السلام عليكم ورحمه الله
الحقيقه امس كنت افكر بخصوص راح اصوت حق منو في الدائرة الخامسة , ولكن حسيت اني مالي دور حتى لو كنت بصوت , يعني منو يمثل فكري ؟ منو يمثل توجهي ؟ سوف اجد ان الجميع سواله قائمة او تحالف وقعد , وكل واحد عارف اصواته منو ومن وين راح تييله وجم عددهم !!!
قلت لحظة يبا عيل شحقه قاعد انا ؟
انا لا انتمي لقبيلة , وما شاركت في فرعياتهم , ولا لي دور في اختيار المرشحين الي فازو في الفرعيات , انزين شلون الحين ؟؟
عيل لو كنت اشارك في فرعيات اخوانا القبائل جان على الاقل هانت , يعني لا اقدر اشارك معاهم في الفرعية لانه الفرعية حكرا على القبيلة نفسها ولا يسمح لعوام الناس المشاركة فيها , يعني انت مجبور وغصبن عليك تحترم فرعيتهم يا اما تصوت لها او تطحس وما تصوت لان بالاساس صوتك ماراح يوصل !!!
انزين شنو دوري في الدائرة طبمور طين ؟؟ ويلا قوطي بيبسي محذوف في الشارع ؟؟
انزين لحظة , فيه ناس يحملون نفس فكري وميولي ولكنهم خسرو الانتخابات الفرعية , شسوي الحين ؟ اقولهم تنزلون غصبن علي قبيلتكم ؟ او اقولهم خلونا نسوي انتخابات فرعية ثانية تحمل نفس ايديولوجياتنا الفكرية ؟ طيب وان فاز في هذي الفرعية شخص من احدي القبائل , هل راح تصوتله قبيلته ؟ او يقولون لا اهو طلع عن التشاورية ومرفوع عنه الصوت !!
عدد لا يقل عن عشرين الف ناخب في الخامسة ضايع في الخامسة , لان اصلا هم عبارة عن عوائل متفرقة وما تجمعهم نسب , شلون يعني يروحون يسوون فرعية مثلا ؟
الحين معروف ان هناك ثلاث قوائم في الدائرة الخامسة عبارة عن 12 مرشح ضامنين المراكز العشرة الاولى بكل ما تحمله الكلمة من معنى , يعني انت مالك دور اساسا روح اشرب من ماي البحر او تصوت حق مخرجات تشاوريتنا !!
يا جماعة انا ما عندي مشكلة اصوت حق اي واحد ولكن يجب ان ينزل لعوام الدائرة ويطرح افكاره ومستعد اصوتله , يعني مستعد اصوت حق اربعة مرشحين من قبيلة وحدة بس انا الي اخترتهم مو غيري يختارهم وبعدين اروح اصوت لهم !!
واحد من ربعي من ابناء القبائل قالي ليش ما تحول قيدك الانتخابي عند جماعتكم في الدائرة الثانية او الثالثة ؟؟ يعني هل معقولة اطلع من دائرتي الي عشت فيها عشرين سنة من عمري واروح حق دائرة مادري عنها ولا اعرف ناسها ولا حتى ادل دواوينهم ؟؟ انا كل اهلي في الخامسة وربعي كلهم , ما عدا مجموعة بسيطة ساكنة خارج الدائرة حتى ما اروح لهم الا بين فترة وفترة
يا اخوان فيه مشكلة عنصرية قاعده تصير واحنا ما كنا نتمنى نوصل لهذي المرحلة مع الاسف
الحقيقه امس كنت افكر بخصوص راح اصوت حق منو في الدائرة الخامسة , ولكن حسيت اني مالي دور حتى لو كنت بصوت , يعني منو يمثل فكري ؟ منو يمثل توجهي ؟ سوف اجد ان الجميع سواله قائمة او تحالف وقعد , وكل واحد عارف اصواته منو ومن وين راح تييله وجم عددهم !!!
قلت لحظة يبا عيل شحقه قاعد انا ؟
انا لا انتمي لقبيلة , وما شاركت في فرعياتهم , ولا لي دور في اختيار المرشحين الي فازو في الفرعيات , انزين شلون الحين ؟؟
عيل لو كنت اشارك في فرعيات اخوانا القبائل جان على الاقل هانت , يعني لا اقدر اشارك معاهم في الفرعية لانه الفرعية حكرا على القبيلة نفسها ولا يسمح لعوام الناس المشاركة فيها , يعني انت مجبور وغصبن عليك تحترم فرعيتهم يا اما تصوت لها او تطحس وما تصوت لان بالاساس صوتك ماراح يوصل !!!
انزين شنو دوري في الدائرة طبمور طين ؟؟ ويلا قوطي بيبسي محذوف في الشارع ؟؟
انزين لحظة , فيه ناس يحملون نفس فكري وميولي ولكنهم خسرو الانتخابات الفرعية , شسوي الحين ؟ اقولهم تنزلون غصبن علي قبيلتكم ؟ او اقولهم خلونا نسوي انتخابات فرعية ثانية تحمل نفس ايديولوجياتنا الفكرية ؟ طيب وان فاز في هذي الفرعية شخص من احدي القبائل , هل راح تصوتله قبيلته ؟ او يقولون لا اهو طلع عن التشاورية ومرفوع عنه الصوت !!
عدد لا يقل عن عشرين الف ناخب في الخامسة ضايع في الخامسة , لان اصلا هم عبارة عن عوائل متفرقة وما تجمعهم نسب , شلون يعني يروحون يسوون فرعية مثلا ؟
الحين معروف ان هناك ثلاث قوائم في الدائرة الخامسة عبارة عن 12 مرشح ضامنين المراكز العشرة الاولى بكل ما تحمله الكلمة من معنى , يعني انت مالك دور اساسا روح اشرب من ماي البحر او تصوت حق مخرجات تشاوريتنا !!
يا جماعة انا ما عندي مشكلة اصوت حق اي واحد ولكن يجب ان ينزل لعوام الدائرة ويطرح افكاره ومستعد اصوتله , يعني مستعد اصوت حق اربعة مرشحين من قبيلة وحدة بس انا الي اخترتهم مو غيري يختارهم وبعدين اروح اصوت لهم !!
واحد من ربعي من ابناء القبائل قالي ليش ما تحول قيدك الانتخابي عند جماعتكم في الدائرة الثانية او الثالثة ؟؟ يعني هل معقولة اطلع من دائرتي الي عشت فيها عشرين سنة من عمري واروح حق دائرة مادري عنها ولا اعرف ناسها ولا حتى ادل دواوينهم ؟؟ انا كل اهلي في الخامسة وربعي كلهم , ما عدا مجموعة بسيطة ساكنة خارج الدائرة حتى ما اروح لهم الا بين فترة وفترة
يا اخوان فيه مشكلة عنصرية قاعده تصير واحنا ما كنا نتمنى نوصل لهذي المرحلة مع الاسف