ههههههههههه علينا
الزمن تغير..
عندما يسمح بعض السلفيين وابناء القبائل لبناتهم يسافرون للدراسة....
وعندما يسمح السلفيين وابناء القبائل لبناتهم يذهبون الى جامعات مختلطة....
وعندما يسمح اغلب السلفيين وأبناء القبائل لبناتهم وزوجاتهم يقودون السيارات لوحدهم....
قبل 30 سنة كان هذه الامور من الموروثات التي لا يتجرأون تخطيها او كسرها..
وهاهي اليوم تصبح من الأمور العادية...
أتى الوقت ليشاهدوا بناتهم يدخلون الدواوين..كشخصيات عامة...
لا أعني اني مع أو ضد...ولكن حبيت أطرح ان فكر و ثقافة السلفيين و ابناء القبائل و المحافظين لبعض القضايا والتي تصنف كموروثات سابقا ...تتغير مع مرور الزمن...
--------------------------------------------
كل هذا مو مع وضد اول شيء لكل قاعده شواذ ....
لا تعمم كلامك على كل الناس سواء السلفيين او ابناء القبائل انا من القبائل بعدين انت
طرحت عدة امور برد عليها واحده واحده ...
بالنسبه للقياده المراه السياره في فتوى شرعيه والمراه كانت تسوق الناقه تسوق يعني
تركبها وتوجها مثل ما كانت ام المؤمنين عائشه رضي الله عنها ...
بالنسبه للسفر في الخارج اذا كانت اختك او بنت عمك تسافر لدراسه بروحها ومن غير محرم
ترى حنا عندنا عيب وحرام ..
وعند الناس اللي فيها خير وحياء عيب وحرام ... سواء حضر وبدو وشيعه وسنه ...
اما الجامعات المختلطه كل واحد له قناعاته الخاصه يدرسها بجامعه مختلطه ما يتوقف
على ابن قبيله او حضري او بدوي او سني او شيعي على حسب التربيه ...
...
بس عندي سؤال بخاطري ودي اسالك اياه وبامانه ترضى انك تتبع امك وتفتر فيها بالديوانيات ..
انا اسال كل اللي يؤيدون ان الحريم يفترون بالدواوين ترضى ان امك تحط كوعها على مسند
حاط كوعه ريال ثاني مو عيب مو حراااااااام ضحكتو الدول الثانيه علينا وين القيم وين
الاخلاق وين المبادى ...
ذكرى هذه مرشحه ضعيفة عقل لانها ما وراها رجال يديرونها ويعلمونها الصح من الغلط
حتى البنت البدويه او الحضريه المراه بطبيعتها اذا ما لقت من يوجهها او ينصحها تنساق
ورى اهوائها ...
واللي يقول ان البدو او القبائل الاخرى يقولون عن المراه وانتم بكرامه ...
اول شيء انت وش عرفك بالتاريخ هذه قبيله من قبائل الشمال فقط ما ابي اذكرهم وهذا
جهل منهم لكن الحين الناس عرفت الصح من الغلط والمراه في الاسلام معززه مكرمه ولها
قدرها .....
لكن بصراحه بعض الناس عقليته محدوده يظن اذا لم ينجح بعض الرجال في ادارة شؤون
الحياة ان المراه هي اللي بتنجح ... انا بصراحه ما ينفع احد رد بهالطريقه انا اوعدك بموضوع
كامل مرتبط بالدين والعرف والعادات والتقاليد حضر وبدو كلهم واحد والحيا عند البدو والحضر
يا اخي فكر بعقلك لا تفكر بالعقليه الامريكيه لا تسلم عقلك لليهود والنصارى على بالك
هذا التقدم ...ههههههههههههه خوش تقدم المراه تتربع وسط الرجال في الجاهليه
ما سووها والله الجاهليه احسن من بعض اللي قاعد يصير