السلام عليكم
انا كويتي وزوجتي سعوديه .. وزوجتي ولدت عند اهلها بالسعوديه
والحين انا بالسعوديه ابي ابدا اجراءات تسجيل المولوده
ماني عارف وين ابدأ وشنو الاوراق المطلوبة ؟
وشنو الاجراءات في الكويت عشان شهادة الميلاد والجنسية ياليت تفيدوني ؟
تطلع لها شهادة ميلاد بالدوله اللي انولدت فيها
في حالتك السعوديه،
وتروح للسفاره الكويتيه يعطونك كتاب اسمه جواز سفر اضطراري لسفره واحده ولازم تجيب المولوده للكويت
وبعدها تصدق شهاده الميلاد الأجنبيه بالخارجيه وتروح لشهادات الميلاد وتصدر شهادة ميلاد لها وبعدها للبطاقه المدنيه وبعدها تضيفها بالجنسيه
وتطلع لها جواز سفر
هالمعلومات حصلتها من الإنترنت لكويتي ولد ولده خارج الكويت
ويقول هو إتبع هذه الإجرائات لولده.