صباح/ مساء الخير والنوير وشذى الطير
شلونكم شخباركم شمسوين نعود لكم بعد طول غياب وبالرغم من حالة الإحتقان السياسي الموقع إلا أن هذا لايمنعنا من ذكر مواقف طريفه قد تكون سببا في سرور البعض وبما إن روائي معروف عنه إنه ملييييق ههههه فأنا راح أقوم بهذا الدور شسوي أحب أفرح الجميع حتى لو مصخرت نفسي بموضوعي ههههههه وياما بتضحكون علي. اليوم يايب لكم مواضيع طريفه جدا وأخرى ساخنه وأخرى كوكتيل يعني مانجا وحليب بالموز وفراوبه لول لا لا صج في تنويع بفقرات ملاقاتي وأتمنى تروق لكم ...
وراح تكون بموضوع وأحد متجدد كل فترة بإذن الله
إلى ميدان ملاقات ............
يوم عمل بحذائين مختلفين !!!
طبعا معروف عني ذهابي للعمل باكرا جدا لدرجة إن في موظفين يشكون إني مطرود من بيتنا وأنا بالمكتب هههههه
شسوي بعد أقعد 5 الفجر اتسبح وأطلع عالدوام أقعد في مكتبي أشرب شاي أخضر وأتصفح الإنترنت حتى دخول وقت العمل وأشوف شغلي .. بس في إثنين الله وكيلهم عينهم لييزر ثري دي فل اتش دي يعني وحده بوحده استلموني نهار كامل انت جني مو أدمي انت مو طبيعي مافي كويتي يقعد هالوقت لووول المهم. بعدها بيوم ومع صحوتي المعتاده ماقدرت اقوم حسيت اني بنام بعد المهم نمت وانا العاده احط منبه الساعه 6 ورن المنبه خمسين مره وحذف تلفون بعيييد لوول وأقول يارب تخلص البطاريه او تحترق مابي اقوم مادري شفيني المهم صحيت فجاه ولا ساعه ست ونص وانا صرت كورفيت الله وكيلكم وبالظلمه ماشبيت الليت مابي اضيع لحظه وحده بدلت طلعت بعد ماغسلت طبعا اييي مو عبالكم مو مغسل ومنظف أسناني!!
المهم وصلت دوامي وانتبهت انه في شي غلط احس حذاء ضيق وحذاء مرتفع عن الثاني قلت شفيني انا لايكون صار فيني شلل أطفال يجوز يحوش. اللي عمره 26 المهم نظرت لقدمي فكانت الكارثه لول جوتيين مختلفين لون ولون وقعدت أطالع بهدومي أتااكد اقول لايكون لابس اليوني فورم مال خدمتنا وانا مادري
المهم سلمت بالامر الواقع وقعدت عالمكتب ماتحركت تميت قاعد طبعا العموم متعجب لاني انا كثير الحركه قالو اكيد فيه شي مكدره. هههههه. ويوني الاثنين اللي عيونهم مضادات صواريخ وقلتلهم قل اعوذ برب الفلق من شر ماخلق
وسويت لهم خمسه وخميسه مالت فيفي عبده ههههههه
عاد فضحت عمري انا وفصلوا علي وماضل حد ماصورني حتى الفراشيين يحليلهم قلتلهم فضحوني عادي وناسه وقمت أمشي نفس كامل الأوصاف هههههه
عاد ديرو بالكم اهم شي شبو الليت قبل لا تبدلون لاسمح الله يصير فيكم نفسي
التعديل الأخير: