أف ... تعبت ... مليت ... زهقت ... كل البنات المتزوجات اللي أعرفهم يشتكون من الزواج و من مشاكل الزواج و الحمال و العيال و متطلبات الأسرة ... كل ما أشوف وحدة أو أكلمها تقعد تتشكى لي ... طيب و آنا شسوي لكم؟ محد قال لكم تزوجوا ... والله!!!
و بعدين إذا انتوا صج متحسفين على الزواج ليش ما تطلبون الطلاق؟؟؟ ليش مسوين محاكم و قانون أحوال شخصية؟؟؟ يالله وروني شطارتكم و روحوا طلبوا الطلاق في المحاكم ... مو بس شاطرين تجون تتبجبجون علي و تقطون دمعتين من دموع التماسيح قبالي ... تراني مو ناقصة هموم و مشاكل الله يرحم والديكم ... الله يخليكم فكوني تراكم ذبحتوني.
و اللي يبط جبدي ان كل هالبنات اللي يقولون انهم متحسفين على الزواج كل ابوهم يموتون على الزواج و يموتون على رجالهم و لو أي وحدة منهم تشوف رجلها يكلم اي بنت جان تشب و تموت من القهر و تتهاوش وياه. يعني بس عيارة.
عندي أمنية بس ما أعتقد انها بتتحقق ... الأمنية هي ان أشوف وحدة من معارفي أو صديقاتي تقول لي ان أحسن قرار اتخذته في حياتها هو قرار الزواج و انها مستانسة و سعيدة مع ريلها و انها تحبه و تحب أمه و ابوه و خواته و أهله كلهم و انه هو بعد يحبها و يموت عليها و ما يرد لها طلب.
__________________
و بعدين إذا انتوا صج متحسفين على الزواج ليش ما تطلبون الطلاق؟؟؟ ليش مسوين محاكم و قانون أحوال شخصية؟؟؟ يالله وروني شطارتكم و روحوا طلبوا الطلاق في المحاكم ... مو بس شاطرين تجون تتبجبجون علي و تقطون دمعتين من دموع التماسيح قبالي ... تراني مو ناقصة هموم و مشاكل الله يرحم والديكم ... الله يخليكم فكوني تراكم ذبحتوني.
و اللي يبط جبدي ان كل هالبنات اللي يقولون انهم متحسفين على الزواج كل ابوهم يموتون على الزواج و يموتون على رجالهم و لو أي وحدة منهم تشوف رجلها يكلم اي بنت جان تشب و تموت من القهر و تتهاوش وياه. يعني بس عيارة.
عندي أمنية بس ما أعتقد انها بتتحقق ... الأمنية هي ان أشوف وحدة من معارفي أو صديقاتي تقول لي ان أحسن قرار اتخذته في حياتها هو قرار الزواج و انها مستانسة و سعيدة مع ريلها و انها تحبه و تحب أمه و ابوه و خواته و أهله كلهم و انه هو بعد يحبها و يموت عليها و ما يرد لها طلب.
__________________
