سؤال وجواب باترول الجديد

[Industerial_ENG]

السلام عليكم

منوا استعمل الباترول الجديد قير عادي وشلون استعماله وشنو عيوبة؟؟؟!

 

[مساعد الشويب]

آلسَـِْ♡̨̐ـِْلامَ علـِْ♡̨̐ـِْيگمَ

واحد من الربع عنده باترول 2012
قير عادي ويمدحه

اما الثاني عنده باترول 400 حصان فل كامل الدرجه الاولي تماتيك
يشتكي من كثره تمديلاته داخل المنطقه

انصحك

جيب لكزس او لاند

 

[Desert Eagle]

عند ولد خالي ٢٠١١ قير عادي اقل درجه يمدحه والله

 

[كويتنا3]

انا اقولك تبي موتر حق بر وقنص الباترول لايعلى عليه قوي بالبر حق صحرا





تبي جيب للمدينه عندك لاندكروزر لكزس رنج يوكن








الباترول كبير ويتعبك بالزحمه تبيه بر أبشر بشنب

 

[Industerial_ENG]

مشكورين عالردود بس لحد الحين محتار فلوسي ماتكفي الا باترول اقل درجة والحمدلله على كل حال

وباترول مستعمل مو جديد

 

[سعود الظفيري]

الباترون ممتاز وقوي ويتم معاك كد ومد
عيبه الوحيد انك اذا بتقارن سعره بالبيع مع اللاند كروزر بتشوف ان الباترون سعره يطيح بسرعه ..
اما من ناحية قوه واستعمال فلا يعلا عليه ....

 

[Aragon]

الباترول ممتاز، وطبعا خسارة انك تاخذ اوتوماتيك، ياقير عادي يابلاش. وانت احسنت الاختيار.

لكن: قطع الغيار ناار نااار