.
..
ماشاالله ..
تبارك الله أدرّس هالسنه ثلاث بنات توائم ..
مع إنهم مايتشابهون إلاّ إني أواجه صعوبة معاهم ..
كل شوي وحده منهم تقول : ابله بروح الباثروم "عزكم الله " ..
اقولها : مو توّج طالعه ؟؟
: لأ ابله والله ماطلعت هذي اختي ..
النتيجه اللي اكتشفتها ..
إن وحده اطلعها مرتين ..
والثانيه أو الثالثة ولامره
..
الست أم ست سنين ..
هالسنة لاحظت على التلميذات الجرأة ..
أسلوبهم جريئ جداَ فوق مستوى أعمارهم ..
يعني بـ عز الاندماج والتصحيح بالقلم الأحمر والتركيز ..
تسألني الست أم ست سنين : أبله من وين صبغ اظافرج ؟
بصراحة ماعرفت شلون أرد عليها ..
أو شنو تتوقع مني أقول لها ؟
اسم الماركه ؟ولا اسم الصالون اللي أروح له ؟
ووحدة ثانيه تقول :عطوراتج حلوة ..
قلت : شكراً ..
تستطرد : أبله أنا كل يوم اشم ريحتج ..
..
أبي أطبخ ..
محاولة مني لتشجيع إحداهن ..
: يلا حاولي تكتبين عشان إذا كبرتي تدخلين الجامعة ..
عطتني إياها البنت من الآخر كاش ..
: أبله أنا أبي أطبخ
..
000,000 ..
كنت من النوع اللي يحب تنظيم الدخل الشهري وتقسيمه ..
لكن من سنة تقريباً بديت أفقد السيطره على نفسي ..
يعني أطيّر كل اللي بالرصيد ..
واستنزف مصادر الدخل الأخرى ..
لازم أتغير ..
شلون مادري ..
http://www.youtube.com/watch?v=qSc4M6xNMu8
.