يا اخوان ياربع الجمعية الثقافيه .. الحين في مجال لاصلاح ذات البين .. صدقوني الشارع راح يوقف ضدكم اذا استمريتو على هذا النحو .
للحين ترانا ساكتين على سالفة خطأ التأبين ومن باب وحدة الصف والبيت الشيعي ... بس اذا استمريتو جذي صدقوني راح انا وغيري والشارع الشيعي يبهدلكم .
1- على سالفة الضرر من الي سببتوه لنا من ورا التأبين وراح نثير القضايا الوطنيه
2- راح نذكر الشارع الشيعي بمواقفكم من قضايا الشارع الكويتي مثل شراء المديونيات واسقاط القروض وغيرها
3- راح نذكر الشارع بموقف سيد عدنان وجمال الكندري في الرميثيه ولاري مع العازمي في الدسمه .. يعني تحالفكم مع الحركة الدستورية على الشيعه .
4- اما الرابع ( ,,,,,,,,, ) و مستحيل ان اثيرها ... لو شنو.. لاني اظل اول وتالي موالي لأهل البيت ولا ارضى بالضرر لأهلي وربعي وناسي ولا ارضى اشمت اعدائنا واقصد اهني التكفيريين .
ومن باجر مستعد افتح موضوع خاص من بين هالمواضيع في المنتدى اذا استمريتو على هذا الخطأ والخط .
تقولون حسن جوهر مو منكم ؟!! من صجكم انتم والا تتغشمرون ؟!!
اذا مو منكم عيل ليش زعلانين عليه على قولتكم وتقولين ما وقف معانا لما طرد التكتل الشعبي عدنان ولاري ... وما راح نصوت له هالمره ولا ندعمه ؟؟
مره تقولون ندعمه .. ومره تقولون ما راح ندعمه بس خلاص بعد هالموقف ... بالنهايه اهو مدعوم منكم .. وبعدين يعني كلام انه حسن جوهر مو من الجمعية الثقافيه .. هذا خبر ينقص فيه على الناس اليدد بالساحة السياسية ومن باب التكتيكات الانتخابية خصوصا واصوات السنه في بيان ومشرف والا الحقيقه و اهل السياسه يعرفونها .. وهالكلام قبل التأبين .
الآن خبري هذا الي اشرت له منكم .. من ربعكم .. من جمعية الثقافيه .. من التحالف الاسلامي ... يعني من بطنها .. انكم راح تصوتون للاربعه ذولي .. وان شاء الله يطلع خطأ .. وصدقوني يا ربع الجمعية كافي بس تكفون كافي دمار وصراعات .
وترا فيه مجال ووقت لتدارك الخطأ .. اتمنى ان يتم ذلك قبل ان ينقلب السحر على الساحر ..مو المهم منو يفوز .. المهم وحدة البيت الشيعي .. اقولكم تكفوووووووون نبي وحده .. والا باجي التيارات والقوى السياسيه الشيعيه راح تنزل قوائم رباعيه بدون اتفاق وهذا ويهي لو فاز اثنين من ربعنا وكالعاده .. والتاريخ راح يسجل لكم هذا .. وابيكم تتوقعون ردة فعل عكسيه من ناخبين الدائره الاولى .