جنوب الجهراء
عضو فعال
صوتك امانه...الله يرحم لى والديك انت بعدحياك الله مره ثانيه يالفوشي
تعال مره ثانيه
1- رقم السعيدي الثالث 230 تقريبا ولو انه موفر على نفسه مو مرشح جان شفت الشليمي
له نصيب الاسد من هالرقم وفرق الشليمي عن الثاني اقل من ميه صوت .. عرفت الفرق
الحين بالثلاث من فخذ السعيد ..؟
2- بالنسبه لعلي دخيل وتقول شنو المشكله اذا كان الصوت لثلاث والزامي تحسسني وانا
اخوك انه الي يصوت يروح ويصوت عشوائي ماعندك علم انه كل مرشح له جماعته وربعه
الخاصيين ويستغلهم للبدل ؟ يعني هلال صاهود بدل بصوت كمثال مع خضير وبدل بالصوت
الثاني مع طلال منيزل كمثال ايضا يعني يلعب على كرتيين بدل فهذا الي اثر على رقم دخيل
وايضا هذا لايعفيه من البدل لان الواقع يحتم عليك البدل .
3- ماجد موسى اولا طلع بغفله من الزمن وهذي يشهدون عليها ربعنا مطير بأول نجاحه
بفرعي البلدي والرجال كان بينزل 2006 بالدائره الـ16 وتنازل وعزم لـ 2008 وتنازل ايضا
وماتبيه ينزل بـ 2009 وينجح ؟؟ تنازل دورتين وخدمات ثمان سنين وماتبيه ينجح ؟؟
وبعدين ياعزيزي الساحر على قولتك له خدمات لأبناء قبيلته بشكل عام وشكو تعديل الدوائر
وين رحت انت شطيت بتعديل الدوائر وانا اقولك الرجل يشتغل من ثمان سنين ..؟
استوعب يرحم والديك ردي الأول ..
وتقبل مروري عزيزي
تعالي مره ثالثه
1-بالنسبه للسعيدات...اتفق معاك الحين لانك اخبر مني فيهم ونسكر الموضوع(بصراحه مابخصها لانى مااحب مخرجاتها)مع احترامي لهم
2-تقول انه ربع هلال بدلوا مع منيزل واقطعوا عن دخيل!!!(صدقنى ياخوى يكذب عليك اللى يقولك ان البدل داخل الفرعيه له تاثير لانها ضعيفه جدا وخاصه بفرعيه عنزه التى عانت بالصل من ضعف الحضور اضافه الى ان اغلب الناس تشوفها عيب)
3-ماجد موسى طلع بغفله من الزمن؟؟؟؟.......لعلمك الخاص ترا ماجد كان بالمركز الثانى بالفرعيه بعد حسين مزيد فى اخر عضويه بالبلدى...
ومااعتقد شخص وفخذه صغير ينجح بالبلدى وفرعيه امه الا انه فيه خير لان حمران النوظر ماعندهم بيع برد ولايردون على اكبرها واسمنها بالقبيله
نهايته...شرايك تمرنا بجنوب الجهراء للقهوه والعشاء ونحلل الانتخابات انا وياك للصبح