على قولة الإعلان : ما في دنااااااوووووووووووووو
ياربي الخدامة بتسافر ورمضان جاي! وين انروح شنعبّر بعمرنا ؟ نقدم اجازة خاصة ؟ مايصير التربية ما يعطون بسهولة .... انزين اجازة برمضان خلاص ما أقروها....يمكن أقولهم على سالفتنا أكسر خاطرهم ؟ أقولهم ظروفنا الصعبة اللي الخدامة راح اتكمل عليها واتخلي هالصيف غيييييييير ! :باكي:
أبي أفهم على كثر الدول الآسيوية ودول الخليج اللي تستقدمهم ، والبيوت اللي انبنت عندهم من رواتبهم وللحين ما نقدر انقدم على الخدم وقت الذرة ( يعني ارمضان ) يمكن الخدم كلهم يتفقون يسافرون قبل رمضان فيصير ذروة وترتفع الأسعار ؟ حبكة سياسية أكيييييد <<<< تأثير الشبكة الوطنية
يعني الأندونيسية 495د .... خليها 500 علشاني ؟ انزين أرخص شي الأثيوبية... أصير أفريقية وأسويها ويمكن يصير عندنا إجرام بالبيت ويكتبون علينا في الجرايد
ليتنا مثل الغرب ما نحتاج خدم ، الأسرة صغيرة، نعيش في شقة ، الغداء بالدوام ، والعشاء بطاط ونقانق وسوتيه
جان ما احتجنا خدم والله....ولو الرجل يساعد ويغسل جم صحن ويطلع ملابسه من الكبت بس مو مهم يغسلهم.... ويحط الوصخين بالسلة وما يقط ادلاغاته ( شرّاباته )بالصالة و.......... يبيله حديث ابروحه هذا ! أبيه اطلعت المشكلة من الرجل الشرقي !المهم لو نستغني عن الهريس والجريش والتشريب والقيمات.... راح يمر رمضان على خير بدون أي خسائر في الأرواح
أحد عنده خدامة ؟ :باكي: