الكويتيين درجات حتى ... بالتلفونات

[q8usa1980]

هذا الموضوع يهم اكثر شي حاليا قاطنين منطقة عبدالله المبارك ... في البداية لازم اقول انه الكويت صراحه سباقه يعني ساعات ربعنا يطلعون فيها في انشاء البنيه التحتيه للدولة وهالشيئ على نطاق دول الخليج والدول العربيه يعني في موضوع اشاء شبكة الالياف الضوئية هذا صراحه يعتبر انجاز للكويت في الاوضاع الحالية .... ولكن... دايما في بالكويت سالفة ولكن .. ولكن الكويت حتى الان مشكلتها بالمسؤلين يعني بالنسبة حاليا لبدء تقديم الخدمه الهاتفيه لمنطقة عبدالله المبارك لما المواطن يبي يركب تلفون وعند اختيار رقم ينصدم بالواسطه ويشوف تفاهة مدير ومراقب السنترال وايضا فوق ذلك تفاهة الوكيل المساعد والوكيل العود بحجز الارقام العاديه بس انها تكون متناسقه وهذا خاصة بعد قرار وزير المواصلات السابق الشيخ علي السالم لما خلا الارقام المميزه بفلوس يعني رقم برونزي وفضي وذهبي وقطع سالفة تجمل المسؤلين وعاشقين بوسة الخشم ونظم السالفه ولكن هيهات ياكويت
انه صراحه انبطت وانفقعت جبدي من شفت الناس المساكين اللي ماعندهم واسطه وهم خلف الكاونتر وينقون الارقام السكه واللي يعرفون المسؤلين داشين داخل الكاونتر وينقون الارقام على كيفهم ..... وعلى قولتنا هالشي يعارض ابسط مواد الدستور انه الناس سواسيه يمكن تقولون هالشي عادي ومستشري بالكويت بس صراحه هالشي ضايقني وحبيت افضفض
وسلامتكم

 

[صوت الوطن]

الله يعينك الامر فعلا موجود ومن عمر الوزاره وهي ماشيه على هالطريقه بس القرار اللي سوى ضبط للاسعار خفف منها شوي وصار الواحد على الاقل ممكن ياخذ رقم زين بفلوسه ولكن المفروض الان ان اي كشف يخرج من قسم صيانة المقسم يكون للجميع وكلن وحظه بعيدا عن اي تحيز لكن بالله عليك قولي مكان بالكويت مافيه واسطه وتميز للمعرفه

 

[برقان73]

صراحه انبطت وانفقعت جبدي من شفت الناس المساكين اللي ماعندهم واسطه وهم خلف الكاونتر وينقون الارقام السكه واللي يعرفون المسؤلين داشين داخل الكاونتر وينقون الارقام على كيفهم

حسب الثقافه السائده في المجتمع اليوم , لا هو عيب و لا حرام .. !!

 

[حامض حلو]

وفيه بيت أعرفهم حصلوا تقريبا 3 أرقام متسلسلة يبونها لبيوتهم الموزعة بالمنطقة لمجرد أن اختهم موظفة بالسنترال .. والحجز بالهاتف فقط يعني اترك عنك زحمة المراجعة






بس اللي مافهمته شنو قصة السويتش اللي يشغل الخط في البيت .. وشنو صلته بالكهرباء ؟!!​

.

 

[q8usa1980]

الكهرباء هي لتشغيل الرسيفر اللي يستقبل الموجات الضوئيه وتحويلها لموجات كهربائيه وهذي هي تقنية الكوابل الضوئيه المستخدمه في منطقة عبدالله المبارك وقبلها جنوب السره والقيروان وجميع مناطق الكويت انشالله

 

[حامض حلو]

أها ...


يعني لطفت الكهرباء انقطعت الخطوط ؟​

 

[Craftsman]

أها ... ​

يعني لطفت الكهرباء انقطعت الخطوط ؟​

صحيح ، بل وكانت حتى اتصالات الهواتف النقالة تنقطع في جنوب السرة، وبعدها ركبت زين (وقتها mtc) مولدات على أبراجها.

بس على طاري الأرقام ، أعتقد بالذات بالنسبة لجنوب السرة ، الموضوع مر بمرحلتين إذا تتذكرون، في البداية كان هناك مشروع الهاتف الهوائي أيام وزير المواصلات أحمد العبدلله، وأنا من الناس الذين فضلوا عدم تركيبه، وبعدها بسنة وأكثر ، من بعد تمديد الخدمات، جاء تركيب الألياف الضوئية. يعني في ناس أخذت أرقام قبل البقية.

 

[حامض حلو]

بالنسبة لعبدالله المبارك هي خطوة وحدة على طول .. ماكان فيه خطوتين



طيب بالنسبة لارتباط انقطاع الهواتف بانقطاع الكهرباء .. هذي مالها حل ؟ خبركم كهربتنا مو تكانة

وليش ما ظل النظام القديم ؟​

 

[Craftsman]

بالنسبة لعبدالله المبارك هي خطوة وحدة على طول .. ماكان فيه خطوتين ​

طيب بالنسبة لارتباط انقطاع الهواتف بانقطاع الكهرباء .. هذي مالها حل ؟ خبركم كهربتنا مو تكانة ​

وليش ما ظل النظام القديم ؟​

يا سيدتي الحلول الفنية وإن كانت سهلة التطبيق ، إلا وأنها ليست سهلة المنال وخاصة عندنا. وعلى ما يخلصون من الحنة والرنة والمداحر ، يعني عطيهم بعد سنة ، ممكن يبدؤون بالتفكير بالحلول المطلوبة.

وحسب ما فهمت لحد الآن من متابعتي فالمشكلة في نطاقها الفني كبيرة ولا يمكن تهوينها، وتتعلق بشقين الأول هو السعة المطلوبة بتوليد الطاقة الكهربائية، والثاني بشبكة التوزيع الكهرباء. يعني أن وزارة المواصلات وإن تم حل مشكلة توليد الكهرباء لا تستطيع شيئا ما دام التوزيع يعاني، والألياف الضوئية حسب معرفتي المتواضعة لا تحمل الكهرباء.

وخلينا من نظرية المؤامرة.... الديرة تفرفت والصقلة ضايعة

وناطرين الفرج.

 

[q8usa1980]

الهاتف الهوائي هذا حل وؤقت للمناطق البعيده او اللي مافيها خدمه هاتفيه وادارة الهواتف الهوائيه موجودة من زمان (الصبا واقدم )في سنترال كيفان ,,ولكن بالنسبة لخطوط الالياف الضوئيه الحل موجود وهو هناك في بعض الرسيفرات يكون فيها بطاريات شحن ولكن المستخدمة حاليا اعتقد لاتوجد فيها