صالح السعيد ودموع الدمبكجيه

ا

الحرية

عضو فعال
اليوم اضحكني طرح صالح السعيد المضحك والدمبكجي والذي بكى وهو يقول انا الشريف اللي بينقذكم

هل يعتقد السعيد ان الشعب مازال ساذج وليس له نظره والله عيب ان يكون طرحنا دمبكجي

كان الله بعون اهل الجهراء اذا هاذي نظرة مرشحهم

واقول للسعيد بكاك حب الكرسي اللهم لاتجعل الدنيا اكبر همنا
 
ب

بو ماجد

عضو بلاتيني
اللهم لاشماته

فيه مثل يقول

كان هاذي رجالتس ياحسينه ...............


ومنزل نفسه من صجه

الله لايبلانا




صراحه أنا ماعرفت أن الجهرا وخذت ألا يوم شفته اليوم يهلها عبره ورا عبره

قال سكارى قال


قم بس قم
 
ق

قديم

عضو مخضرم
ترى مو عيب اللى سواه السعيد وما فيها شى لما يتكلم عن واقع مر

وهم شفنا يا اخوان اللى يقط عقاله على الجمهور ويطلب نخوتهم معاه والوقوف معاه

ويقولون بالامثال :--

كل الطرق تؤدي لرومااااااااااااا
 
ك

كاشف

عضو فعال
قديم قال:
ترى مو عيب اللى سواه السعيد وما فيها شى لما يتكلم عن واقع مر

وهم شفنا يا اخوان اللى يقط عقاله على الجمهور ويطلب نخوتهم معاه والوقوف معاه

ويقولون بالامثال :--

كل الطرق تؤدي لرومااااااااااااا
أنقر للتوسيع...

لاوالله عيب وشي يفشل ابجي على شنو كل المواضيع عنده حساسه ويبجي علشانها ......والله مت من الضحك عليه وعلى الدمكجيه اللي يتصلون عليه​
 
ن

نقوشي

عضو ذهبي
الظاهر انتم اهل الفرعيات تضايقتوا


لما شفتوا واحد قوي يدش عليكم بساحة الكراسي البرلمانية


:d


صالح السعيد راح ينجح وبتشوفون

ودمبكوا حق فرعياتكم الي كلها قتل للطموح والوطنية
 
B

bye

عضو فعال
بصراحه هذي اول مره اشوف
انصدمت ... وصلت فيه يبكي عشان الصوت
المصيبه ان عيالي يقولون شفيه يبكي والله ما عرفت ارد عليهم شقول لهم
يا خرطي
 
س

سيف خالد

عضو مميز
لول

انا شفت بداية اللقاء ونهايته بعد ما نهالت علي المسجات حط سكوب حط سكوب ..
اول ما بلش الاخ اللطيف والمرشح الخفيف بسالفة او خنسيميها نكته .. شنو اهيا ؟؟
انا اقولكم : الاخ يقول انا اول ما وقفت سيارتي جدام القناة لقيت هندي ينظف الشارع
ستوب : هندي ينظف الساعة 10 بليل ؟؟ ما عليه نطوفها يمكن هندي قطاع خاص مو حكومة :)
يقول ناديته قتله انت شلون تشتغل هني, قال بابا انا ادفع 400 دينار عشان اقامة (طبعا يقولها بلغة الهنود) واقعد بابا 3 سنه عشان ادفع ال400 مال كفيل !! يا خالي نطوفها لك استمر الاخ اللطيف في القصة وسط ابتسامة شكبرها من الدكتورة الي ما طوفتها له بالاخير ..
كمل القصة وقال : سالت الهندي تعرف عربي قالي اي اعرف بابا ,قاله شنو مشكله بالكويت هني قال شوف بابا مشكله بالكويت مرور واجد مو زين و وكذا مشكله نسيتها والاهم مشكلتين مت من الضحك عليهم الي اهما قال الهندي للسعيد الكويت مافي "بنيه تحتية" لووول استعوب الاخ الكلمة كبيره على الهندي جان يقول اهوا ما قالي جذي قالي هذا تحت واشر على الارض مو زين لوووووووووووول بعدها قاله الحكيم الهندي الآتي : بابا في مشكلة واجد كبيره شنو يا بابا قاله, كويتي يتزوج مو كويتي زين ,كويتية تزوج مو كويتي مشكلة بعدين فسرها يعني الكويتية المتزوجة من غير كويتي مظلومة لوول المهم ان الدكتورة ما طوفتها وقالت خوش هندي زين ما كلمك عن اسقاط القروض ..

وانا اتوقع ان الهندي الي كلمه السعيد حفيد غاندي​

:)​
 
F

Free Sound

عضو
اللهم لا شماته

و كافيه رمضان تقوله اسمالله عليك لا تنفعل

الجهراء لا تخرج الا الرجال
 
ن

نقوشي

عضو ذهبي
بدات القلوب ترتجف

والاقلام تكتب خوفا على ابناء قبيلتهم وكراسيها


لووووووول


كملوا بعد نبي تفاعل اكثر يا ابناء الفرعيات

:d
 
س

سيف خالد

عضو مميز
هاهاها والله يا نقوشي منقر بمرشحك
خلنا ساكتين يا يبا ..
بعدين اسمها تشاوريات لا يزعلون الربع :)
 
ي

يعين الله

عضو فعال
قسما بالله مالى اى مصلحه بالدائره الرابعه

لاكن والله هالمرشح يفشل

هالبجايه رايح قناة اخته عشان يبجى ...

واخوه الثانى علبو شاعر وخارها وتمصخر ما تسوا عليه..

والرابع عنده فرقه وسامرى وزيران وياليحيى..

نبى مناقشه نبى طرح نبى شى ..

كل مادق عليه احد من ربعه السكارى على قولته حضر الجهراء دنها هاشميه...

كل كلمه والثانيه بجوه ...

قسم بالله قمت اشك انه قاعد يبجى من الو هقه مايدرى شيقول ...

اذا من اول اللقاء جذبه البنقالى والبنيه التحتيه..

لا ويقول بيسوى ندوه .<<<<<< قسما بالله قاعد اكتب وانا اضحك الله لا يبلانا

يا عمى اى ندوه انتا يبيلك لطميه على هالبجى...

لقاء تلفزيون كله بجى ماكو جمله مفيده ..

شلون لو ندوه تصير مناحه ...

اتوقع يقعد يطق نفسه بالندوه ...


صراحه انتخابات 2008 ونااااسه
 
ب

بوفلان

عضو فعال
اولا قناة سكوب قبل فتره طلع السعيد حوالينه ورد ويقول من المعجبين كأنه مافي عضو سابق طلع بهالبرنامج غيره والدليل من هالورد مانجح بالانتخابات وكل اللي اتصلو عليه يبحون طلال السعيد مشاء الله
ثانيا اليوم صالح اخوه والفلم اللي اعمله والاتصالات كلهم مع صالح ياسبحان الله محد معارض صارح
دعايه بلاش من اختهم الفاضله فجر
حتي الدكتوره اللي اتحاوره اذكر كل مقابلاتها كانت محايده وتسأل وتحرج اللي جدامها اليوم مشاء الله تمجد وعطف وحنان لصالح ياسبحان الله
والفضلي مع طلال السعيد قبل فتره يكلم طلال كأنه يكلم ولي امره يتحاور معاه واهو مرتبك يخاف علي اكل عيشه
فرق بين لقاء الجويهل ولقاء طلال السعيد واخو صالح
هنا الديمقراطيه والراي والراي الاخر نعم ياقناة سكوب قناة حره ومافيج اي عنصريه ولا تلميع لاي شخص انا بعرف هالمرشيحين وهالقنوات اتخاطب عاهات ولا تخاطب ناس ماعندها مخ وكله بصوب واللي مستانس علي هالطرح واللقائات احس انه ضايع بالطوشه مااقول الا الله يرفع عنهم ان شاء الله
 
ب

بو ماجد

عضو بلاتيني
النكته المسجات بنفس المقابله ليتكم تركزون عليها بالأعاده

واحد ظريف جداً كتب

جوك مطير و عبس والله يخلونك تحتهم ويطالعونك بدربيل يابو كرسي

وأسم الله عليك ياقلبي




الجهرا وخذذذذذذذذذذذذذذذذذذذذت
 
ي

يا ويلنا

عضو جديد
هههههههههههه
هذا بصوووب والبنغالي بصووووب ..
لوووووووووول ..
البنغالي يعرف البنيه التحيتيه والقروض ويعرف زواج الكوينيه من غير الكويتي ..
ويعرف الفساد اللي بالكويت ويعرف التلوث بأم الهيمان ..
 
ا

القدساوي

عضو ذهبي
مسرحيه هزليه وضحك علي الذقون
كنا بقهوه قاعدين شوي جان يجي واحد قال حطوه علي سكووووب ولا نشوف الرجال دانها مناحه تصدقون كل القهوه ضحكو عليه وواحد قدامي خال اسمعه يكلم ربعه يقول منو هذا وليش يبكي ماصارات هههههههه

السنه هاذي وش صارو من الظفير ولا من تميم؟
 
يجب تسجيل الدخول أو التسجيل كي تتمكن من الرد هنا.
أعلى