سؤال وجواب بناء الجاخور

ع

عبدالله الرشيدي

عضو
السلام عليكم

الحمدلله طلع لي جاخور مساحته 1600 وبعد طول انتظار دام 6 سنين

وببنيه بنيان حلو صالة وجم غرفة ومطبخ وحمام (مكرمين) جم يكلف وأي مقاول ترشحونه لي
 
ترتيب حسب التاريخ ترتيب حسب الأصوات
ج

جبلي وافتخر

عضو ذهبي
حوللي قال:
الاخ عبدالله الرشيدي مبروك الجاخور. وياريت تقولنا شلون طريقة التقديم على جاخور وانا مستعد انطر لو 10 سنين
أنقر للتوسيع...
اخوي الغالي لزم يكون عندك تتطعيم حق الغنم الي عندك ولزم يكون عندك عدد طيب وتقدر تشتري شهادة التتطعيم من اي واحد يبيع لك الشهادة اسال عند الشريطيه الغنم راح يفيدونك
 
تأييد 0 تصويت سلبي
ج

جبلي وافتخر

عضو ذهبي
اخوي الغالي بخصوص الجاخور يعتمد عليك فيه مقاول يقول اجيب لك كل شي
وفي مقاول يقول كل شي عليك والغراض عليك
يعتمد علي السراميك والبرسلان والديكور الي انت تختار فية سراميك المتر دينار وفيه المتر 10دنانير وفيه ديكور المتر 500فلس والغراض عليك وفيه المتر ديكور كامل دينار المتر كل شي وله سعر
واتمني لك التوفيق
 
تأييد 0 تصويت سلبي
ل

ليله ويوم

عضو بلاتيني
ماشاء الله


6 سنين ويحصل الخروف والسيد بعرور على ارض 1600 متر


والمواطن ... 20 سنه وبعدين يحصل على 400 متر في اخر الدنيا وعلى الحدود


يا ليت حكومتنا تعاملنا مثل ماتعامل الخرفان


ااااااه بس

قهرررر

​
 
تأييد 0 تصويت سلبي
غ

غيث

عضو مخضرم
الف مبروك
تقريبا 12 الف دينار
3غرف وصاله ودوانية وحمامين عزك الله ومطبخ وسور خارجي

اما المقاولين كثر التراب بس اهم شي امسك فلوسك عليهم
 
تأييد 0 تصويت سلبي
ع

عبدالله الرشيدي

عضو
بخصوص التقديم على طلب لازم يكون عندك ٥٠ راس غنم أو ١٥ ابل ولازم تسجلهم بالهيئة واطعمهم بالسنة مره لمدة ٤ سنين وبعدها يحق لي تقديم على جاخور

وأما بخصوص أخوي ليله ويوم أنا عندي ابل مو غنم جاخور الغنم ٢٥٠٠ متر وأنا صبرت على تخبطات الهيئة والمربين الماشيه بالكويت ماكلين هواء أسعار العلف نار وغصبا على تشتري وبعد ٤ سنين قدمت على جاخور وكل مايوزعون مالقى اسمي وجبت واسطة والحمد لله مشت الأمور .. وبعد البناء كل أعضاء الشبكة معزومين عندي
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى