رغما عن أنف المعارضة ، ستخضعون للصوت الواحد بقوة الدستور والقانون

[Ben RasheD]

لان المقاطعه من فئه كبيره من الشعب راح يسبب ظلم واقصاء لهذه الفئه

هم من ظلموا وأقصوا أنفسهم


محد طالبهم بالمقاطعة


مع ان مقاطعتهم لعلمهم المسبق بسقوط عدد كبيــــر منهم في المجلس القادم

 

[Ben RasheD]

يعني انت الحين فرحان في احمد الفهد لما يقول راح ندير العجله الاقتصاديه وشهر ثلاثه من السنه الجايه الي اهي السنه الحاليه راح تشوفون عجله الاقتصاد تتحرك والكويت في العالي .. 30 مليار يالظالم وين راحت؟

وفرحان من تضخم حسابات النواب مثل رولا دشتي الي بحسابها 7 ملايين .. واخرتها تطلع لنا في قناه العربيه تقول .. ان المنحه الاميريه الألف دينار لكل مواطن كويتي يعتبر هدر للمال العام؟ حاسده الفقاره على الالف والملايين الي في الرصيد مو هدر ؟

انت فرحان في اعضاء وجودهم مثل عدمهم اي شي تقوله الحكومه يقولون سمعا وطاعه .. لو يجيك شيخ محسوب من الاسره الحاكمه وياخذ فلوس ويصرفها برى على سيارات وخرابيط .. محد يحاسبه ولا احد يقوله وين رايح ووين جاي ...

لا مناطق جديده ولا جامعات جديده ولا مدارس ولا مستشفيات ، ومع هذا بس تقعد تصفق لحكومه همها ارضاء فئه قليله من الشعب

السعدون صارله 37 سنة بالبرلمان

والبراك صارله 16 سنة بالبرلمان

وينهم عن المناطق الجديده والجامعات الجديده والمدارس والمستشفيات ... إلخ


ما شفنا إلا زيادة الفساد في مجالسهم


نعم هناك قصور حكومي مثل ما أوضح صاحب السمو

لكن المجلس القادم سيدفع بعجلة التنمية إلى الأمام


ونحن متفائلون ولله الحمد


ولا عزاء للمؤزمين

 

[سيادة الدولة]

هذي اللهجه اخوي بن راشد


عمرها ماتعمر بلد

 

[عمر قاهر الشيطان]

اسلوب صفيق في النقد

جماعة دشتي وجويهل ونوري وسيد قلاف يريدون الشماتة في نواب الاغلبية الشرفاء

بوضع المرسوم الاميري في وجه الاغلبية وكأن الامير متحيز الى صفهم

وهذه ورب الكعبة صفاقة وجبن واستثارة للاغلبية والهدف اشعال الفتنة في البلاد

اسلوب غبي وجبان وغير مسئول فكل مايملكونه ضد الاغلبية هو مرسوم الصوت الواحد

قبحكم الله انتم لاتستحون وتقيمون الامور وفق مبدأ تصفية الحسابات بالمجان وبشيء لاتملكونه

 

[فارس الخليج]

الله يعين الاغلبية ماحسبوها صح

 

[عاشق]

كثيرين

منهم على سبيل المثال وليس الحصر

المكراد وفيصل الكندري والشلاحي والزلزلة وعاشور والعدوة ومعصومة ودميثير والراشد وسعدون وكثيرين


رجاء اذا بتطعن فيهم جهز أدلتك ولا تتكلم كلام مرسل مثل ما ربوكم نوابكم

نسيت تضيف وياهم النايبه الدكتوره سلوى الجسار اطال الله عمرها

 

[بعيد قريب]

إذا كنت تريد تخضيع الشعب "بقوة" الدستور والقانون ..
فأقول: إنكم بقوة الله سوف تسقطون !

وهذا دليل بطلان دستورك وقانونك والديمقراطية التي تتغنون بها ! ..

 

[الأموي]

نسبه كبيره من اسماء المرشحين الحاليين لاترقى إلى مستوى عضو امه يشرع

قوانين ويحافظ على مكتسبات شعبيه وينهض بعجلة التنميه وهذا واضح من

تصريحاتهم ومقابلاتهم ،، فرق كبير بينهم وبين كثير من الاعضاء السابقين المقاطعين .

هذي اللهجه اخوي بن راشد


عمرها ماتعمر بلد

:إستحسان:

 

[لا تأسف]

موضوع تافه واستفزازي

 

[royal-heart]

واضح انك من الربع الي مربيتهم صفاء الهاشم




.

 

[جيمس بوند الكويت]

احكرررررررررررررررررر خخخخخخخخخخ

 

[الكرملين]

اقول يابن راشد مادري ماجد

لايكثر بس

اشترك بسكوب افضل

 

[وكيل النيابه]

الموضوع للفتنه ..

 

[بن ذى يزن]

انتخابات عوير وزوير واللي مافيه خير

شكرًا لحكومة الكويت لانها أتاحت
لذوي الاحتياجات الخاصه بالنزول للانتخابات
وشكرا للعقلاء مقاطعة الانتخابات

 

[اللورد سلطان]

الي الان لم استوعب ان ابو عرقه وعباد الشمس وابوتيوب يطنزوووون علينا

هالخوافين صايرين يحطون روسهم بروسنا