اتحاد الجمعيات يبدأ معركته ضد KDD ودعوات لمقاطعة شعبية
- بادئ الموضوع آل باتشينو
- تاريخ البدء
والله انت من عرفتك خالف تُعرف .. يعني عاجبك عصير برتقال KDD بـ 150 فلس
ومنتجات كويتية اخرى بـ 100 فلس ؟ + ان كي دى دى مدعومة
يعني فوق الدعم ترفع الأسعار .. تعرف ABC ؟ اسعارها ارخص ماأشوفها افلست
وبعدين المقاطعة من اتحاد الجمعيات .. مو شعبوية
يا الغالي هذا رأيي الشخصي
وبما ان اسرتي لهم في الصناعه وعندهم مصانع واعرف الهيئه العامه للصناعه و المصانع اقولك ان كي دي دي وباجي المصانع الكويتيه مظلومه
يا اخي انت بديرتك مو قادر تبيع عدل ونفس الناس مصانعك من افضل المصانع والمعايير و الجوده عاليه يفتحونلك السوق ويحوشك غزو بالمنتجات الصينيه و الايرانيه و السعوديه والاماراتيه وجودتهم اقل من جودتك وحتى لو يبيع بالتكلفه ما يهما وبالمقابل انا لو بدش بسوقهم يضايقوني
انا مع السوق الحره و المنافسه بس منافسه شريفه
وشركة ABC اعرفها ملاكها جواد بو خمسين وعياله و النعم فيهم وفي شركتهم بس ABC ماشيه وتنافس لنه شركات بوخمسين تدعم المنتج ومستفيدين منه حق فنادقهم جميع فنادق بوخمسين منتجاتهم ABC روح على سبيل المثال فندق هوليدي ان السالمية او كراون بلازا الماي الي يبيعونه بالجمعيات ب 100 فلس يبيعونه بالفندق بدينار ونفس الشي بالمطاعم وهم هذا من حقهم
وعرفوا يستفيدون من شركتهم لباقي شركاتهم الثانيه وهم لو باعوا بالسوق للناس زيادة الخير خيرين
ولكن وضع abc يختلف
ونفس الشي بين امريكانا و بين شركة خزان
ما تسأل روحك ليش مافي صابون ملابس او معجون اسنان او شامبو كويتي ؟
ناقص لكويتيين فلوس علشان يصنعون مصنع لشغلات هذي
انا بالنسبه لي ادور على الجوده والاولوية عندي للمنتج الكويتي وداعم بقوه له
والشغلات الثانيه اذا ماكو منها منتج كويتي اشوف المنتج الافضل جوده
على سبيل المثال الشامبو اخذ سيبا ميد ألماني واذا لقيت شامبو كويتي وبجوده عاليه راح افضله على الشامبو الاسباني
تحياتي :وردة:
كندري شعبي
عضو
تصحيح لمعلوماتك
بما اني مقاطع كي دي دي من فتره كبيره
واتعامل مع abc
فكلامك غير صحيح abc كان بامكانها استغلال الوضع الحالي للمقاطعة وترفع اسعارها ولكنها لم تفعل مثل كي دي دي
وثانيا اسعار كي دي دي تبدأ من دينارين وكسور الى 3.600
وعصائر abc برتقال، جوافه، تفاح ومانجو اسعارهم 1.500
وسلامتك
كندري شعبي
عضو
اي نعم متاكد واذا تبي انا حاضر
حدد نوع العصير واجيبلك اياه
شيرين برتقال ومانجو وكوكتيل السعر 1300 و 1350
كندري شعبي
عضو
كلامك سليم 100%
والدليل يوم زادوا الاسعار في السعودية رفضت هذا الامر وهذا الكلام كان قبل 3 سنوات تقريبا ولكن استمروا في زيادة الاسعار في الكويت
وثانيا جميعة الحرس والشرطة لها دعم على المنتجات للمساهمين فلذلك تشوفه ارخص من الجمعيات التعاونية
اما سعر كي دي دي لعصير الكوكتيل في الجمعيات التعاونية 2.400 وفعلا كان 1.800
وشكرا للمعلومة المهمه
اي نعم متاكد واذا تبي انا حاضر
حدد نوع العصير واجيبلك اياه
شيرين برتقال ومانجو وكوكتيل السعر 1300 و 1350
اليوم طريت علي يابوكندر بالشويخ بشارع الجمله تحديدا
وسالت عن سعر عصير ABC قالي بدينارين
انت الظاهر مطيح بالخفجي وتشتري من هناك
عموما انا ماأشتري الا شيرين جودة وسعر
والمنجا نكتار مو الوان صناعيه حاله حال الABC والكي دي دي
وسالت عن سعر عصير ABC قالي بدينارين
انت الظاهر مطيح بالخفجي وتشتري من هناك
عموما انا ماأشتري الا شيرين جودة وسعر
والمنجا نكتار مو الوان صناعيه حاله حال الABC والكي دي دي
كندري شعبي
عضو
صح كلامك اخوي السعر الاصلي حق abc لجميع انواع العصائر دينارين
وكانوا مسوين عروض من ثلاث شهور بدينار ونص (والظاهر ردو السعر بسبتي)
واستغلوا فرصة مقاطعة كي دي دي وردوا على السعر الاصلي
اخر مره شريت اول شهر 12
انا اشتري من سوق الكويت والشرق الاوسط
ومن سوق لندن
(ابو عبدالرحمن)
عضو فعال
بصراحة كي دي دي مميز بالعصائر وخصوصا المنجا والباشن فروت!
بالنسبة للالبان البديل افضل منه (المراعي وغيره)!
بالنسبة للالبان البديل افضل منه (المراعي وغيره)!
كندري شعبي
عضو
اخوي بسطويسي
اليوم كنت بشويخ وطريت علي بالي
السعر ما زال 1،500
مكتوب علي الكرتون دينارين بس مسووين عرض من زمان من تروح عند الكاشير تدفع 1،500
المهم ان بسوق الكويت والشرق الاوسط منزلين اقل من سعر العرض وانا شريت اليوم عصير abc 1،350
7 كراتين 8،100
بالمقابل لو بشتري كي دي دي 7 كراتين بدفع بيت النازل 17 دينار