.. مرشحي قبيلة العوازم في الدائرة الأولى ..

[كويتي دستوري]

الأخت ريما القمر ماهي توقعاتك لأبناء القبيلة بفرص النجاح

 

[bobader-q8]

في واحد ناسينه من مرشحين العوازم ..

مرشح حدس (محمد الرشيد العازمي)

هذا رجل محترم وحبيب بس ما له علاقة بالسياسة ،،
و عنده فرص قوية (عازمي+عنده تيار+ممكن يكون في تعاون مع عبدالله اسماعيل=؟؟؟؟)

 

[whahd1]

في واحد ناسينه من مرشحين العوازم ..

مرشح حدس (محمد الرشيد العازمي)

هذا رجل محترم وحبيب بس ما له علاقة بالسياسة ،،
=؟؟؟؟)

تبي نصوت حق واحد ماله علاقه بالسياسه ؟؟ !!!

 

[ابن النوخذة]

في واحد ناسينه من مرشحين العوازم ..

مرشح حدس (محمد الرشيد العازمي)

هذا رجل محترم وحبيب بس ما له علاقة بالسياسة ،،
و عنده فرص قوية (عازمي+عنده تيار+ممكن يكون في تعاون مع عبدالله اسماعيل=؟؟؟؟)

,والله ونعم بو حمد محمد الرشيد يستاهل كل خير


بس انا بعررف شلوون حكمت علية مالة علاقة بالسياسة

اذكر الله بس رجال ماشالله علية سياسي ومحنك وعلى فكرة من صغرة وهو متدخل بالسياسة

اضافة لمعلووماتك ابووة الدكتور حمد الرشيد من الرووس الكبار في حدس وسياسي بحت
ومحمد كان رئيس اتحاد طلبة الجامعة واعتقد مو اي شي شخص يمسك اتحاد طلبة بالكويت

والدليل على انة رجل سياسي طالع الاول بفرعي حدسوالثاني شاهين الشاهين والثالث عبدالله اسماعيل الكندري وحدس ماتطلع اي واحد

 

[Doctor]

وفي ملف الدوائر أعلن مصدر مطلع أن عوازم الدائرة الأولى في حيرة من امرهم بعد ان بلغ عدد المرشحين حدا ربما يؤثر على حظوظهم، وفي ظل عدم إجراء انتخابات فرعية حيث ازدادت الامور تعقيدا وحتى اللحظة ترشح عن عوازم «الأولى» حسين الحريتي وأحمد الشحومي ومخلد العازمي وبدر العقيل ومحمد الجويسري ووسمي الوسمي وأنور الداهوم ومبارك الحريص، بالإضافة إلى نية رئيس نادي السالمية الرياضي عبدالله الطريجي الترشح وهو احد القريبين من العوازم

المصدر:جريدة الراي

ان صحت هذه الاخبار فمصير الاخوه العوازم سيكون جدا صعب

 

[ابن النوخذة]

المصدر:جريدة الراي

ان صحت هذه الاخبار فمصير الاخوه العوازم سيكون جدا صعب

لا وابشرك اكثر بعد

وين راح دكتور عوض الجويسري ومحمد الرشيد ويوسف الصويلح وخالد العميرة


والله يستر علينا بس

بس اذكرك ماراح يتعدوون 7 مرشحين يووم الانتخابات

طبعا على كلام ثلاث مرشحين مكلمهم شخصيا قالو نفس الكلام اللي معزمين بفرعي بدوون فرعي 7 فقط

 

[ريما القمر]

الأخت ريما القمر ماهي توقعاتك لأبناء القبيلة بفرص النجاح

إلى الآن ..


لم تتضح الرؤية
​

 

[بوحميد]

الرشيد يستاهل الصوت
واحد قوي داخل العوازم وخارجهم
الله يوفقه

 

[ابن النوخذة]

إلى الآن ..​

لم تتضح الرؤية​

ريما القمر يهمهم رايج يبوون يعرفوون منو ينجح والله مو هينة بنتنا

والله لازم نستفيد منج لجنة نسائية حق واحد من ربعنا وتعرفين ربعنا عدل انتي

حتى انا اقوول لم تتضح الرؤية

 

[بو مشيري]

لا تنسون المحيلبي في كلام عن نزوله بعد ..

 

[ريما القمر]

لا تنسون المحيلبي في كلام عن نزوله بعد ..

سمعت إنه هـــوّن
​

 

[ريما القمر]

ريما القمر يهمهم رايج يبوون يعرفوون منو ينجح والله مو هينة بنتنا

والله لازم نستفيد منج لجنة نسائية حق واحد من ربعنا وتعرفين ربعنا عدل انتي

حتى انا اقوول لم تتضح الرؤية

هههههههه

كل ربعك ..

كلهم .. يعني كلهم ..

يبوني مفتاح انتخابي ..

لكن بريستيجي مايسمح ​

 

[وطني وبس]

مخرجات العوازم حدث ولا حرج

لا مخلد العازمي ولا حسين الحريتي ولا احمد الشحومي ولا سالم الحماد

شوفو ناس غيرهم

مثل الدكتور عبدالمحسن المدعج

ودنا بخوانه العوازم يطلعونه مثل الدكتور عبدالمحسن واحسن

 

[مطيري بالجهراء]

ليش ماينزلون 4 عوازم في قائمه وحده انا اتوقع ان عددهم كافي لنجاح لاني سمعت ان اعددا العوازم 8الف صوت والنجاح الانتخابات اللي طافت كان على 6 الف و7 الف والفرصه الحين كبيره جدا لان في عدد كبير من المرشحين الشيعه نازلين وراح تتفرق الاصوات اتوقع لو القبيله العوازم تزكي 3 مع حسين الحريتي راح يكون النجاح القائمه شبه مضمون ريما القمر ممكن اعرف اعداد قبيلة العوازم بالدائره ونتائج اخر 4 مراكز بالانتخابات اللي طافت 7/8/9/10 وجم حصلوا صوت اذا متوفره عندج واخيرا بالتوفيق للبدو <<<<<<<<<< لووووووووووول عنصري