ما نأجرشي للكوايتة...

[مرمرالكويت]

مرحبا اعزائي


هناك موضوع تم نقاشه مع صديقتي وهذي مشكلتها وحبيت انكم تشاركوني بهالمشكلة شقاعد

يصير بالكويت

تخيل ياكويتي تبي تسكن تروح للحارس باي عماره باي منطقه شيكون الرد باللهجه المصريه (ماناجرشي

للكويته)(صاحب العماره محرق علي مااجرشي للكويته000)(جنسيتكو ايه كويته لا ماعندناش

شقق للكويته0)0

طبعا تقولي انها تبي تسكن مولاقيه مكان بديرتهاا والشقق الرخيصه والنظيفه لربع الحارس

ومعارفه 00هذا غير غلاء الشقق اللي غرفتين صارت 400د0ك ليش شصاير والشقه صارت متر

متر ماتمغط فيها 00000وغاليه بعد

الكويتي منبوذ بديرته الشقق محرمه واماكن السكن محظوره 00وياويلتي لي صارت مطلقه

وعندها كوكش يهال تبي الستر الرد يكون 000لاا للمطلقه اسمحيلنا والله مانسكن مطلقه

ليش كافره ولامجرمه 000000شنو جريمتها صارت مشكلتين انها مطلقه وانها كويتية,البنت

وهي صديقه عزيزه علي00تقول ياليتني مو كويتيه جذي جنسيتي وبديرتي اتشتت؛؛؛

هل يعقل هاللي يصير ياجماعة الخير 00بعد جم سنه الكويتين يدخلون الكويت بكرت زياره00

هذا توقعي

هالمشكله صج ابكت عيون امامي وابكتني


تحيــــــــــــــــــاتي يالكويتين

 

[whahd1]

اعتقد انه صاحب العماره يخاف من الكويتيين لانه اذا ما دفعوا الاجار ما يدفعون بعين قوية اما الوافد اذا ما دفع طردته سهله وارتفاع الاجارات اعتقد انه في مناطق معينه

 

[وسطي ديمقراطي]

شوفي هالاشكال ما ينفع معاهم الا العين الحمرا ..

يعني لو يطيح بيدي مثلا ،، الرد سهل

خل تقط عليه جم كلمه تبرد جبدها .. وتهدده بتقديم شكوى وانه اللي يسويه يخالف الدستور

صدقيني بيخاف وبيسحب كلمته ..

اتمنى عدم السكوت على هذه الكائنات التي بدأت تغزو البلد ..

تمنيته يطيح بيدي

وشكرا .

 

[ستانفورد بينيه]

هذا المصري مأمور من صاحب العماره الكويتي وصاحب العماره مقروص من المؤجر الكويتي و السبب بعض الكويتيين الله يهداهم يسكن ببلاش على ظهر الملاك كل 3 شهور بعماره واصحاب العمارات ومناديبهم ماعندهم مهنه غير متابعة قضية الكويتي المتخلف عن الايجار و بعدها تبونه يثق في المستأجر الكويتي ؟!

نعم مايفعله مخالف للدستور و لكن الرجل لديه العذر فأسوء مؤجر في الكويت هو المواطن الكويتي للأسف !!

 

[مرمرالكويت]

هذا المصري مأمور من صاحب العماره الكويتي وصاحب العماره مقروص من المؤجر الكويتي و السبب بعض الكويتيين الله يهداهم يسكن ببلاش على ظهر الملاك كل 3 شهور بعماره واصحاب العمارات ومناديبهم ماعندهم مهنه غير متابعة قضية الكويتي المتخلف عن الايجار و بعدها تبونه يثق في المستأجر الكويتي ؟!

نعم مايفعله مخالف للدستور و لكن الرجل لديه العذر فأسوء مؤجر في الكويت هو المواطن الكويتي للأسف !!

مشرفنا العزيز بس هذا مايعني الكويتي يكون نكره بديرته 00واصابعك مو سوا 00بقولك شئ يالغالي السكن انعدم بالكويت الكويت انترست000 اهل الديره مو لاقين سكن من هالوافدين اللي يدش والقبيله يطلبهم مايبقي واحد مايدخله بحجة اهو يشتغل ولا خصوصا لي صار بمكان قوي000مشرفنا هل معناتها المحاكم انترست الكويتي يصير منبوذ00ولانتحمل اخطاء غيرنا 00ولا المطلقه الكويتيه تتشرد بحجة انها مطلقه والاقوي كويـــــــــــــــــــــــــــــتية00الحل يتغير بشئ يحفظ حقوق الملاك عشان مانسمع مااناججرشي للكويته000يعجبك لما بنت كويتيه ويشرفها لقبها انها بنت الكويت وفخر وعز انها من هالارض الطيبه تقولها بحره ليش لاني كويتيه ياليتني مو كويتيه 00ياملاك تري الدنيا بخير واحنا اهل الطيب اللي خيرنا وصل للبعيد قبل القريب 000اذا الكويتي يوصي محد ياجر لعيال ديرته الحارس بينه وبين نفسه شيقول وهذي صوره ننقلها للناس واحنا ماندري00

تحياتي

 

[مرمرالكويت]

اعتقد انه صاحب العماره يخاف من الكويتيين لانه اذا ما دفعوا الاجار ما يدفعون بعين قوية اما الوافد اذا ما دفع طردته سهله وارتفاع الاجارات اعتقد انه في مناطق معينه

عزيزي الاجارت غرفتين مثل القرقور بــــــــ350د0ك الحين هذي ارخص شقه الا اذا تبي غرفه وحده هذا شئ ثاني00

تحياتي عزيزي

 

[مرمرالكويت]

شوفي هالاشكال ما ينفع معاهم الا العين الحمرا ..

يعني لو يطيح بيدي مثلا ،، الرد سهل

خل تقط عليه جم كلمه تبرد جبدها .. وتهدده بتقديم شكوى وانه اللي يسويه يخالف الدستور

صدقيني بيخاف وبيسحب كلمته ..

اتمنى عدم السكوت على هذه الكائنات التي بدأت تغزو البلد ..

تمنيته يطيح بيدي

وشكرا .

اي والله مادري شقاعد يصير شئ يضيق الخلق شاكره مرورك عزيزي

 

[وسم*]

اعتقد ان صاحب العمارة صارت له مشكلة مع بعض الكويتيين في عدم الدفع فاصدر هالقرار

لكن حرام مثل مافيه الشين فيه الزين

يعني هالنظرية مايطبقها على الكل

في ناس يلتزمون بالدفع

والمفروض كونها مرأة المفروض يساعدها

واذا مادفعت يتخذ معها اللازم لكن يحكم عليها

لمجرد انها كويتية والله حرام

 

[الاصبع السادس]

اتفق معاج مرمر


مزاجية اصحاب العقار واتجاهم نحو الربح المشروع والغير دفعت بعضهم لكسر القوانين


واختلف مع ستانفورد
هل هي دعوه لكسر القانون !!!!!
الاجدر احترامه

 

[أبوفواز]

مطلقه تبي تسكن بشقه والحارس يقول صاحب العماره مو راضي شنو المشكله؟

 

[أبوفواز]

لو كانوا عائله كويتيه اعتقد راح يقول الحارس انستونا وشرفتونا اتفضلووم دا العماره نورت

 

[مرمرالكويت]

اتفق معاج مرمر


مزاجية اصحاب العقار واتجاهم نحو الربح المشروع والغير دفعت بعضهم لكسر القوانين


واختلف مع ستانفورد
هل هي دعوه لكسر القانون !!!!!
الاجدر احترامه

هلا بصديقي شاكره لك مرورك عزيزي واحترام الدستور واجب 000تحياتي

 

[مرمرالكويت]

اعتقد ان صاحب العمارة صارت له مشكلة مع بعض الكويتيين في عدم الدفع فاصدر هالقرار

لكن حرام مثل مافيه الشين فيه الزين

يعني هالنظرية مايطبقها على الكل

في ناس يلتزمون بالدفع

والمفروض كونها مرأة المفروض يساعدها

واذا مادفعت يتخذ معها اللازم لكن يحكم عليها

لمجرد انها كويتية والله حرام

هلا باختي وسم يقولج الشين يعم والزين يخص000حسيت انها متغربه عند دولة عدوه وبمجرد سماع جنسيتها كويتيه تسمعين الرفض القاطع 000هذا بديرتها جذي 00الله يستر برااا

 

[خــالد]

من سنه تقريبا كنت ادور شقه..... توجهت للسالميه....... وتقريبا عشر عمارات كان الرد واحد..... ممنوع سكن الكويتيين ..... قلت لهم انا مواليد السالميه مالي حق أسكن فيها...... حز بنفسي والله..... ودعيت الله سبحانه على كل من عرقل المشاريع الاسكانيه في البلد وخلا المواطن الكويتي غريب في ديرته ووطنه....... حسبي الله ونعم الوكيل.

 

[BEHBEHANi]

لحظه من فضلكم..

من قال لكم ان هذا يتعارض مع دستورنا و قوانينا؟

يا جماعه "العقد شريعه المتعاقدين"..

وعندما يتم تاجير احدى هذه الشقق..فذلك لا يكون الا من خلال عقد يوقع بين الطرفين "المالك و المؤجر"..

والنقطه التي تغيب عن اذهنكم حتى الان..ان توقيع العقد لا يكون الا من خلال رضا الطرفين..

اي ان المالك من حقه ان يؤجر لمن يريد..وان لا يؤجر لمن لا يريد..

فلا اعلم اي تعارض ذلك مع الدستور او القوانين؟!

وخاصه ان المالك لا يلام في رفضه التاجير للكويتيين..(وخاصه عندما يكون له تجارب سابقه معهم..فلا يلدغ المؤمن من حجر مرتين!!)

ماني ملزوم اأجر لشخص..يطلع روحي لكي يدفع الاجار..وحنه و رنه ولويه..و فلان يدق يتوسطله..وفلان يطلبله مهله..وازعاح و لويه للجيران..وعياله ما يضل احد من ابناء الجيران مو متحرشين فيه..والي كاتب ذكرى على الطوفه..والي..والي..والخ

وما ان تستلم منه الشقه..حتى تكتشف انها تحولت "لاسطبل" من الخرابات و الفوضه و الشخبطه و التكسير !!!

اما عندما تقوم بالتاجير للاجانب..وخاصه الامريكان والانجليز و جماعتهم..فالمساله مختلفه تماما..

تجد منهم تعامل راقي و محترم..الدفع في وقته..ولا يتاخر يوم واحد..
وكثير منهم الشركات التي يعملون بها..هي من تدفع الاجار عنهم..وهذا يطمئنك و يريحك..بالاضافه الى انه يمنحهم قدره على دفع الاجارات حتى وان كانت مرتفعه.."مثلا اجنبي معاشه لنقل 1500..ساكن فمنزل اجاره 3500..)

وايضا محترمين لا علاقة لهم باحد..لا مشاكل ولا عوار راس..

وعندما يسلمونك الشقه او البيت..تشعر وكانهم لم يسكنوا بها..!!

وبعد كل هذا تستغربون ان يضل بعض مالكي العقار هذه الشروط؟..

"لا والله ما ينلامون!!"

وعموما المساله لم تصل لدرجة ان الكويتي لا يجد سكن في بلده..فلا داعي لتهويل الامور..
فالشقق موجوده..اما الاجار فنعم مرتفع..وذلك له عوامل اخرى..لسنا بصدد ذكرها الآن..

و تحياتي للجميع..

 

[خــالد]

أخوي بهبهاني .... المسأله اخلاقية وأصبحت عرف تجاري بحت ..... وغالبية الكويتيين أهل أخلاق وأصول وسنع في نفس الوقت.... وماشفنا كويتيين مثل ماتفضلت يحولون بيوتهم لاسطبلات بعد خروجهم منها... واذا صادف واحد أو اثنين فما نعمم السالفه على غالبية الكويتيين..... بالعكس شفنا وعايشنا عن قرب كيف بعض الاجانب يحولون شققهم الى قواطع والشقه يسكنها العشرات وضغط على الماي والكهربا... وماراح اتكلم عن النظافه العامه...!!
.
.
خل اقول لك من الآخر...... وخذها مني لأني سمعتها من كثير من أصحاب العقار..... .
الكويتي ولد الديره ماتقدر ترفع عليه الاجار بدون سبب وما تقدر تطلعه لو اشتهيت او تسكن معاه عزاب.... لأنه بكل بساطه ماراح يسكت ... لأن عنده كرامه ويعرف حقوقه......... .
.
لكن الأجنبي يبي يعيش..... فراح يسكت وينطم...... أو يشيل قشه بسكات ........ واهني مالك العقار راح يرتاح وياخذ التقرير من الحارس بأن كل شئ تمام يافندم....... وخل أقول لك شئ يمكن ماسمعته..... بعض أصحاب العقار مو كلهم له شقق خاصة حق ونسته........ فالكويتي مشكله.... ديرتنا صغيره وباجر ينتشر خبره...... فخلك على الاجنبي ... ماله السان ومايتردد على الدواويين........!
.
.

 

[BEHBEHANi]

اخوي خالد..

أخوي بهبهاني .... المسأله اخلاقية وأصبحت عرف تجاري بحت ..... وغالبية الكويتيين أهل أخلاق وأصول وسنع في نفس الوقت.... وماشفنا كويتيين مثل ماتفضلت يحولون بيوتهم لاسطبلات بعد خروجهم منها... واذا صادف واحد أو اثنين فما نعمم السالفه على غالبية الكويتيين..... بالعكس شفنا وعايشنا عن قرب كيف بعض الاجانب يحولون شققهم الى قواطع والشقه يسكنها العشرات وضغط على الماي والكهربا... وماراح اتكلم عن النظافه العامه...!!

انا بالتاكيد لا اعمم على كل الكويتيين..هذا امر مستحيل ان يبدر مني..او ان افكر به حتى..

لكن ايضا لننظر للمساله بحياديه..بعيدا عن تعاطفنا مع الكويتيين..ك "كويتيين"..

لكنها يا اخي العزيز..ليست حالات فرديه..حاله او اثنتان !!..
بل هناك حالات كثيره و متعدده..عندما تدخل الشقه بعد ان يخلوها..تكتشف انها تحولت لشيئ آخر..!! (شوف عيني اخي الكريم).."تكرمون الحمامات مكسره..شخابيط على الطوف (الي كاتب ذكره..والي طاق 600 مسمار بالطوفه..وغيره و غيره)

لكن مع هذا..انا لا اقول ان هذا هو السبب الرئيسي وراء رفض بعض اصحاب العقار..للتاجير للكويتيين..

فقد ذكرت ان السبب الرئيسي في ذلك..هو التاخر و المماطله بدفع الايجار..وهي ايضا ليست حالات فرديه..بل باتت تشكل ظاهره يعاني منها معظم اصحاب العقار..

اما ما ذكر فهي عوامل مساعده ايضا..لا تشجع مالكي العقار على التاجير لهم..

بعكس الاجانب..وهو من واقع تجربه شخصيه معهم..

لكن هذا لا يمنعني من ان اتفق معك
ونعم اهل الكويت طول عمرهم راقين و اهل سنع..

لكن هناك بعض المواطنين..(وهم ليسوا بقله)..اساؤوا لصورة الكويتيين فيما يخص تاجير الشقق..
فكما نقول.."الخير يخص..والشر يعم"..

وبالتالي عندما ياتي مواطن كويتي للتاجير "وتكون قد انقرصت مسبقا من كويتي آخر..عندها لن تتشجع بالتاجير له..لانك سترفض المجازفه بذلك..خاصه مع وجود البديل (الاجنبي)"

الكويتي ولد الديره ماتقدر ترفع عليه الاجار بدون سبب وما تقدر تطلعه لو اشتهيت او تسكن معاه عزاب.... لأنه بكل بساطه ماراح يسكت ... لأن عنده كرامه ويعرف حقوقه.........

عزيزي معلومه بسيطه..العقار لا تستطيع رفعه..لا على الكويتي ولا على الاجنبي..الا بعد مرور خمس سنوات..حسب القانون
واذا ماتم ذلك..فيستطيع الاجنبي ان يشتكي.."وياخذ حقه وزياده" (وحدثت في اكثر من مرره)..

يعني من الاخر..مالك العقار لا يستطيع رفع الايجار لا على الكويتي ولا على الاجنبي..
المساله ليست "فوضى" كما يتخيلها البعض !!..

اما مساله تسكين العزاب رغما عن انف المستاجر..فهذه لا تحدث في العمارات او المنازل التي يقصدها الكويتييون و الاجانب للسكن..ولا تحدث الا في مناطق معينه..لا يفكر الكويتييون بالسكن فيها "وما يدلونها اصلا"..وهي ليست المقصوده في هذا الموضوع..

فالامر مختلف هناك..

اما بالنسبه لنقطتك هذه "

بعض أصحاب العقار مو كلهم له شقق خاصة حق ونسته...

فصراحه لا علم لدي بهذه النقطه..ولا استطيع ان افتي بها "لكنها بالتاكيد لا تشكل ظاهره..او سبب رئيسي وراء رفض البعض التاجير للكويتيين"..

وتحياتي لك..

 

[بو مشيري]

راعي العمارة راعي حلال ... واولى ما عليه حلاله

يسكن ببلاش على ظهر الملاك كل 3 شهور بعماره واصحاب العمارات ومناديبهم ماعندهم مهنه غير متابعة قضية الكويتي المتخلف عن الايجار و بعدها تبونه يثق في المستأجر الكويتي

وانا صغير كان عندي صديق يسكن بـ 3 4 عمارات بالفريج الواحد !! ، كل شهرين ثلاث منتقل ، مرة سألته ليش قالي ابوي مو عاجبه الوضع ! سالت الوالد ولا يقولي الظاهر يتنحش من الاجارات ... وبالفعل هذا الي كان يسويه !! اشياء غريبة ، لكنها تحصل يا جماعة !!

 

[خــالد]

أخوي بهبهاني..... مبدأ الخير يخص والشر يعم مبدأ عسكري ومانستطيع نسقطه على الحياه المدنيه ..... قلت لي الطوفه مشخطين عليها وكاتبين ذكرى أو عشرين مسمار بالطوفه... أنا عرفت نوعية الناس الي تم تسكينهم ولقيت من وراهم الأسى .... لكن ليتنا ما نطبق هالقانون العسكري ونشمل باقي أهل الكويت.... اليوم الكويتيين فيهم المهندس والمثقف وولد الحموله وولد الناس الآدمي الي تهمه سمعته وراحة باله.... هذا المفهوم الي صار عندك وعند غيرك استشرى عند باقي أصحاب العقار وصار عرف متداول.......... نتيجته ظلم لكثير من عيال الديره......... إي نعم حلالك والله يهنيك فيه ويبارك لك فيك ماقلنا شي...... لكن لاتنسى أن أنت وغيرك من أصحاب العقار تلعبون دور كبير في المجتمع الكويتي.... لو انت وغيرك رفعتو هالشعار فالمتضرر الرئيسي ابن البلد...... وتراها والله صعبه تكون مهندس او دكتور واكويتي ويتم رفض طلبك لتأجير شقه.....؟!... وأبشرك أخوي.... الوضع تعدى الشقق ووصل حتى للبيوت والأدوار..... والشاهد أن الإعلانات اليوم باللغه الانجليزية والناس تراها فاهمه والله.... يعني ماله داعي ترفع السماعه وتتصل.
.
بالنسبة للقانون فوالله تراه سهل عند البعض..... والعقد تتم كتابته في نفس المكان وتقدر بجرة قلم تلغي العقد القديم وتكتب جديد..... ماراح اتكلم عن مستأجر أمريكي وراه سفاره وعوار راس... لكن اتكلم عن بعض الجاليات من دول معينه... يكفي تهديد ووعيد وطلب زيادة اجار او حتى شئ من المضايقات حتى تلاقيه شايل قشه وطال أو موقع عقدجديد بأجره جديده.... ووالله هالشي صار.
والحمد لله القانون يعطي فرصه مثل ما انت عارف للمستأجر الى 27 الشهر على ما أظن واذا ما دفع وماعنده وصل يحق للمالك رفع دعوى وراح يكسبها بالاخلاء من او جلسه .
.
أخوي .... لو أن الموضوع عرف عند تاجر العقار الفلاني أو العلاني والله ما تكلمت..... لكن مثل ماقلت في البدايه صار عرف عند الغالبية.... ومبدأ.... البعض يعلنه .... والبعض الآخر يكتفي برد دبلوماسي..... والله يعين شبابنا وبناتنا المقبلين على تكوين الأسرة والأستقرار .......... .
.