عجبني كلام الإخت العزيزة بدرية ... وبالفعل هذا حال أغلب المتزوجات اللي أعرفهم ..!! بس آنا حطيت لهم عذر (أقبح من ذنب) وهو خوفهم من الحسد ... تخاف تقول زوجي زين يحسدونها ... وتخاف تسكت ... يقولون هذي ما عندها مشاكل و هم يحسدونها .. والمرأة بطبيعتها ماتعرف تسكت ... تلقونها تقعد تألف سوالف على ريلها وتبالغ بالتأليف ...
واللي يبطون جبدي اللي يحشون في الريال و موعاجبهم ... وكل سنه اييبون ياهل!!! أشكره جذابه ! بس ما أقول إلا "ما يحسد المال إلا أصحابه"...
والمشكلة الثانيه لما أشوف وحدة تحش بزوجها وتقول عنه جيكر وزنجي و شيفه ومتين ودمه ثقيل وحاكرها بالبيت وصاك عليها ... وما يرضى تاكل "برد" بره البيت ... ولا يرضى تروح الخباز ... ويخونها.. وبنهاية السالفه تقول "ليش لما الحين ما تزوجتي؟"!!! اللي يسمع كلامهم يكره الزواج والرياييل وطاريهم... الحمدلله والشكر ... عقدوووونّا من كثر ما يجذبون..!! وعلى قولت بدريه .. مو عاجبج حالج تطلقي ولا تشوهين أفكار غيرج ...