سؤال وجواب الكامرات اليديده في الشوارع

[Anu]

يعطيكم العافيه
اعتقد اغلبكم لحظ الكامرات اليديده الي حاطينها بالشوارع كل جم كيلو كامره بالنص المعروفه وبينها كامرتين ضعاف
بس الغريب وانا راد من الشاليه الفير كنت دايس ومريت على الكامرات اليديده وما لحظت انها صورتني مع ان الشارع كان فاضي ودايس مريت صوب الكامره الثانيه وتعمدت ما انزل السرعه وهم ما لحظت انها صورتني ونفس الشي الباجي الي كانوا بخط الفحيحيل

السؤال الاول شغلوا الكامرات هذي ولا للحين ؟!
هل متعمدين الكامرات اليدد تصور من غير فلاش ؟!
وخر سؤال شنو الكامرتين الي بين الكامره الرئيسية هل هذي الي قالوا عنها تسوي سكان حق لوحة السياره وتحسب المسافه والسرعه المقطوعه من كامره الى كامره علشان لحد يخفف اذا قرب صوب الكامره

خل نعرف شنو قصة الكامرات اليديده

 

[Anu]

هذي صورة الكاميره الي يتكون على يمين ويسار الكامره العاديه

مادري شنو وظيفتها بالظبط

 

[الديفي]

اعتقد هذا فلاش اضافي لتحسين جودة الصوره ليلا

​

 

[اليعربي]

قبل فتره قريت خبر ان الداخليه بدات تركب ما يسمى الكامرات الذكيه

وهي التي تقيس السرعه المقطوعه بين كامرتين وتبين اذا انت مخفف قبل الكامره وتحاول تتلاعب ام لا

الله اعلم انها هاذي

 

[اليعربي]

تلتقط أرقام السيارات المسرعة حتى لو تجاوزتها


الكاميرات الذكية.. تواجه تحايل السائقين

* ستقضي على ألاعيب السائقين الذين يخففون السرعة عند الكاميرا الحالية ثم يزيدونها
* ذات تقنية عالية ومتطورة وتحتوي على أجهزة تقيس المسافة مع السرعة




كتب عبدالله النجار وخالد العصيدان:

تستعد الإدارة العامة للمرور لتشغيل الكاميرات الذكية والخاصة بتجاوز السرعة في الكثير من الشوارع والطرق وذلك بعد سنوات من تحايل السائقين على الكاميرا الحالية بتخفيف السرعة عند الوصول إليها ثم الانطلاق بأقصى سرعة وهو الأمر الذي ستقضي عليه الكاميرات الذكية والتي لن تنجح معها ألاعيب السائقين والسرعة.
وقد التقطت عدسة «الوطن» صوراً لبعض الكاميرات التي جرى تركيبها حديثاً في شارع الخليج وبعض الطرق الرئيسة والسريعة، وقد أكد مصدر مسؤول لـ«الوطن» أن هذه الكاميرات ذات تقنية عالية وكفاءة كبيرة وتحتوي على أجهزة دقيقة وحساسة من شأنها معرفة السيارات التي تجاوزت السرعة حتى لو ابتعدت عنها عدة كيلومترات ولن يستطيع السائق الذي تجاوزها بسرعة عادية أن يتحايل ويزيد من سرعته بعد ذلك كونها مبرمجة مع كاميرا أخرى على نفس الطريق، كما أنها تقيس المسافة مع السرعة التي قطعتها السيارة التي تجاوزتها ووصلت إلى الكاميرا الأمامية التي لم يصلها السائق وهو الأمر الذي سيورط الكثير من المخالفين

المزيد من الصور

• 
• تركيبها بإحدى الطرق
  
• < الكاميرا الذكية
• كاميرا أخرى تعمل مع الذكية
  
• < في شارع الخليج

 

[جيمس بوند الكويت]

نتمنى يكون هناك كاميرات للي يقودون اقل من 80 بالخطوط السريعه

مو معقوله تخالف من يتجاوز السرعه ومن يوقف الشارع تتغاضى عن فعلته !!

 

[Anu]

نتمنى يكون هناك كاميرات للي يقودون اقل من 80 بالخطوط السريعه

مو معقوله تخالف من يتجاوز السرعه ومن يوقف الشارع تتغاضى عن فعلته !!

:إستحسان::إستحسان::إستحسان:
واضيف على ذلك من ياخذ اقصى الحاره اليسار ويمشي 80 او 100 و الشارع يسمح لك انك تقود 120
الناس عندها ظروف الي عنده ظرف طارئ وغيره والجماعه يتمخطرون على راحتهم :إستنكار:

 

[اليعربي]

:إستحسان::إستحسان::إستحسان:
واضيف على ذلك من ياخذ اقصى الحاره اليسار ويمشي 80 او 100 و الشارع يسمح لك انك تقود 120
الناس عندها ظروف الي عنده ظرف طارئ وغيره والجماعه يتمخطرون على راحتهم :إستنكار:

طيب والي يمشون على خطوط الطوارئ

والله حتى المصريين والهنود الحين قاموا يمروون عليها

انواع الحصى وتكسر الجام بسبتهم

 

[Anu]

طيب والي يمشون على خطوط الطوارئ

والله حتى المصريين والهنود الحين قاموا يمروون عليها

انواع الحصى وتكسر الجام بسبتهم

هذول المفروض وزارة الداخليه يمسكونهم ويلسبونهم على ريولهم بالخيازرين المبلله بالماي و الملح

اسوأ شريحه بالشارع الشريحه النتنه هذي المزعجه , السالفه مو بس تكسر جام السالفه اكبر من جذي

ناس ما عندهم دم :إستنكار: :إستنكار: :إستنكار:

 

[Desert Eagle]

في كاميرات توهم مركبينها شكلها غير كاميرا كبيره بالنص فيه فتحه وحده عكس القديمه فتحتين و وراها وقدامها كامرتين صغار غير شكل القديمه .. الكاميرات هذي شغلوها ولا لا ؟؟

 

[al-alajmi]

فلوس زايدة قامو يبعثرونها ضد الشعب لو بانين مستشفي فيها مو احسن

والقهر اليوم بالجريدة 150 مليون لتوسعة مستشفي العدان حرام عليكم ابنو

مستشفي للوافدين ب150مليون وخلو العدان للكويتين وانتهت المشكلة ناس

تسرق ما تبني والله قهر ويقولون نحب الكويت

 

[MeshoX]

الحين الزبده في احد عنده معلومه عن هالكاميرات هل هي تسجل اللوحات ولا كاميرات سرعه عادية ؟

 

[Anu]

في كاميرات توهم مركبينها شكلها غير كاميرا كبيره بالنص فيه فتحه وحده عكس القديمه فتحتين و وراها وقدامها كامرتين صغار غير شكل القديمه .. الكاميرات هذي شغلوها ولا لا ؟؟

هذا الي اقصده وبعرف كذلك شغلوها او لا
اذا شغلوها ومتعمدين ما تطق فلاش يعني رواتب وزارة الداخلية الشهر الياي على افاي هههه

 

[denamet]

مساكم الله بالخير وانشالله الخير كل يوم

الكاميرات اللي على الدائري الأول الوحيدة بالكويت
- تصور ان كنت على حارة الامان
- تصور اذا دست بين المسافة المقطوعه بين اول كاميرا و اخر كاميرا
- تسجل عليك مخالفة اذا دفتر السيارة منتهي !

اما الجدد طبيعين مجرد تكثيف كاميرات فقط لا غير

 

[denamet]

تشتغل بعد يومين - الاحد -

سعر الكاميرا الوحدة 30 الف دينار ،،

 

[Anu]

تشتغل بعد يومين - الاحد -

سعر الكاميرا الوحدة 30 الف دينار ،،

يا الغالي يعني للحين ما شغلوهم ؟!
تقصد الاحد القادم الموافق 23 يناير 2012؟

 

[مقص الرقيب]

السلام عليكم ...


حسب الزميل العزيز كويتي منتف في حسابه في تويتر ذكر ان ثلاث ارباع الكاميرات

الجديده وهميه ، هذه مناقصة لوزارة الداخلية لطلب

50 كاميرا للسرعه ، و 150 كاميرا وهميه

ممكن متابعة حساب ابواحمد على تويتر للاستزاده في هذا الموضوع


https://twitter.com/cnnn2


الله يحفظنا ويحفظكم من السرعه الزايده ما وراها الا البلاوي


تحياتي
​

 

[denamet]

يا الغالي يعني للحين ما شغلوهم ؟!
تقصد الاحد القادم الموافق 23 يناير 2012؟

23 ديسمبر - باجر

و بخصوص وهمية وجذي ماضنتي لان اللي شراها مو معقول دافع فلوس على حديد امكود