قبل جم ليلة كنت طالعة من الديرة بروح جنوب السرة , الساعة 9 الليل شفت زحمة عند نزلة الجابرية وبيان موطبيعية , عادة الزحمة بهالمكان الظهر عشان المدرسة الانجليزية والايرانية والي رايح بيان والي بينزل الجابرية .. الخ
المهم بلاغة الشف اذبحتني الا بعرف اشصاير , الى ان بينت عندي سيارة ماكسيما - تعولص - مشغل فلشر وقاعد يتحرش بسيارة يمه وكل ما بيوخرون عنه السيايير سكر عليهم , يروحون يسار يروح يسار , يمين لف يمين ودودهه العالم
عاد انا اعصابي تلفت , ماقدرت اتحمل يوم قربت صوبه اخذت رقم سيارته ودقيت على 777
طبعاً كالمعتاد ماردوا , دقيت مرة ثانية , وصلوات على محمد وآل محمد هالمرة رد الموظف
عطيته رقم السيارة ولونها والمكان الي احنا فيه , قالي شمسوي , قلت له ان مسبب زحمة ومرتين بغوا يتداعمون جدامي ومأخر العالم ومستهتر بأرواح البشر , قالي خلاص شوي ويدقون عليج الدوريات
الله يسلمج , لا دقوا ولا حتى يمكن احد اهتم
ويقولون كل مواطن خفير , نبلغ ولا احد يلتفت عليهم