علي الراشد 2009

[استاذ علوم سياسية]

حلو زادوا الحكوميين واحد بالمجلس الياي


ياااي عليك يالراشد أنا متأكد إنك راح تنصف الجنوس وتستمر بدعوتك لإلغاء الإختلاط أي جذي نبي الكويت حريم مع رياييل خلط والفساد يزيد ....... أي متعلم أي بطيخ هذا ما أدري ينفذ الأجندة الماسونية ولا أي أجنده والله إنه أخطر على الإسلام من حملات التنصير .

 

[بو مشيري]

بومشيري.....انا والله لا داش ارفعله ولا شي كل شخص يصوت حق الي يبيه هذا شي راجعله والحريه شي احنا متعودين عليه اب هديره......لاكن الحيين كلامك وضح انه عبر الصحف والقنوات بس لاتجول واحد مقربين او يشتغل معاه.......

يالحبيب .. ركز .. هذا كلامي :

" نقل لي واحد من الاخوان كلام من الراشد نفسه خلال حملته الماضية ان هالانتخابات آخر انتخابات له .. "

و من بعده شككت انت فيه .. فإستدليت لك بأمور اخرى حتى تصدق .. و من ثم ترد و تقولي : لا تجول احد من عاملينه ؟!

يعني مو مشكلة عندك اذا كان الكلام صحيح وان الراشد ناقض نفسه .. لكن المشكلة في كون الكلام صدر عن احد العاملين معه !؟

 

[f-m-t]

Ethakan alkalaam 9a7eez o ba3dain al3ethoo month bany adaam akeed ebyet3aab e7na en9aweet o enraqeeb ad'a enewab bas walah elmas'ala moo sahlaa o malooom al3ethoo ethaa kaan mayaby uanzeel ela lema yefaker we qarer o yest5er o yanwi o nmazel ente5abat al'aooma o 6omba5eyaa

 

[بو خاطر]

سبحان الله هالنائب كان قاضى سابقا ولا ننسى عندما أتهم أحد زملائه بالمجلس بفحص الدى أن أيه ولكن كوب الماء الذى أتاه من النائب الأخر جعله يحترم نفسه ومرة أخرى يكررها مع زملاء له بالمجلس بأنهم مزدوجى الجنسيه وبعدين وينك كل هالسنين لم تتطرق لأزدواجية الجنسيه الا بهذه الفتره وشلون تقبلها على نفسك بأن تتهم الأخرين وأنت قاضى سابق وتعرف الأتهام بدون دليل والشى الغريب بهذا النائب دائما يدعى وكأنه هو الوحيد الذى يخاف على مصلحة الكويت والمشكله دائما يطالب بالأحترام المتبادل بين الأعضاء وهو من يقوم بأتهامهم أنسان سخيف لأبعد الحدود

 

[الثاقي]

للاسف راح ينجح

 

[f-m-t]

اشتراكي.......اهو ماوجه معلومات الرجال ياتله معلومات ووجه سؤال لوزير الداخليه للافادة فقط لاغير مابرر برر بالحجي واتهم..........تختلف في وجهات النظر للمرشح بس مانقول كلام خطأ وشكرا

 

[الرأي الاخر]

للاسف راح ينجح

ياترى ليش راح ينجح؟

 

[ولد القلاليف]

أذونا الجماعه بكلمة حكومي .. جنه له علاقة بحكومه عدوه ما جنها حكومة الكويت وحكومة شيوخنا
وعلاقته أساسها نزع فتيل تأزيم أعضاء هايفين
يبا الله يوفجك يا بو فيصل وربي إنك تستاهل الفوز واللي ينتقدونك نعرف أجندتهم عدل
ساعه يقولون طبقي .. والرد صج اللي مو واثقين من نفسهم يضحكون
ترا القادسيه منطقه بسيطه وبو فيصل من أهلها
وكلنا الحمدالله عيال عوايل والطبقية مو عيب وهي أساس أي مجتم
يعني لازم الديرة فيها طبقات مختلفه علشان تمشي الأمور
تجار وحكام وعمال وغيره
يعني إحنا قلاليف كان أساس صناعة السفن عندنا
والسفن يملكها تجار
والتجار يأجرونها على نواخذه
والنواخذه يأجرون بحاره
"خلقناكم شعوبا وقبائل لتعارفوا"
ولا تنسون
"إن أكرمكم عند الله أتفاكم"
ومع العلم إن بو فيصل ولد حموله ومن عايله أصيله
بس ترا بالنهايه ماهو مليونير
وساعه يقولون طائفي .. وترا محد طفا فتيل أزمة التأبين غيره
ويعايرونه إنه صوت ضد قانون التعليم المشترك .. يبا الريال كيفه
آنا عندي خوات يدرسون بالجامعه وضد قانون منع الاختلاط
تدرون ليش ؟؟؟؟
لأني واثق من خواتي
أدري شنو تربية أهلي لهم وأدري مثل ما بو فيصل يدري إن الانحرافات سببها الأهل مو الاختلاط
اتقوا الله في أحكامكم
وإلى الأمام يا بو فيصل
آنا شيعي .. وصوتي وصوت اهلي كلهم لك
مع كل فخرنا فيك

 

[ولد القلاليف]

ولحد يقول إني عضو يديد وداخل أسويله دعايه
ترا آنا دخلت وسجلت علشان أعلق على وزراء النفط والكهربا
بس بصراحه آلمني إني أشوف ناس يتجنون على شخص راقي مثل علي الراشد لمجرد إن توجهه يختلف عنهم
مشكلتنا بالكويت إنا نجرم اللي يخالفنا بالراي
ونطعن الناس اللي يخالفونا بأعراضهم
ودينهم
ناخذ منزلة رب العباد ونحاسب عباده
وننسى قوله تعالى : يا أيها الذين آمنوا إذا جائكم فاسق بنبأ فتبينوا عسى أن تصيبوا قوما بجهالة
و"نقول على الله"
ومعناها إنا نحكم مكانه كأننا عارفين بسريرته جل جلاله
والعياذ بالله من أن نقول على الله مالا نعلم
باختصار
بالتوفيق يا بو فيصل
والله إنك تستاهل الفوز