سؤال وجواب قوانين مكافحة الفساد .. ماهي ومافوائدها؟

[السلطان العثماني]

السلام عليكم ورحمة الله وبركاته


الحين سؤال يخطر على بالي .. قوانين كشف الذمة المالية ومكافحة الفساد وووالخ


شنو فوائدها .. يعني هل راح توقف الفساد في الكويت ؟ وانا سمعت ان كشف الذمة المالية عبارة عن تقرير لحسابات المقربين من النواب والوزراء .. انزين الفاسد ممكن يستلم المبالغ بحسابات خارجية بأسم صديق له او زوجة بالخارج او او او ؟ فـ شنو الحل ؟

ويعطيكم العافية​

 

[Aragon]

شوف اي قانون يتطبق راح تحتاج فترة علشان تعرف فعاليته.. أغلب القوانين بالكويت الناس يكونون ماخذين عنها فكرة من قبل لاتتطبق سواء هالفكرة ايجابية ولا لا.

البعض بيقولك والله الفساد ممكن يظلم ناس على حساب ناس ثانية. وأعضاء مجلس "بوصوت" كله يقولون إن مشكلتنا بالكويت ان مانطبق القانون. أكيد اهم قصدهم عن معاقبة المتظاهرين بس هم بشكل عام فعلا في قوانين ماتطبقت مع انها موجودة ومفعلة.

بكل الاحوال، الفاسد الشاطر راح يعرف يفلت منها، يعني اخذ على سبيل المثال البوقات اللي تصير: ديوان المحاسبة تتحوله الصفقات والمعاملات من مبلغ معين.. ماني ذاكر بس جنه 75 الف وفوق، فالحرامي شيسوي؟ يقسّم البوقة على مبالغ علشان ماتمر على ديوان المحاسبة.

ممكن القانون يقلل من الفساد خاصة بالنسبة للفاسدين الجدد. او اللي ماعندهم نفوذ.