مطالبه بحقوق الموظفين المدننيين

[مهدلي]

بسم الله الرحمن الرحيم​

قبل كل شئ اللهم احفظ الكويت من كل مكروه ​

موضوعي ياشباب لازم نطالب بحقوقنا نحن الموظف المدني المغلوب دائما في كل شئ اولا:-​

*الموظف منا لطلع تقاعد لايصرف له شئ من حقوقه حتى لو اجازاته 225 يوم (يصرف فقط 90 يوما ) والباقي يروح عليك عكس العسكريين او النفط .​

* الموظف يقعد في الخدمة حتى عمر 55 سنه بغض النظر عن الخدمه والاعمار بيد الله . ( اللي يقول 30 سنه يطلع غلطان ليش الانه يقدم للوزير سترحام يمكن يوافق يمكن لا وروح اسال في التأمينات )
يا اخوان النفط والعسكريين يطلع 20 سنه وياخذ رواتب سنتين وراتبين من الوزير وثلاث رواتب من الوزاره ورصيد اجازاته كامله :باكي:​

 

[سيادة الدولة]

والله يامهدلي اوافقك الرّأي ,,



أي نعم حرام المدني مايطلع له شئ



جاي على حسابي للشبكه

 

[AlBadel]

أنا معاك بهدله للموظف المدني ومحد دارى عنه
علي الأقل يعطونهم مثل العسكريين خلهم يفتحون مجال لغيرهم بالوظيفه أو بالمنصب
واذا تبي مطالبكم تتحقق الحين الوضع والساحة تسمح والحكومة تبي تسوي أي شي لأعضاء بو ربع
روحو للأعضاء يمكن يضغطون عليهم وهذا أقل من حقكم

 

[مهدلي]

ياخوان علينا ظلم لازم احنا المدنيين نسوي شئ النقابات نايمه ومايطالبون بشئ

 

[حامى حامى]

الله كريم اخوى مهدلي بس مانقول الا الله يخلف علينا من النقابات بس فالحين انتخابات ومناصب وكلها على الطل ماشفنا منهم شي

 

[ساهر الليل]

في ظلم كبير واقع على المدنيين

يجب ان يعاد النظر في سلم الرواتب وتقليص الفجوه الكبيره بين مرتبات العاملين في الدوله


او على المتضرر الاضراب وانتزاع حقوقه

 

[bujassim]

اي ولله خصوصا الفنيين نقابتهم تعبانه ورئيسها متخاذل ومتلون وكذاب وقبيض وكل همه كرسيه
هل يعقل ماكو انتخاابات من 2001 حتى يومنا هذا كله بالتزكية

 

[حامى حامى]

مشكلة التفكير عندنا فقط للعسكريين ماأدرى شنو الفرق من موظف عسكري والمدنى والله أن فى مدنيين يشتغلون اكثر من العسكري ومنهم مراكز الخدمة الداخلية والفنيين ...والخ انا بفهم كل هذا خوووف يبون العسكر تحت الامر ويزيدون العسكريين ويخلون المدنيين ليش التفرقة

 

[احفاد الصديق]

فعلا موظفي النفط ماخذين حقوق اكثر من كل الموظفين المدنيين بما فيهم القضاة و الاطباء و خصوصا بالتقاعد مافي احد مثلهم مثل ايام اجازاته كلها و الرواتب الاضافيه و سنتين عايشين بربيع لازم يساووننا بالتقاعد معاهم اذا مو راضين يساوونا بالرواتب قبل التقاعد

 

[ماجلان الكويت]

الدستور يقول المساواه بين الكويتيين
الظابط ياخذ خوش مبلغ اذا تقاعد
والنفط كذلك

اما تلغونهم او تساوونا مثلهم ملاياراتنا تارسه العالم

 

[Bader1974]

موضوع مهم واشكر الاخ علي طرحه للموضوع وفعلا الموظف المدني لابوجد له اي حقوق والرواتب قليلة وقانون التقاعد جدا ظالم ظالم ويجب ان يكون هناك تعديل للوضع

 

[مهدلي]

يا أخوان وين النقابات وين الموظفين لازم يصير لنا تحرك الموظف المدني مسكين يكر كر لين الخمسه والخمسين وخرتها على ماميش تحركو

 

[مهدلي]

ارجوا من الادارة تثبيت الموضوع

 

[Bader1974]

اتمني من الادارة تثبيت الموضوع لانه يخص فئة كبيرة من المجتمع الكويتي

 

[" كش ملك "]

أحيانا اشعر بأن الموظف المدني ليس إلا زيادة عدد وكمبارس في المشهد السياسي ،

موضوع مهم تشكر عليه فعلا حقوقنا مهضومة ،

 

[مهدلي]

والله شئ يقهر ياجماعه في كل دول العالم حتى الدول المتخلفه لجاء الموظف بيطلع تقاعد عطوه حوافز ونهاية خدمه ومكافأه نظير خدمته وهنه حتى اجازته تروح عليه بس لك90 يوم العسكري 5 اجازات واجازتين من الوزين و3 اجازات من الوزاره وسنتين معاش يعني ماشاء الله 60 الف اما احنا لك معاش تقاعدي بعد55سنه عمر ورصيدك بس90 يوم وين المساواه .

 

[مهدلي]

ماضاع حق وراه مطالب

 

[Bader1974]

اعتقد ان اعضاء مجلس الامة ماوصلهم الي المجلس الا المدنيين وكل افتراحاتهم للعسكرين وناسين المدنيين للاسف

 

[مهدلي]

اعتقد ان اعضاء مجلس الامة ماوصلهم الي المجلس الا المدنيين وكل افتراحاتهم للعسكرين وناسين المدنيين للاسف

الله يهنيهم العسكريين الحكومه ماقصرت معاهم اما الموظفين المدنيين حكومه مجلس امه سواء المجالس السابقه او الحاليين بس ياخوان لاتنسون اللى فكر فينا من النواب يستاهل العلم العانم اما اللنسانا ننساهلازم نسوي شي

 

[mxm8]

تبووووووون الصدمة وشي يضحك بنفس الوقت

موظف عندنا بالمواصلات قدم على التقاعد وخدمتة 28 سنة وتسع شهور
تهقون جم مكافأة نهاية خدمتة
والله 200 دينار فقط لاغير
ههههههههههههه. وربي مصخرة. :باكي: