سؤال وجواب احسن العقال الجاهز ولا التفصال ؟

[كاستروو]

بدخل بالموضوع على طول


ابي شنو احسن عقال جاهز ولا تفصال

واذا كان جاهز من وين اشتريه

واذا كان تفصل شنو احسن محل يفصل عقل بالكويت


وشكرا

 

[Anu]

اكيد التفصال
ومن افضل الاماكن لتفصيل العقال
بشرق مقابل مجمع دسمان
في انواع خيوط طيبه
وافضل خامه لتفصيل العقال اعتقد سعرها 18 او 21 دينار
زينه وخصوصا حق التلسب

فصل عقالك وراح تحس بالفرق حتى لو طحت لا سمح الله نفس طيحة نبيل الفضل عقال وغترتك ما راح يطيحون :إستحسان:

 

[mxm8]

تفصال طبعا
مثل ماقال الاخ مقابل مجمع دسمان

 

[تشالنجر]

اضيف عليى السؤال شنو المقاس؟ وسمك العقال ابس احسن شي؟

 

[المهذب]

اكيد التفصال افضل .....اذا ما اعجبك المحل (اللي بدسمان) اللي وصوا عليه الاخوان اللي قبلي يوجد محل فوق محلات الصرافة بالديره في سوق المباركيه...بالنسبة للمقاس يختلف من شخص لاخر حسب تدويره الراس ...وكذلك السمك ..هناك من يفضل العقال السميك وهناك من لا يفضل ذلك مثلي

 

[ميثاق]

خدلك عقال جاهز ب 2,500 دينار احسن من التفصال غااالي عالفاضي

 

[joblak]

يا حبيبي فصلت مره وتحسفت كلام فاضي والله ما يفرق عن الجاهز الا اذا تبي نقشات خطين وما ادري شنو هذا شي ثاني واللي انا فصلته حاشه ماي والله لا يوريك صار واير حبل يتدلدل عليك بجاهز ابو 2.500 دقه اربع اشهر ولا احلى منه

 

[اقوش]

افضل مكان هو مثل ماقالوا الاخوان مقابل دسمان
محل المشوط لتفصيل العقل
وافضل مقاس هو ٥ الا ربع

طبعا
على حسب وزن وطول الشخص
٥الا ربع يناسب اللي اوزانهم
من ٧٠ كيلو الى ٩٠ كيلو
بيصير شكله مناسب مقارنه بسيطه وعلى حسب الخبره
ومبروك مقدما

 

[0utsider]

التفصال احسن طبعا لانه يجيك علي مقاس الراس بالضبط ،،،،،،،،،،،، الجاهز مدري شلون صاير ،،،،،،،بس في نوعيات ممتازه ،،،،،،،،،،،،،،،، والتفصال يمسك الغتره احسن ،،،،،،،،،،، واضبط ،،،،،،،،،،،،،، فتضبطها وتنسفها مثل ماتبي ،،،،،،،،،،،،،،،،،،،،،،،،ملبوس العافيه ،،،،،،،،،،،،،،،

 

[بن ذى يزن]

إذا رأسك حلو جاهز
وإذا عوج نفس راسي تفصال
المباركيه فوق السعيد
دسمان
الفروانيه قدام يوريكا

 

[جبلي وافتخر]

اخوي الغالي في بعض الناس مايجي مقاس العقال علي راسة وفي الحالة هذي تروح تفصال مقابل مجمع دسمان واذ حاب تشتري جاهز في محلات ملابس الرجال الي فنايل وسروال مكسر وطواقي راح تلقي الي يعجبك اما بخصوص محل معين جذاب الي يقولك فية محل كل شي فية
وتقبل تحياتي