عيال مخافر

ا

المهم^الكويت

عضو بلاتيني
نشره وزعتها وزاره ((التربيه)) للمدارس...لتسليم الطلبه للمخفر بعد ساعه من نهايه الدوام في حاله تأخر اهله عن استلامه؟؟؟؟
[url]http://www.alwatan.com.kw/ArticleView/tabid/204/Default.aspx?article_id=447344[/URL]

اذا صارت ظروف وتأخرت عن ولدك عليك مراجعه المخفر لاستلام ابنك؟؟ هل يعقل ان يتم تسليم اطفال الى المخفر..هل هذا القرار بسبب قضيه الاغتصاب..وهل هذا هو الحل؟؟

روحت اليهال للمخافر لها اثار سلبيه على نفسياتهم..اما انهم بيخافون والا انهم بيتعودون عالمخافر..والي بيتأخر عن عياله اكيد بيكون لظروف خارجه عن ارادته..

مو من الاولى ان تصرف بدلات للوكيل او الاخصائي او حتى مدرس عشان يقعد ساعه او ساعتين بعد الدوام..؟

وزير يوزع جريش وزيره تودي عيالنه المخافر..الله يستر من الياي
 
M

Ms Rose

عضو مخضرم
ماصدق مو معقوله

حطوا دوريه عند كل مدرسه وانتهت المشكله

صج تخبط!!!!!!!!!!



تحياتيييييييييييييي
 
م

محبوووب

عضو فعال
تخبط في تخبط ..

لا أعتقد إن في أي دوله في العالم ... سواء دوله متقدمه أو متخلفه ... سوت هالشي !!

يا جماعه ما يبيلها ذكاء .. شوفوا الدول المتقدمه مثل أمريكا واليابان شلون حالين هالمشكله ... وقلدوهم ... ترى والله مو عيب التقليد بالأمور المفيده !!
 
H

highdose

عضو فعال
هذي الحلول يسمونها ابطية يعني يطلعونها من تحت اباطهم (الحقوق للنائب السابق يعقوب حياتي)
عندهم مشكله .. واحد فيهم يروح يشيش و هو ينفخ دخان يطلعله بفكره جهنمية.
في مستشفى يشتكون من السيارات اللي توقف عند مواقف الاسعاف .. شالحل؟؟؟ قام مسؤول ابطاوي (من الي يطلعون حلول ابطية) و سكر الشارع الي يودي للطواريء قال عشان محد يروح ويوقف مكان الاسعاف ... انزين و الناس اللي بتروح الطواريء ؟؟؟؟
صاحبنا ما حسبها صح ...
على فكره هالموضوع حصل في احد مستشفيات الكويت .

على الرغم من عيوب الفكرة و كل المشاكل و كل اللانسانية اللي فيه و اللاتربوية اللي فيه

سؤال يا وزيرة يا بنت الكويت يا بنت الحسب و النسب يا اللي عندج عيال و بنات و تخافين عليهم

لو تأخر ولي الأمر عن بنته لظرف من الظروف (حادث سيارة أو ازدحام أو اي سبب)
تبين المدرسة يودون البنت المخفر و يروح ابوها يستلمها ؟؟؟

حسبنا الله عليج و نعم الوكيل في هالشهر الفضيل
و الله اني دعيت عليها في يوم تروح تستلم بنتها و لا بنت ولدها من المخفر ... مو عن شي بس يمكن يكون ابوها متأخر عليها و ما أخذها من المدرسه.

يا جماعه وين بتودونا ؟؟؟؟
دقي يا ساعه دقي
 
ك

كـويتي صريح

عضو ذهبي
قــــرار بــ نكهة نوريه​


يالله من أيام ماكانت وكيلة وزارة لـ اليوم​

تتحفنا بــ قرارات أقل ما يقال عنها " تـــخــبــطـــيه "​



عيل ولي الأأمر يستلم ولده او بنته من الــمـخفر ....!​








واذكر على أيـــامها وكيلة وزاره اصدرت قرار أن الـمدارس ما يعطون الطبيه
ولا أي شي من المدرسه إلا لــ الأب
يعني ولي أمر الطالب هو الأب ،،، لو وحده مطلقه تبي تاخذ طبيه لـ ولدها
يقولون لها دوري على مطلقج وخليه يي يتابع ولده !

شنو الأم مو ولية أمر !




حــســافه عليج يا أهم وزاره بالدوله ،، وزارة التربيه :(

​
 
ت

تشي جيفارا

عضو فعال
جورج واشنطن قال:
ارفعوا دعوى قضائية ضدها , كل شيء بالقانون يمشي ..
أنقر للتوسيع...

انت من صجك؟؟
يبا احنا هني ننباق من شركات الاتصالات والبنوك ومانقدر نحط عينا بعينهم تبينا نشتكي على وزيره ابتسم فانت بالكويت ماتعلمته وعاشرته في بلاد الغرب يا اخ جورج واشنطن لايمكن تطبيقه في بلادنا مع الاسف :(
 
ي

يوزر انتحاري

عضو بلاتيني
ربنا لا تؤاخذنا بما فعل السفهاء منا
وبعدين مع هل*ظلامية* وتخبطها كل شوي طالعتلنا بعلة جديدة آخرتها طلبتنا نستلمهم من المخافر
 
ا

الحقاني

عضو جديد
مسؤولية المدرسة هي مسؤولية قانونية ((مسؤولية متولي الرعاية))....وهي مسؤولية قانونية معروفة بالقانون...ووجود الطفل بحيازة المدرسة يحل محل الوالدين ويجوز للمخفر ان يرفض استلام الطفل..لان استلام الطفل تترتب عليه مسؤوليات عدة لا يجوز تحميلها للمخفر
 
ا

الأم الكويتية

عضو ذهبي
الله يرحم ايام (الفراشات) ليش شالوهم و حطولنا هالعمالة الاسيوية ما ادري !!

كانو (الفراشات) حريصات على الطالبات اتذكر ابوي مرة تاخر على و انا بالابتدائي بسبب حادث و جاء عمي لياخذني من المدرسة و رفضت الفراشة المناوبة تسليمي له الا بعد التاكد من هويته و ان يكلمها والدي بالتلفون. و الله انا اشوف ان الفراشة هذه كانت احرص على الطالبات من وزيرة التربية الحالية.

كـويتي صريح قال:
واذكر على أيـــامها وكيلة وزاره اصدرت قرار أن الـمدارس ما يعطون الطبيه
​
ولا أي شي من المدرسه إلا لــ الأب
يعني ولي أمر الطالب هو الأب ،،، لو وحده مطلقه تبي تاخذ طبيه لـ ولدها
يقولون لها دوري على مطلقج وخليه يي يتابع ولده !

شنو الأم مو ولية أمر !


حــســافه عليج يا أهم وزاره بالدوله ،، وزارة التربيه :(

​
أنقر للتوسيع...


لا يبا الام بديرتنا ما هي ولية امر هي مجرد والدة و مربية تحمل و تولد و تربي و تضحي و لا لها الحق في اي شيء

اذا ابسط حقوقها المعيشية كالسكن الام المطلقة محرومة منها و تقط ثلاث ارباع راتبها على الايجار و حكومتنا تقول لها موتي ابرك لج!!

شنو تتوقع من وزارة التربية في هذه الحكومة ؟؟!! تتوقع تسهل الحياة على الام المطلقة ؟

الحكومة الي ما تراعي مستضعفينها من النساء والاطفال حكومة بلا رحمة و ظالمة

حسبنا الله و نعم الوكيل
 
ا

ابو_العبادلة

عضو فعال
بصرحه انا عن نفسي اشوف لو يردون النظام القديم احسن لنا

بالاول كان اكثر حراس المدارس وهم الكويتين المتقاعدين والله احسن

مليون مرة من المصرين وأفيد حق المساكين المتقاعدين .
 
يجب تسجيل الدخول أو التسجيل كي تتمكن من الرد هنا.
أعلى