أنا أشك بالارقام كلها
تعرف ليه
لا داخلية طلعت أرقام
ولا قضاء طلع أرقام
ولا حتى بقضية الطعن اللي بين الوعلان وعسكر وسعدون وبرغش طلعت الأرقام
الانتخابات اللي طافت فيها شبهات بالهبل ولا جريدة طلعت أرقام بوقتها شلون تجي القبس اليوم وبعد سنة تطلع الارقام وهل هذه الأرقام موثقة من القضاء والا لا
50 عضو ولا فيهم واحد سأل عن الارقام الحقيقية سنة كاملة تعرف ليه خافوا لا يكون بعضهم ساقطين ويعمون عليه وتعال انتخابات ثانية ودوخة وتزوير
اتذكر بعض تصريحات اعضاء مجلس الامة لما تم التشكيك بالارقام اللي طلب لجنة دولية للاشراف على الانتخابات واللي طلب أن الحكومة ما تتدخل وكانت عبارة عن فقاعات صابون بسرعة راحت وانست السالفة وراح تتكرر الانتخابات هذي
سؤال : كيف استطاعت القبس انها تحصل على ارقام الرابعة وهي ما طلعت لا من القضاء ولا الداخلية ؟
تذكرني الارقام اللي نشرتها الشاهد ما فيه عضو الا مجموع اصواته خطا