يارب حقق لي رغبتي وخل يصير المليفي وزير البلديه علشان أحرض النواب يستجوبونه وأولهم مسلم البراك وساعتها بضحك ضحك سنه بساعه...يعني شكل المليفي راح يكون انتيكه على المنصه لعدة أسباب ..أولها ان المليفي اذا لبس بشت على طول راح يكون مثل علي المفيدي في عتاوية الفريج..واذا وقف على المنصه راح يتبلعم من هجوم مسلم البراك وسيده راح اتذكر حسين بن عاقول واهو يترافع بمحكمة درب الزلق...يا زين القدر ان صدق معاي وصار المليفي وزير للبلدية ساعتها راح يواجه مشاكل كثيره ومصاعب كبيره عليه..صج ان اهو محامي ويقدر يستغل الثغرات والمثالب القانونيه بس جدام مسلم البراك راح يكون في خبر كان..الحلو في الموضوع ان لو المليفي صار وزير ماليه هم ما راح يفتك من مسلم البراك على اعتبار ان بو حمود متخصص في المليفي حتى لو يحطونه وزير مفوض بالخارجيه..يمكن البعض يتساءل ويقول شفيك يا بوشيخه على المليفي..وجوابي راح يكون ان أحمد العبدالمحسن التركي المليفي بو متيح يدور الطلايب عنده اقتراحات مالها معنى مثل اقتراح جسر الدائري الأول الاخ يبي يكون النفق قبل الجسر مو بعده!!وعنده اسئله برلمانيه غاية في الفكاهه مثل جم سعر سيارة رئيس مجلس الوزراء وجم سعر الأكسسوارت بمكتب وزير الاعلام!!وعنده تصريحات تخلي الميت يقوم من الموت يضحك ويرد يموت من الضحك ...مثل تصريحه عن سفرات رئيس مجلس الوزراء وتهديده لوزير الداخليه اللي قال فيه هناك ستة أسماء يجب شطبها..وفي سوالف وايده ما اقدر اكتبها أخاف يزعل المليفي مني ..ومشكلة بوأنس الكبيره انه نام وتلحف بلحاف أطول من ريول كريم جبار ولبس ثوب يخب على شاكيل اونيل وغير غترته ونظارته وسيارته وعقله تم مثل ما اهو ما تغير موليه..الفال لك يابو أنس تصير وزير ويستجوبك مسلم البراك ونستمتع بمشاهدة الاستجواب بالقهوه اللي يم المطعم اللي عنده حديقه ومواقف وعماره خضره..وبالمره انصح الشمالي يستقيل من الوزارة ويرشح نفسه بجمعية مشرف ترى المليفي عنده درايه بهالأمور.
استجواب المليفي متى
- بادئ الموضوع بوشيخه
- تاريخ البدء
يارب حقق لي رغبتي وخل يصير المليفي وزير البلديه علشان أحرض النواب يستجوبونه وأولهم مسلم البراك وساعتها بضحك ضحك سنه بساعه...يعني شكل المليفي راح يكون انتيكه على المنصه لعدة أسباب ..أولها ان المليفي اذا لبس بشت على طول راح يكون مثل علي المفيدي في عتاوية الفريج..واذا وقف على المنصه راح يتبلعم من هجوم مسلم البراك وسيده راح اتذكر حسين بن عاقول واهو يترافع بمحكمة درب الزلق...يا زين القدر ان صدق معاي وصار المليفي وزير للبلدية ساعتها راح يواجه مشاكل كثيره ومصاعب كبيره عليه..صج ان اهو محامي ويقدر يستغل الثغرات والمثالب القانونيه بس جدام مسلم البراك راح يكون في خبر كان..الحلو في الموضوع ان لو المليفي صار وزير ماليه هم ما راح يفتك من مسلم البراك على اعتبار ان بو حمود متخصص في المليفي حتى لو يحطونه وزير مفوض بالخارجيه..يمكن البعض يتساءل ويقول شفيك يا بوشيخه على المليفي..وجوابي راح يكون ان أحمد العبدالمحسن التركي المليفي بو متيح يدور الطلايب عنده اقتراحات مالها معنى مثل اقتراح جسر الدائري الأول الاخ يبي يكون النفق قبل الجسر مو بعده!!وعنده اسئله برلمانيه غاية في الفكاهه مثل جم سعر سيارة رئيس مجلس الوزراء وجم سعر الأكسسوارت بمكتب وزير الاعلام!!وعنده تصريحات تخلي الميت يقوم من الموت يضحك ويرد يموت من الضحك ...مثل تصريحه عن سفرات رئيس مجلس الوزراء وتهديده لوزير الداخليه اللي قال فيه هناك ستة أسماء يجب شطبها..وفي سوالف وايده ما اقدر اكتبها أخاف يزعل المليفي مني ..ومشكلة بوأنس الكبيره انه نام وتلحف بلحاف أطول من ريول كريم جبار ولبس ثوب يخب على شاكيل اونيل وغير غترته ونظارته وسيارته وعقله تم مثل ما اهو ما تغير موليه..الفال لك يابو أنس تصير وزير ويستجوبك مسلم البراك ونستمتع بمشاهدة الاستجواب بالقهوه اللي يم المطعم اللي عنده حديقه ومواقف وعماره خضره..وبالمره انصح الشمالي يستقيل من الوزارة ويرشح نفسه بجمعية مشرف ترى المليفي عنده درايه بهالأمور.
الحريه وطن
عضو بلاتيني
ليتك تصير مثل المليفي
يا ليت تكتب لنا هالسوالف..
لأن على السوالف اللي انت كتبتها في هذا الموضوع..
شكلنا احنا اللي راح نزعل منك اخي الكريم..
تحياتي لك,,,
