أستراحة وملتقى الخير لأعضاء وعضوات الشبكة الوطنية الكويتيه (٨)

[ياسين الحساوي]

إحم إحم..ياهل الإستراحة..أدخل؟​

 

[ياسين الحساوي]

الظاهر ماكو أحًد..مريحين عقب الغدا..بالعافية
ياسلام شهالترتيب والنظافة..مشكورة استاذتنا ربما
الحين صج الواحد يستريح وهو مطًمن على صحته
العادة فى جلسات الإستراحة تدور حكايات لمواقف حصلت لبعض الرواد
وانا شايف كل الدردشات تخص البلعة والجاى والقهوة ونثر الورود..نبى سوالف

زارنى أمس صديق وهو فنان بحرينى يمكن سمعتو عنه..على الجميرى
وقالى زهيرية من تأليفة..اعجبتنى حبيت تسمعونها معاى
راح أقولها لكم.. عطونى دقيقة بس:وردة:​

 

[ياسين الحساوي]

يقول فى ازهيريته:

أول أنا بالعرب جاهلْ ولا جاه لى
ومن فضل ربى على سويت انا جاه لى
والجاه يبغى عمل ماهوب لعب جاهلى
أفرح أنا بصاحبى لقْبل على وجه هل
واغفر أنا زلته إذا أخطأ ..أو جهل
ولا تلوم الذى ماعرف قدرك.. جهل
أنا عليمٍ بجاهى أيضا ترى وجاه هلى

وسلامتكم وتعيشون
:وردة:​

 

[ام العيال]

هلا اخوي واستاذنا كلنا ابو محمد حياك الله بالاستراحه
وحبيبتي ربما الله لايحرمنا منها رتبت الاستراحه صارت فللي
لسماع ماعندك كلنا في شغف للزهيريات وبعد من فنانا القدير احمد الجميري ياسلام ،،

 

[ياسين الحساوي]

أختى أم العيال القائل..على الجميرى شقيق أحمد
إن شاء الله عجبتك الزهيرية
:وردة:

 

[ام العيال]

انا كتبت متأخر شوي
بس فعلاً زهيريه رائعه من فنان رائع وقدير ويحق ان
يعتز بنفسه ،،، فعلاً فنان اثبت وجوده من موهبته وفنه
الراقي طول هذه السنين سلمت ذائقتك اخي واستاذي

 

[ام العيال]

انا شفيني اكتب متأخر اللحين عرفت ان احمد الجميري اخو على الجميري

سامحني اخوي على اللخبطه كل مايطري عليلنا الجميري يطري علينا الفنان احمد الجميري

 

[ام العيال]

لو سمحت استاذي نريد من جديدك او ذائقتك اذا تكرمت حتى تصبح استراحتنا
ايضاً صالون شعري !!

 

[ياسين الحساوي]

سلميلى على كل حبايبنا يا أم العيال أنا مسافر برعاية الرحمن
الليلة للخارج لأعمال خاصة وإن شاء الله أجد وسيلة للتواصل
واذا أى واحد يامر على شى..لايرده إلا لسانه:باكي:..مابينا فرق
بس لاتزودونها وايد
سلام:وردة:​

 

[ياسين الحساوي]

أنا حاضر وبأقرب فرصة إنشاء الله:وردة:

 

[ام العيال]

بحفظ الرحمن يااخي ولانريد الا سلامتك بالحل والترحال !!
بس طلبنا هو من جديدك او من ذائقتك اذا امكن في المرات القادمه ان شاء الله وهذا
مو كثير علينا ودمت بود اخي الكريم

 

[( القلب الكبير )]

شنو هالاستراحة يا ربي ياكلون حب ومنثرين لقشور بكل مكان


دام العموم اوفلاين بقوم اخم وانظف وامري لله

ترى بقط عباتي اللي بيدخل عفية يتنحنح

احم .. احم ... درب درب
تغطي يا مره .... بو عبدالله بيدخل
الله اوخيتى ربما قاعدة تخمين
الله يعطيج العافية :وردة:
مساعدة وانا اخوج .... حاضر

الجو يا اعيال ما ل دوة و فحم و جاي امخدر
برد ماشاء الله
امس قاعد جدام الشالية متلحف البشت
وحتى الحين انا قاعد على بره

ماشاء الله خوش ازهيرية استاذي بومحمد
الله يعطيك العافية و كذا الاستاذ احمد صاحب الزهيرية
و اضم صوتى لصوت اختى الغالية ام العيال
ياليت تتحفنا بشئ متى ما تفرغت
الجو اللى انا قاعد الحين فيه مثل ما قلت آنفا
بارد و مال دوة وجاي امخدر
بس مع الاسف مالاحسبنالااحسابنا
إن شاء الله إذا ردين يوم الثلاثاء
و هذا الجو
قد يفتح شاهية الشعراء
وبكل اسف انا ماني شاعر و إلا جان ألفت قصيدة
لكن بين يدي كلمات قلتها قبل فترة ونسيت اكملها
بس اقولها جود تحوز على اعجابكم
اقول غبت عنى و الشوق جابك
او انك لما فقدت احبابك ذكرت اصحابك
شاللى جابك؟
الشوق !
لالالا ما اصدق الشوق جابك
انت جاسي اعرفك زين
جاسي خلينى انتظر على بابك
ايام وليالي ما حن قلبك
ولا الهم و الحزن اللى صابنى صابك
شاللى جابك
​

 

[( القلب الكبير )]

شنو هالاستراحة يا ربي ياكلون حب ومنثرين لقشور بكل مكان


دام العموم اوفلاين بقوم اخم وانظف وامري لله

ترى بقط عباتي اللي بيدخل عفية يتنحنح

احم .. احم ... درب درب
تغطي يا مره .... بو عبدالله بيدخل
الله اوخيتى ربما قاعدة تخمين
الله يعطيج العافية :وردة:
مساعدة وانا اخوج .... حاضر

الجو يا اعيال ما ل دوة و فحم و جاي امخدر
برد ماشاء الله
امس قاعد جدام الشالية متلحف البشت
وحتى الحين انا قاعد على بره

ماشاء الله خوش ازهيرية استاذي بومحمد
الله يعطيك العافية و كذا الاستاذ احمد صاحب الزهيرية
و اضم صوتى لصوت اختى الغالية ام العيال
ياليت تتحفنا بشئ متى ما تفرغت
الجو اللى انا قاعد الحين فيه مثل ما قلت آنفا
بارد و مال دوة وجاي امخدر
بس مع الاسف مالاحسبنالااحسابنا
إن شاء الله إذا ردين يوم الثلاثاء
و هذا الجو
قد يفتح شاهية الشعراء
وبكل اسف انا ماني شاعر و إلا جان ألفت قصيدة
لكن بين يدي كلمات قلتها قبل فترة ونسيت اكملها
بس اقولها جود تحوز على اعجابكم
اقول غبت عنى و الشوق جابك
او انك لما فقدت احبابك ذكرت اصحابك
شاللى جابك؟
الشوق !
لالالا ما اصدق الشوق جابك
انت جاسي اعرفك زين
جاسي خلينى انتظر على بابك
ايام وليالي ما حن قلبك
ولا الهم و الحزن اللى صابنى صابك
شاللى جابك
​

 

[أم فواز]

وينج ياام فواز حتى الشبكه امس افقدتج وتعطلت
الله يردج بالسلامه احس ناقصين شي مهم ناطرينج
بس من حقج تاخذين رست شوي،،،، بس لاطولين :قلب:

لو بحط كل ورد الشبكة بعد ما يكفيج يا ام العيال
ما تفقدين غالي وانا وايد اشتقت لكم وللقلوب الطيبة :وردة:

 

[FaHo0D]

السلام عليكم ورحمة الله وبركاته

تسجيل دخول متواضع للموضوع ^^​

 

[أم فواز]

تروح وترجع بالسلامه أخونا الفاضل @ياسين الحساوي .. وعيدك مبارك لك وكل الاعضاء المسافرين مقدما ..

وعليكم السلام زميلنا اليديد @FaHo0D
حياك الله بين إخوانك وخواتك ..

 

[FaHo0D]

الله يحيج اختي ام فواز لا هنتي.

 

[أم فواز]

ماشالله الاستراحة تصفر
الكل بالسوق والمجمعات ..
الحمدلله رب العالمين اليوم اغلب الناس صايمة
والاجواء كانت رمضانيه
الله يتقبل منا ومنكم صالح الاعمال

 

[ياسين الحساوي]

الله لا إله إلا هو لاشريك له وله الحمد والشكر عيدكم مبارك واللهم اجعله خيرا وبركة
على كل من يعيش بالكويت وعلى الأمة العربية والإسلامية ..آمين

عيدكم مبارك يا اهل الإستراحة الطيبين وعساكم من عوادة
والتهانى لكل أخواتنا وإخواننا أعضاء المنتدى ورجال الإدارة الكرام
كل عام والجميع بخير
:وردة::وردة::وردة:​

 

[أم فواز]

ياهلا اخونا الفاضل @ياسين الحساوي وعساك من العايدين الفايزين
تقبل الله منا ومنك صالح الاعمال ..