محمدالمقين
عضو
لاشك ان طرق الوصول لمجلس الأمه اصبحت
معروفه لدى اي ناخب فالوضع الحالي اصبح
من الصعب ان تعرف من المرشح الاصلاحي
ام المرشح الحكومي وان سمعت عن مرشح
اي اشاعه انه حكومي ويشتري اصوات
ناخبيه تجده في لقاء تلفزيوني او في ندوة
انتخابيه يقسم بالله انه غير حكومي ويتباكى
امام الحضور ويقول ظلموني .
وانا من خلال متابعتي للندوات الانتخابية عرفت ان الطريق لمجلس الأمه هو :
1- ان تبكي عند لقاءك مع اللقاء النسائي .
2- تنتقد و تذم الحكومة في كل شئ ولاتمدحها نهائيا
3- تتحدث عن احد الأشخاص المهمة وتتهمة بأنه سارق ((عشان يقولون عنك بايعها ))
4- تطالب بالوحدة الوطنية وكأن الكويت في حالة ثورة قومية .
5- تطالب بمشاكل نواب من قبل عشرين سنه ماقدروا يحلونها مثل مشاكل التعليم والصحة واول ماتنجح ماتقول عن اي مشكلة .
6- تطالب بزيادة الرواتب واسقاط القروض وتطالب بزيادة القرض الأسكاني .
7- تتكلم عن البطالة ولازم تنحل مشكلة البطالة واين اقتراحاتك لهذه المشكلة .
8- تتكلم عن الواسطة والمحسوبية الموجودة واكثر واحد يشتغل بالواسطة اهو انت .
9- تقسم انك ماتشتري اصوات لأن اخوك الي يشتري مو انت .
10 - تطول لحيتك وتطالب بالعدالة وانت ماتعرف عن العدالة اي شي .
11- تتحدث عن المناصب الموجودة وان ماياخذها الا بعض الاشخاص المحسوبين على ناس معينة وانت كل عيال عمك مناصب عشان تخفي العين عليك .
12 - تطالب بأزالة العزاب وتطوير الكويت وانت اكبر تاجر اقامات .
13- تدفع عشرين الف دينار حق اي قناة عشان يسوولك لقاء .
14- تدفع عشرين الف عشان يسوولك لقاء بأول صفحة بالجريدة .
15 - الشخص الي ماتعرفة اتقوله ان يد ابوك اهو خالي وانت تقرب لنا .
16 - اذا تبي تضمن النجاح اتقول ان في ناس مايحبون لك الخير وانهم يبي يطيحونك عشان تضمن الاصوات .
17 - اذا مالك خلق اتسوي معاملة شتقول ؟ اتقول انك معارض ومتوقفه معاملاتك الحكومة .
18 - لازم اتصارخ وكل ماتزيد صراخك زاد عدد اصواتك ومؤيدين لك .
19- اتحط عشرة من ربعك يصارخون بعد ماتخلص القاءك للندوة ويقولون لك والله ماانخليك .
20- اتقط عقالك وتقول تكفووون لاتخلون ويفضل ان تدمع عيونك .