سؤال وجواب أحسن شركة استضافة مواقع في الكويت ؟؟

[ابو مناحي المطيري]

السلام عليكم ورحمة الله وبركاته ... صبحكم بالخير يالربع

الموضوع احد الاصدقاء يريد انشاء مدونة إلكترونية .. يبي يدخل عالم التدوين

السؤال ..

وش أحسن شركة استضافة مواقع في الكويت ؟؟


وشكراً :وردة:

 

[ولد-العنجري]

بصراحة انا مستضيف لدي هالشركة راعيها واايد محترم وخلوق

www.byq8.com

 

[قبس]

ما اعرف شركات استظافة بالكويت لكن انا ارفع مواقعي بنفسي مع شركات امريكية وطبعاً فرق بالسعر + خدمات غير محدودة

على سبيل المثال اخر اشتراك لمساحة في سيرفر مواصفاته
باندوث غير محدود
قاعدة بيانات ١٠ قيقا
دومينين مجاناً
مساحة الملفات على السيرفر غير محدود
ضمان عمل السيرفر بنسبة ٩٩.٩٩٪
وامور اخرى

كلفني ١٣٧ بالسنة

المقصد من الكلام اذا تقدر تحجز مساحة في سيرفر لشغلك كان بها واذا ماتعرف مالك الا المكاتب مع زيادة السعر لان هذي ربحيتهم بكونهم وساطة بينك وبين الشركة الي عندها السيرفر

 

[كلينكس]

نصيحتي خلك من شركات الاستضافه العربيه الغبيه واخذلك شركات استضافه عالميه معروفه واذا تبي سميتها لك

تحياتي

 

[تفاؤل عظيم]

انتبه تاخذ استضافة من الشركات العربية

أولا : نصب بالسعر يدبلونه لك مرتين وهم اخرتهم ماخذين استضافة من شركة اجنبيه ويتحكمون في موقعك ع مزاجهم

ثانيا : العرب متى ما احتاج يوقف لك موقعك ويقولك يالله ادفع عشان اشغله لك وهو فعلا مو متوقف ولا يحزنون.

ثالثا : لا جيت تنقل موقعك لشركة ثانية بيقولك هات فلوس عشان اعطيك نسختك الاحتياطية للموقع .

رابعاااا : الشركات العربية تسجل كل شي من الموقع والدومين وغيره بإسمها, يعني اي مشكلة تصير بينك وبينهم تطلع انت بلوشي ويروح عليك موقعك


اخذ شركة اجنبية نصيحة لك.

 

[OK]

حياك الله بو مناحي

اذا الرجال يبي مدونه

عنده اختيارين الاول يا يشترك بموقع بلوجر التابع لقوقل يا يشترك بموقع ووردبريس

انا عندي نفسي افضل موقع بلوجر لانه ما يكلف شي اساسا

يعني تشتغل على المدونة وتركب عليها ستايل ( قالب ) وتشتريلك دومين لمده سنه ما يكلفك 3 دنانير من نفس شركة قوقل لانها متعاونه مع شركة جودادي وارتاح واي خدمة انا حاضر

واذا تبي تشوف المدونة اللي شغال عليها شوف التوقيع
​