سؤال وجواب صبغ السيارة و تغيير لونها ,, !!!

[شبابي]

السلام عليكم

يعطييكم العافيه شباب ،،

ابي تنصحوني بكراج صبغ فرن لسيارة وتغيير لونها بشكل كامل ؟؟

وشلون اذا بغير لونها عند المرور ؟؟

وكم الأسعار حق جيب صغير ( طوارق)

عطونى الراي يا الربع ,,,

 

[مساعد الشويب]

تذهب الي المرور وتحديدا الطباعيين الي برا
وتكتب كتاب (( طلب تغير لون مركبه ))
وتدخل ع رئيس القسم ويوقعها لك

اما بخصوص الصبغ فهو انواع
في صبغ فرن وفي صبغ عادي
والاصباغ لها جودتها
وتختلف الاسعار

 

[شبابي]

هلا اخوي مساعد ،،

وين تقصد بالداخلية ؟؟ المرور ولا مراكز الخدمة ؟؟

وأي كراج تنصحني فيه ,,,

 

[شبابي]

السموحه اخوي مساعد ما شفت كلمة مرور في البداية ,,

طيب عندك فكرة عن افضل الكراجات ؟ والاسعار تقريباً طبعا اقصد صبغ الفرن ؟؟

 

[ارحل ياجاسم]

اخوي مايحتاج تروح اي مكان

اصبغ اللون اللي تبيه وعقب روح مكاتب التامين واخذ اوراق جديده باللون الجديد

عقب روح الفحص الفني يفحصونها ويعطونك الدفتر باللون الجديد

انا اشوفك مصمم على كلمة فرن...طيب تعرف شنو عمل وفائدة الفرن؟؟ كثير من الناس على بالهم انه الفرن يسوي امور كثيرة للصبغ..

باختصار شديد الفرن له وظيفة واحده فقط لاغير..يقلل من دخول التراب وقت رش الصبغ...غير هذا ماله اي عمل...يعني بالشتا من الممكن تستغني عنه ..وبشكل عام سواء صبغت بفرن والاغير فرن لابد مايكون اثار للتراب على الصبغ وبالحالتين اي عيوب او اثار غيار راح تختفي مع السنفره والبوليش.

الاهم من الكراج واسمه اهو نوعية الصبغ اللي راح تستخدمه..نصيحتي لك ..اتفق مع الكراج على شغل ايد فقط وانت جيب المواد...تتعب شوي اوكي بس تاخذ شغل ممتاز..انصحك بصبغ ستاندكس صناعه المانيه (عن تجربه) او صبغ قلاسوريت ايضا الماني...وهناك مواد اساس متوفره عندهم ترشها عالاجزاء البلاستيكيه قبل الصبغ على الدعاميات مثلا هذي مفيده حيييل بحيث لو تدعم الطوفه مثلا او سياره جدامك حكيتها بسيط الصبغ مايتكسر...

الكراج عندي كراج مولي بس اعرفه وشغله ممتاز

انا خارج الكويت حاليا اذا تنطر 10 ايام ان شاءالله ارجع واظبطك

ترى اخوك قضى حياته بشويخ ويعرف بلاوي زرقه عنهم...لايغرك اسامي الكراجات الكبار ترى اغلبهم شغل اي كلاااام

موفق

 

[meshal]

الأخ أرحل يا جاسم

غرفة الفرن راح تكون مغلقه وبدرجة حرارة معينه وهالحراره هي اللي تخلي الصبغ يتماسك ويعيش معاك عمر خاصه في فصل الشتاء الفرن ضروري لعملية الصبغ .

و لا نتسهين في مسألة غرفة الفرن هذا الشغل الصح وفي كراجات تصبغ في الشارع وهذا أي كلام او حتى بعضهم قام يكتب فرن وحاط غرفه على الشارع وبابها مفتوح .

 

[شبابي]

ارحل ياجاسم

بارك الله فيك يا خوي .. ما شاء الله شرح موجز وطيب

بس اختلف وياك بأهمية الفرن واتفق مع اخوي meshal ان فصل الشتاء يحتاج الصبغ لوقت علشان يمسك ولا دش فيه الرطوبه خاصه الي تكون بعد المطر ..

انا مومستعجل وايد ،، اذا عندك كراج متعامل وياه يكون أحسن ، ويا ليت تقولي من وين اشتري الصبغ والمواد ، علشان امرهم آخذ فكره منهم ..
​

 

[ارحل ياجاسم]

اهلا وسهلا فيكم

اخواني

الحرارة ليس لها علاقة بثبات الصبغ او غيره...كثير من الناس وانا منهم كنت اعتقد انه الحرارة تثبت الصبغ على السيارة وغيره...لكن اكتشفت انه ليس له علاقة...ومع هذا فأنا أفضل صبغ الفرن لانه يكون انظف ويخفف الشوائب...ولوتلاحظون الباصات الكبيرة مافي لها عندنا افران فتصبغ بالخارج وتتعرض لعوامل استعمال قاسية ومع ذلك الصبغ يقعد سنين..انا ماارشح الصبغ بالشارع فهذا قعلا اي كلام..ولكن اضعف شي عالاقل غرفة مغلقة ونظيفه وطبعا ترش ارضيتها بالماء عشان ماتثير الغبار ومحد يدخل الغرفه غير الصباغ .

عملية الصبغ الجيد تعتمد على
جودة الصبغ المستخدم
مواد الاساس المستخدمه
مواد السنفره والبوليش المستخدمه
حتي مسدس الرش ايضا له دور

الرطوبه اصلا ماتقدر تصبغ لابفرن ولاغيره...كذلك ايام عواصف الغبار ماتقدر تصبغ..افضل شي الجو يكون مناسب وتنصبغ السياره بالليل وتترك لغاية الصبح.

اخوي...اذا السيارة استعمال يومي ونوعيتها عاديه انصحك تشتري صبغ جيد واساس جيد وبوليش جيد.
اما اذا السيارة غاليه مثلا او نادره فانصحك تتعب عليها

انا اساسا هوايتي تجديد السيارات الكلاسيك..عندي سيارة كلاسك بس تجديد الصبغ والبودي اخذ مني 5 سنين بشويخ...هذا غير قراءاتي بالنت بالمواقع الامريكيه المتخصصه...عرفت من خلالها امور كثيرة عن هالمجال...وانصدمت بكذا كراج بالكويت اساميهم تلعلع واسعارهم تحرق واخرتها يشتغلون بصبغ سوداني!!!!

عندك محل ستاندكس بشويخ مجمع واره خلف ماكدونالدز..مر عليهم واسال عن المواد والاسعار

وعندك محل 3m مرهم واسال عن افضل انواع البوليش والفرش المستخدمه للبوليش والسنفره
موفق

 

[شبابي]

يعطييك العافيه اخوي .. راح امر المحلات الي ذكرتها و باخذ فكرة وبعدها بقرر ان شاء الله ..

 

[جيمس بوند الكويت]

مرتزقة ناس مو متعلمه تدعي العلم دشو هالديرة وخربوها واستغو جهل اهلها

صج مرتزقة ولا غلط الي قالها

اصحو يا كويته فلوسكم قاعده تنوخذ بدون وجه حق