاعدين على هالكيلومتر المطل على البحر​

حتا مرتني وحده مفصخه عمرها سنه طفله لآحد الوافدين ربي كما خلقتني ماخذها راحتها ​

طبعاً انا حسيت بالقرف وقمت ومشيت​

أنا مقتنع اننا في دوله لا تطل على بحر الا بالخريطه فقط​

حسبنا الله على من حرمنا من بحرنا​

عندك اليال الي صاير يم قرية المسيلة مباشرة

بحر جميل حتى تلاقي اصداف وانواع من الطيور وسمج وشي يعجبك

لكن مشكلة هالمكان الوصخ

حرام الي قاعد يصير

 

[الكويت تاج راسي]

والله ياخــوي تعبنا واحنى نتكلم بهالموضوع ولكن لاحياة لمن تنـــادي ... اتمنى على المسؤولين في وزارة التربيه والاعلام عمل حمله توعويه في الجرائد او الشوارع لحث المواطنين والمقيمين على المحافظه على نظافة الشوارع والمرافق العامـه

 

[المهذب]

تمنيتك يا كاتب الموضوع تشوف اللي شفته من وسخ وقذارة بدولة اسمها البارغواي
عشان تكتشف الفرق وتحمد ربك على انك عايش بالكويت واللي تعتبر دولة نظيفة الى حد كبير
وترى وجود شوية قراطيس على قارعة الطريق أو على البحر لا يعني ان الديرة مو نظيفة.
​

 

[Aragon]

خاصة وانت توك داش الكويت من النويصيب، الوصخ بكل مكان لدرجة ودك تاخذ فوق تحت وترد السعودية.

شنو ممكن تكون ردت فعل الخليجي لما يدش الكويت لاول مرة ويشوف الزبالة بالشارع؟

أطالب إن نكون نفس سنغافورة وندفع اللي يقط