رشة عطر فيها الحل ! .

[بوجويس]

رشة عطر فيها الحل ! .
--------------------
"عقب السلامات وكم فنجال قهوة بلفت العادة من بابو بالديوانية :وردة:, اخذ زمام المبادرة الرجل الذي قال وهو يقهقه بصوت عال شر البلية مايضحك".
الشايب : "خير وش يضحكك? ضحكنا معاك" ! .
استعدل الرجل ثم اضاف انتم تذكرون سؤالي عن ترجمة "ليسن" السايق الجديد ? .
المعاق : "اييه قبل شهرين ونص على ما ظن,لا لا تقول للحين ما خلصت"? .
ضحك الرجل وقال خلصت وطلعت "الليسن" بعد مادربته وصرفت عليه لين سنعت اموره: اه ههههه بعد كل هالدوخة, وعقب معاشين حطهم بجيبه,قال "بابا انا يبي يسافر هند مايبي شغل", قلت: اشلون قول غير هالكلام وانا في بالي ان احد طمعه بزيادة راتب :باكي:, قال "بابا انا يجي كويت عشان نفرات كثير يسافر كويت, انا في داخل ماي سلف يقول يروح يشوف كويت", قلت وفلوسي اللي صرفتها عليك,قال: "انا كلم ماما هو جيب فلوس على جزمة قديم".:إستنكار:
ضحك الجميع وهم يقولون الحبيب جاي سياحة للكويت من كثر ماسمع عنها الله يكون بعونك الخبير : لا بقى دي مش جاي من الهند ده جاي من ام الدنيا".
انتفض الشاب وقال : "مدام موضوعنا بالخدم اليوم اسمعوا سالفتي وشوفوا لي حل, انا يا جماعة الخير قبل فترة طلعت فيزتين لخادم وخادمة, وبعد انتظار طويل اتصل المكتب وبشرني بجيت الخادمة , ويوم رحت لهم ما لقيتها سالتهم هي وينها قاموا يبرطمون فيما بينهم, وقالوا ما لقينها بالمطار سألنا عنها يقولون انها طلعت مع زوجها بس ابشر بغيرها واحسن منها, مع وعد انهم راح يجيبونها ويخلون مسؤوليتي, اخذت الجديدة وبعد التجربة رحت اسجلها وتفاجأت بان الخادم اللي انا طالبه داخل من غير ما يعطوني خبر, ارعدت وازبدت وامطرت عرق :إستنكار:, رحت اشتكي, قالت الموظفة قبلك اربعة نفس الحالة سووا تغيب بس تري تجيب تذكرة, وتسجل بمكانه واحد بعد اسبوع, وانا من رأيي تروح للشويخ ,طلعت منها وطرت للمطار استفسر قال المسؤول تحصل هالسالفة دايما , قلت اشلون? قالو هذا اللي صار,طلعت منهم رحت لهجرة الشويخ وقالوا لي الكلام نفسه ونوعدك اول ما نمسكهم راح نعطيك خبر علشان تجيب تذاكر سفرهم , ورح العصر سجل الجديدة, لان حنا شلناهم من السيستم, بالله هذي حاله هالشي لايرضي الله ولا رسوله .
الخبير : "ياعم ادفع وخلص, وادي دقني ان قبضوا على احد , مع ان مكان تواجدهم معروف في الكويت, هوه لو فيه شوية جدية من المسؤولين بزمن قياسي نظفوا البلد من هالعمالة "السايبة".
الشايب : رجعنا لكلمة (لو) والله هالكلمة صارت ابغض كلمة سمعتها بحياتي :إستنكار:, لو من متى تمشي امور الدول والحكومات? السالفة تبي شوية حزم ومراقبة للمطار والمكاتب لان ما يصير اللي قاعد يصير, خادم هارب وخادم ما يبي هالبيت :إستنكار:, وخادم سافر ورجع محد درا فيه وخادم يلف الكويت بسيارة خاصة يدور العبرية , خلاص يكفينا خساير, المواطن تبهدل ببلده كل يوم يجيب واحد ويهرب داخل الغابة الاسمنتية اللي عندنا بالكويت, واللي يرحم والديكم يا مسؤولين نبي جدية تنقذون بلدنا ومواطنيها من هالوضع التعيس حسوا فينا والله يرحم والديكم" :إستنكار:.
قال المتمولس : "يقولون اهل علم النفس اللي يبي ينجح بدراسته يحط عطر اللي يحبه قبل لايدش الامتحان لانه يساعد علي الحفظ , واللي يبي اسم عطري من المسؤولين لا يستحي لان اهم شي راحة المواطن , وعندما ضحك الجميع رفع على مسامعنا الشيخ زغلول اذان الظهر .