Abdulaziz.RS
عضو جديد
السلام عليكم، مساكم الله بالخير اخواني وخواتي، معاكم اخوكم عبدالعزيز، وحبيت اقول لكم سالفتي والوضع السيء جدا الي عانيته بسبب قرار ،لي الحق اني اتخذه، واحس اني قاعد أُعاقب بكل الطرق الممكنه بسببه… لكني متوكل على الله وما راح اخلي الي صار يأثر على سعادتي.. الهدف من كتابتي للموضوع هو طلب نصيحتكم وشوركم بالي اقدر اسويه، وعشان اعرف اذا كانت عندي خيارات ما اعرفها تعلموني عنها ..
اولا احب اقولكم اني انسان جاد و عندي طموح اكاديمي باذن الله راح احققه، لكن لاسباب صحيه تاخرت في حياتي بشكل عام وما قدرت ابدأ بدايه حقيقه الا السنه الي طافت بعمر ٢٥، ادري اني متاخر لكني متفائل اني راح اوصل للي ابيه وما يطوفني شي باذن الله..
مع بداية السنه الي فاتت، تعدل وضعي الصحي،ودخلت كلية التكنولوجيا بهدف اني اتخرج منها بامتياز واطلع بعثه هندسه، وقدمت على زواج … وملجت على بنت من جنسيه خليجية لحبي لعائلة البنت وقرب اهلي منهم. وقلت (راح احاول اجمع فلوس المهر والعرس خلال سنه ونص وبعدها اتزوج ان شاء الله)
بعدالملجه مباشرة قررت اروح للهيئه العامه للتعليم التطبيقي واقدم على اعانة الطالب المتزوج (٣٥٠ دينار) تفيدني في جمع المبلغ المطلوب للزواج، للعلم ان المهر هو ٦٠٠٠ والعرس راح يحتاج ما يقارب ال ٤٠٠٠ غير تكاليف الشقه و و و…
التعليم التطبيقي رفض يوفر اعانة المتزوج لي لأني (متزوج غير كويتيه) ..
فقلت اروح للشؤون واطلب (مساعدات المتزوجين) الي وصلت لكل ربعي وهي مبلغ حلو (٥٩٠ دينار تقريبا) راح يسهل علي جمع المبلغ المطلوب .. رحتوقدمتعندهم، وبعد اسبوعين من المراجعات قالوا (لأنك متزوج غير كويتيه، تعال بعد عقد الزواج بسنه)
سنه كامله… وقت طويل… ففكرت شنو اسوي…
طبعا خلال هالوقت كنت معتمد على اعانة التطبيقي (٢٠٠ دينار شهريا) باليالله تكفي مصرف، مستحيل اجمع منها شي للعرس..
فقلت (اتوضف بشركة خاصه يكون الشغل فيها خفيف عشان ما ياثر على دراستي، واعتمد على دعم العماله الي اهو نفس مبلغ مساعدات الشؤون تقريبا) رحت للتامينات وسالتهم عن الموضوع وشرحت وضعي بالكامل، قالتلي الموظفه (كل الي تحتاجه عشان تاخذ دعم العماله اهو ان عمرك ٢٥ او اكبر، ومتزوج، لا تشيل هم روح الغي اعانة التطبيقي وقدم على شركه وتعال لنا ومعاك اوراق الشركه) قلت اوكي، ورحت الغيت الاعانه ولقيت لي شركه اداوم فيها كل يوم من ٩ ل ١ الظهر تقريبا (كان وقت ممتاز لي لأن محاظراتي كانت من ٢ ل ٧ ) ورديت للتامينات وقدمت على اوراقي ، قالولي (راح نتصل عليك خلال شهرين او ٣ لا خلصت اوراقك وبعدها توديهم للهيكله عشان تاخذ دعم العماله، وينزل لك اثر رجعي) قلت تمام، وبديت اداوم بالشركه شهرين، بعد الشهرين بايام اتصلت عليهم وقالولي ان اوراقي جاهزه، رحت اخذت اوراقي وطرت مباشرة للهيكله، هناك انصدمت من المفاجأه..
الموضفه قالت لي (مالك دعم عماله عندنا دامك طالب بالتطبيقي، يا تكون موظف سنتين قبل لا تطلب دعم عماله، او تسحب اوراقك من التطبيقي)
اهني علقت مو عارف شنو اسوي..
قدمت استقالتي من الشركه و رديت للتطبيقي ابي الاعانه ثاني مره، ولا يقولون لي (ما يصير ترد الاعانه بنفس الكورس الي سحبتها فيه.. تعال لنا بعد ٥ شهور….) يعني ٥ شهور من غير مصرف…
هني صج حسيت اني عالق ومالي اي طريق…
قلت (مالي الا انطر ٥ شهور… وارد اعانة التطبيقي، ،بعدها انطر ٤ شهور عشان اكمل سنه على عقد الزواج، واروح للشؤون..)
بعد ٥ شهور، مع بداية الكورس الجديد للكليه، وقبل لا اقدم على اعانة التطبيقي، اكتشفت ان قرار (انتظار سنه للي متزوج من غير كويتيه) ملغي من ٥ شهور لكن محد يدري بالموضوع… حتى الموظفين ما يدرون.. قلت الحمدلله ورحت للشؤون مباشرة، قسم الرعايه الاسرية… (طبعا بعد اسبوع من المراجعات وتجميع ال١٥ طلب الي يبونهم) دخلت على الموظف وسلمت عليه وقلت له اني ابي اقدم على المساعدات الي متوفره للطلبه المتزوجين، قالي اوكي…
وبعد ما شاف الاوراق، سألني (انت اعرست ولا لا) رديت بعفويه (لا والله عرسي بعد سنه ان شاء الله او اقل ) هني وقف شغله وقال (مالك مساعدات عندنا، المساعدات هذي للمتزوجين فقط) قلت له (يا ابن الحلال هذا عقد الزواج واهي زوجتي وانا ابي المساعدات عشان اقدر اتحمل تكاليف العرس) قالي (ما يصير، هذا القانون)
جذي تسكرت كل الابواب وما عندي اي طريق اقدر اسلكه عشان ابدأ حياتي الزوجيه.. والسبب (الزوجه غير كويتيه) يعني هذي قسمه ونصيب واختياري، ليش لازم يحسسوني اني سويت جريمه وفجاه صرت مو ولد الكويت بسبب هالخيار..
اسف على الاطاله اخواني واخواتي، ابي نصيحتهم وشوركم، شنو اسوي؟ شنو الخيارات المتوفره لي؟ شنو اقدر اسوي..
اولا احب اقولكم اني انسان جاد و عندي طموح اكاديمي باذن الله راح احققه، لكن لاسباب صحيه تاخرت في حياتي بشكل عام وما قدرت ابدأ بدايه حقيقه الا السنه الي طافت بعمر ٢٥، ادري اني متاخر لكني متفائل اني راح اوصل للي ابيه وما يطوفني شي باذن الله..
مع بداية السنه الي فاتت، تعدل وضعي الصحي،ودخلت كلية التكنولوجيا بهدف اني اتخرج منها بامتياز واطلع بعثه هندسه، وقدمت على زواج … وملجت على بنت من جنسيه خليجية لحبي لعائلة البنت وقرب اهلي منهم. وقلت (راح احاول اجمع فلوس المهر والعرس خلال سنه ونص وبعدها اتزوج ان شاء الله)
بعدالملجه مباشرة قررت اروح للهيئه العامه للتعليم التطبيقي واقدم على اعانة الطالب المتزوج (٣٥٠ دينار) تفيدني في جمع المبلغ المطلوب للزواج، للعلم ان المهر هو ٦٠٠٠ والعرس راح يحتاج ما يقارب ال ٤٠٠٠ غير تكاليف الشقه و و و…
التعليم التطبيقي رفض يوفر اعانة المتزوج لي لأني (متزوج غير كويتيه) ..
فقلت اروح للشؤون واطلب (مساعدات المتزوجين) الي وصلت لكل ربعي وهي مبلغ حلو (٥٩٠ دينار تقريبا) راح يسهل علي جمع المبلغ المطلوب .. رحتوقدمتعندهم، وبعد اسبوعين من المراجعات قالوا (لأنك متزوج غير كويتيه، تعال بعد عقد الزواج بسنه)
سنه كامله… وقت طويل… ففكرت شنو اسوي…
طبعا خلال هالوقت كنت معتمد على اعانة التطبيقي (٢٠٠ دينار شهريا) باليالله تكفي مصرف، مستحيل اجمع منها شي للعرس..
فقلت (اتوضف بشركة خاصه يكون الشغل فيها خفيف عشان ما ياثر على دراستي، واعتمد على دعم العماله الي اهو نفس مبلغ مساعدات الشؤون تقريبا) رحت للتامينات وسالتهم عن الموضوع وشرحت وضعي بالكامل، قالتلي الموظفه (كل الي تحتاجه عشان تاخذ دعم العماله اهو ان عمرك ٢٥ او اكبر، ومتزوج، لا تشيل هم روح الغي اعانة التطبيقي وقدم على شركه وتعال لنا ومعاك اوراق الشركه) قلت اوكي، ورحت الغيت الاعانه ولقيت لي شركه اداوم فيها كل يوم من ٩ ل ١ الظهر تقريبا (كان وقت ممتاز لي لأن محاظراتي كانت من ٢ ل ٧ ) ورديت للتامينات وقدمت على اوراقي ، قالولي (راح نتصل عليك خلال شهرين او ٣ لا خلصت اوراقك وبعدها توديهم للهيكله عشان تاخذ دعم العماله، وينزل لك اثر رجعي) قلت تمام، وبديت اداوم بالشركه شهرين، بعد الشهرين بايام اتصلت عليهم وقالولي ان اوراقي جاهزه، رحت اخذت اوراقي وطرت مباشرة للهيكله، هناك انصدمت من المفاجأه..
الموضفه قالت لي (مالك دعم عماله عندنا دامك طالب بالتطبيقي، يا تكون موظف سنتين قبل لا تطلب دعم عماله، او تسحب اوراقك من التطبيقي)
اهني علقت مو عارف شنو اسوي..
قدمت استقالتي من الشركه و رديت للتطبيقي ابي الاعانه ثاني مره، ولا يقولون لي (ما يصير ترد الاعانه بنفس الكورس الي سحبتها فيه.. تعال لنا بعد ٥ شهور….) يعني ٥ شهور من غير مصرف…
هني صج حسيت اني عالق ومالي اي طريق…
قلت (مالي الا انطر ٥ شهور… وارد اعانة التطبيقي، ،بعدها انطر ٤ شهور عشان اكمل سنه على عقد الزواج، واروح للشؤون..)
بعد ٥ شهور، مع بداية الكورس الجديد للكليه، وقبل لا اقدم على اعانة التطبيقي، اكتشفت ان قرار (انتظار سنه للي متزوج من غير كويتيه) ملغي من ٥ شهور لكن محد يدري بالموضوع… حتى الموظفين ما يدرون.. قلت الحمدلله ورحت للشؤون مباشرة، قسم الرعايه الاسرية… (طبعا بعد اسبوع من المراجعات وتجميع ال١٥ طلب الي يبونهم) دخلت على الموظف وسلمت عليه وقلت له اني ابي اقدم على المساعدات الي متوفره للطلبه المتزوجين، قالي اوكي…
وبعد ما شاف الاوراق، سألني (انت اعرست ولا لا) رديت بعفويه (لا والله عرسي بعد سنه ان شاء الله او اقل ) هني وقف شغله وقال (مالك مساعدات عندنا، المساعدات هذي للمتزوجين فقط) قلت له (يا ابن الحلال هذا عقد الزواج واهي زوجتي وانا ابي المساعدات عشان اقدر اتحمل تكاليف العرس) قالي (ما يصير، هذا القانون)
جذي تسكرت كل الابواب وما عندي اي طريق اقدر اسلكه عشان ابدأ حياتي الزوجيه.. والسبب (الزوجه غير كويتيه) يعني هذي قسمه ونصيب واختياري، ليش لازم يحسسوني اني سويت جريمه وفجاه صرت مو ولد الكويت بسبب هالخيار..
اسف على الاطاله اخواني واخواتي، ابي نصيحتهم وشوركم، شنو اسوي؟ شنو الخيارات المتوفره لي؟ شنو اقدر اسوي..