مجازر الاستجوابات ..قمه في الجراه والوطنيه قصه بقلمي كلها وطنيه اتمنى القى التفاعل

احمد العصيمي

عضو ذهبي
اخواني انا كاتب هالقصه عن الانتخابات اتمنى انكم ما تحذفونها او تنقلونها لقسم ثاني لانها كاتبها حق هاليومين وشكرا
مجازر الاستجوابات
هي ليست قصه بل غصه بسبب المهزله اللي قاعد اتصير ...مجازر الاستجواب شملت شعب وتنميه وهيبة دوله وجيل كامل بسبب اس تج وا ب
استجواب ....هالكلمه اللي من 7 احرف بقدرة قادر تغير مفهومها العظيم بسبب تصرفات صبيانيه
من ينسى الاسبوع اللي صار فيه ماراثون الاستجوابات الغريبه ضد سمو الشيخ ناصر المحمد
لكن خلوني اليوم اكتب لكم قصه هي عباره عن استجوابات لمن يهمه الامر.....
الاستجواب الاول ....والبقيه تاتي اذا لقيت تجاوب

فهد والمصيبه اللي صارتله اللي هي اعظم من مركز التجاره اللي ايقولون انه الارهابيين فجروه..اللي صار في فهد اعظم اعظم اعظم بواجد
فهد استحاله ينسى تفاصيل هاليوم...قام الصبح وقرا الجريده والمانشيت العضو الفلاني السنفور: يلوح باستجواب رئيس الوزرا بسبب التجنيس العشوائي والا ..
قرا التصريح واستغرب من هالوقاحه لكن كمل يومه طبيعي خلوني اعرفكم على فهد
فهد مواطن كويتي (متجنس من تالي ) وهو من مواليد الكويت وعنده احصاء 67 وما عليه قيد امني وخذا الجنسيه الكويتيه وكان هاليوم عيد انه خذا (الورقه) اللي تثبت حبه للبلد اللي عاش وتربى فيه؟ ودرس واشتغل وتزوج وحده من بناتها تزوج نوره ونوره هذي كويتيه ابا عن جد بالتاسيس حبت فهد حب جنوني وتحدت اهلها وخذته واهلها قاطعوها لنها ماخذه واحد بدون وعلاقتها فيهم سيئه جدا جدا جدا بالرغم من كل هالعمر للحين مو قادرين يسامحونها لكنها صابره والله رزقهم بفيصل و حصه اللي كانت الجنسيه فالها حلو عليهم وتزوجت ما عندهم الا هالولدين يطالعون الله وايطالعونهم ومن بركات الجنسيه انهم خذوا بيت من الحكومه وصار لهم بيت ملك بدل الخرابه اللي كانوا ساكنين فيها وغيرها من الامتيازات
هذا كان تعريف عن عايلة فهد
فهد كمل يومه بشكل طبيعي ومن بكره شاف هالعضو المحترم في التلفزيون يقول بالحرف: الاستجواب قادم قادم الا
فهد استغرب من هالتهديد ويعني شنو الا؟ الا شنو؟ من بكره صار اللي ما يخطر على بال احد وما يصير الا في الكويت وصلوا على النبي هذي الكويت فيها كللل اللي نبي
نزل الخبر مثل الصاعقه....انه الحكومه اســـــ فهد لما سمع هالخبر حس الارض تفتر فيه ولا قدر ايصدق رد البيت ولقى مرته نوره وفيصل
ام فيصل: فهد من دزيتلي المسج وماني قادره اصدقك معقوووووووووول
فهد يضرب كفينه: هذا اللي صار
ام فيصل ردت عليه والدموع بعينها: ماني قادره اصدق يعني شنو وضعنا؟ ردوا عيالي ب جان تسكت والدموع غرقت وجهها
فيصل :يبا علمنا اشصار ماني قادر استوعب
فهد حس انه الارض مو شايلته وحس بصداع رهيب وهو يسمع فيصل يقول: يبا تكفى فهمنا شصار وام فيصل تبكي ما قدر فهد ايرد وطاح عليهم........راحوا المستشفى
ام فيصل تدعي من كل قلبها وتبجي وفيصل مسند جسمه على الطوفه وحاط ايده على وجهه
جت حصه تركض هي وزوجها واحضنت امها
حصه: يما ابوي اشفيه
ام فيصل:ما ردت عليها واحضنتها حييييييل
بعدها طلع الدكتور
ركضضضضضضله فيصل
فيصل: دكتور تكفى ابوي اشفيه
الدكتور: ابوك بخير بس عاوز راحه وبعدوه عن كل شيء يتعبوا
ام فيصل: دكتور فهد اشفيه
الدكتور: شوية ارهاق وانا بطلب منكو تبعدوه عن أي شيء يوترو والحمد الله على سلامتو
بعدها رد فهد البيت وكانوا اعياله متجمعين عنده ومرته .....
ام فهد: فهد فهمنا اشصار
فهد: احنا مؤمنين بقضاء الله وقدره....الحكومه اسحبت جنسيتي انا وفيصل وحصه
حصه حطت ايدها على حلجها
فيصل سكت ووجهه حممممممممر
ام فهد: لا حول ولا قوة الا بلله انزين على أي اساس
فهد: ايقولون لاعتبارات اكبر من فهمي؟ وانه الجنسيه جتنا بالغلط
ام فهد بجت : ليش ايصير فينا جذيه ولي متى
احنا ما نبي شي بس ليش يعطونا اياها ويسحبونها
واستمر الصمت الرهيب بينهم وكل واحد بينه وبين نفسه مووووواااال لكن من يسمعه؟
من بكره ما بقى احد بالديره ما عرف بالخبر بسبب هالخدمات النيوز عبر المسجات اللي صارت القنوات يتسابقون عشان نشترك فيها جنه احنا مليون واخبارنا كل دقيقه ...فيصل كان بالجامعه وفيصل خريج وهذا اخر كورس بلغوه انه يرد البيت وينطر اتصال منهم استغرب خصوصا انه ما سوا أي مشكله حس انه فيه شي غريب وقعد على اعصابه اشمعنى بس هو اللي قالوله يرد بيتهم وينطر اتصال
رد البيت وهو على بركان ....بهالوقت زوج حصه عبدالعزيز كان ايواسيها وايقوللها : والله لو بيدي شي سويته انتي انظري (الاعضاء) يمكن ايغيرون شي
وحصه ما غير تبجي ودموعها ما وقفت من امس لليوم
عبدالعزيز:حبيبتي لا تبجين وربي ما اتحمل اشوفج تبجين ويمسح بيده دموعها
حصه: ربي لا يحرمني منك
بهالوقت
دشت ام فيصل على فهد ولقته حاط ايده على راسه
ام فيصل: فهد اشفيك عسى ما شر
فهد:الحكوومه تبيني ارد الفلوس اللي عطونا اياها عشان البيت وتبي كل شي عطتنا اياه يعني كل شي خذيناه من الجنسيه انرده
ام فيصل: من وين لنا انت خذيت قرض فوق فلوس الحكومه وانا بعد خذيت ؟ من وين لنا وانت تدري انه ما اقدر اتسلف من اهلي شنسوي
فهد: سواة الله ابرك......
رد فيصل البيت وشاف ابوه وامه بالصاله من كثر ما هو مخنوق ما قدر حتى يقط السلام وراح غرفته وهو يركض دش غرفته وقفل الباب وقط نفسه فوق السرير وحضن المخده ونااااااااااااااااااااااااااااام
فهد عوره قلبه على حال ولده لكن ما بالايد شي
ام فهد كانت ويا فهد بجسمها لكن تفكيرها راح بعييييييد..حست انه اللي صار لها كابوس وهي مهي عارفه وين اتطق راسها..وشنو تقدر اتسوي وهللي صار صح ولا لا حلم واللا كابوس جذبة ابريل ولا واقع ولا شنو بالظبط حست انها غرقانه بالتفكير
وفهد ايطالعها ويدري بللي شاغل بالها قرب عندها ومسح على راسها وقاللها : حياتي انا واياج تطمني وراح...قاللها هالكلام وهو اصلا مو متطمن وايحس انه مو متوازي ..............
قام فيصل من النوم ولقى 12مس يو (اغلى حب)
و3 مسجات الاول اغلى حب :حبيبي انا احاتيك رد علي يا اغلى انسان والمسج الثاني من اغلى حب :رد علي ترا الافكار توديني وتجيبني والمسج ال 3 اغلى حب : حبيبي كلمني ضروري
قام فيصل من النوم ولما قرا هالمسجات حس جنه احد كت عليه ماي باااااااااااااااااااااارد بعز الصيف باس التليفون ودز لها : لو مهما صار وبيصير تبقين اغلى حب بعد اشوي ادق عليج وارسلها
اغلى حب هذي مي حبيبة فيصل مسيفها بموبايله اغلى حب قصة حبهم طويييييييييييييييله من سنين مي حولت حياة فيصل بشكل ملحوظ صارت هي الامل وهو اللي كان بيوم من الايام يفكر بشكل جدي بالانتحار لكن ربي كتبله بمعرفته بمي عمر جديد واحلى عمر ومتواعدين انه هالكورس بعدما يتخرج يتقدم لها ويجمعهم سقف واحد بعد هالنطره الطويله راح يتحقق الحلم بعد اسابيع او شهور ولكن.....
كان فهد في الديوانيه والعيون كلها عليه والكل يبي يعرف شصار عليه لكن محد ساله لانه له شان عندهم وفارض احترامه عالكل ومواقفه ويا الصغير قبل الكبير البعيد قبل القريب مشهوده
كانوا حاطين على قناه صادف انهم مسوين لقاء ويا العضو السنفور اللي قدم استجواب الى سمو رئيس الوزرا
المذيع: اعزائي المشاهدين اليوم انتوا على موعد ويا العضو المحترم السنفور اللي قدم استجواب لرئيس الحكومه ووعدنا بكشف الاسباب وتفجير المفاجئات
المذيع:حياك الله معانا يا العضو المحترم
العضو المحترم:الله ايحييك ويحيي المشاهدين
المذيع: بو فلان..نبي نبدا من النهايه واندش في صلب الموضوع انته وعدتنا انك تكشف محاور الاستجواب
العضو المحترم السنفور: على امرك من وين ما تبينا نبدي راح نبدي...انا اقوللك بخصوص المحاور انا قدمت استجواب عن قلة الامطار في الشتا وهالشي مسؤوله عنه الحكومه وعن سبب عدم تسمية شارع بيتنا باسم جدي العظيم وعن سبب تفاوت اجور المدرسين الخصوصيين الطالب اللي بالمتوسطه الحصه ب5 دنانير واللي بالثانوي ب7 ورابعه ثانوي الحصه ب 10 هذا ايسبب فتنه بين الاخوان في ما بينهم وهذا شي ما راح نسكت عليه وبنقدم هالاستجواب للش
قاطعه المذيع: عفوا قلت ما راح نسكت وبنقدم؟ ليش منو انتوا تتكلم باسم منو
اظطرب العضو المحترم:خ خ خلني اوضضح لك انت صارلك لبس فالموضوع انا اتكلم باسم الشعب انا صدى الشعب وما راح نسكت على هالحكومه واحب اوضح انه في بعض المناطق والشعب عارفها الامطار ما اتاثر عليهم اما حنا المطر يسبب لنا ربكه هذي موتفرقه ؟؟؟؟
المذيع :يعني محاورك حسب ما فهمنا تتكلم عن قلة امطار الشتا وعدم تسمية شارع بيتكم باسم جدك وتفاوت اجور المدرسين حسب كل مرحله
العضو المحترم: نعم هذه المحاور لااا وقابله للزياده
المذيع : يعني شنو قابله للزياده
العضو المحترم: هذا يثبتلك انه المقاضب على هالحكومه ما تنعد حنا تحت ايدنا اوراق لكني ما ابي اكشف عنها الحين انه الحكومه دخلت تامر حسني البلد في حفله خاصه ولم يدعو عمرو دياب لماذا تصر الحكومه على احراجنا امام جمهور عمرو دياب ام انها حكومه تنسى كل ما هو قديم وتهرول نحو الجديد ؟ سؤال للجمهور واخر شي اقوله للحكومه الاستجواب قادم قادم الا ........
المذيع: فعلا كانت حلقه مهمه واعتقد الجمهور استفاد ....تصبحون على خير وموعدنا مع حلقات مثيره وضيوف مثيرين اخوكم المذيع فلان
فهد وجه كلامه لرواد الديوانيه بشكل عام
فهد: الحين البرنامج مدته ساعه ونص تكلم صاحبنا في كذا موضوع لكن ما سمعنا شي ايخص الكويت ويخصنا احنا وايخص الاجيال الجايه ولا سمعنا عنده خطة تنميه
رد عليه ابوثامر:بالعكس فضحهم ولا معقوله يا اخوان ايطق المطر على مناطق الحضر واحنا ما ايطق المطر عندنا لااااااااااا وحسب احصائية عضونا الحنجره انه الحكومه اتسوي صيانه حق تكرمون مجاري الحضر كل ست شهور وحنا نغرق كل سنه ولا احد يقول لنا السلام عليكم...ويتقمص شخصية العضو الحنجره:ولا من ينسى غرقة اهلنا في الجهرا حنا مالنا احد
واستمر النقاش العظيييييييييييييييم الرااااااااقي بين الرواد وفهد حس بضيقه ومشى
بهالوقت
فيصل: مي انا احس اني متضاااااايق واحس بخوف مو طبيعي
مي: يا بعد عمري لا ايضيق خلقك
فيصل: مي انتي الظاهر مو مستوعبه اللي صار لنا
مي: ادري ومستوعبه بس صدقني كل شي بيتصلح بس قول يا رب
فيصل :مي انا خايف نفترق و
قاطعته مي :فيصل لا اتقول جذيه اللي بينا اكبر من هالدينا بكبرها
فيصل: مي توعديني
مي: اوعدك اني ما اكون لغيرك
واستمروا في الكلام واحلى الكلام ما تتخيلون اشكثر فيصل ايحب مي ايحسها الدم اللي يمشي بعروقه
ومن بكره
يقرا فهد في الجريده (ندعو ابناء الدائره الى ندوة الا الكويت والتي يحييها النائب السنفور وسيقام عشاء على شرفكم وذلك مساء الغد )
تامل فهد من هالدعوه خصوصا انه هالعضو امس متكلم بالقناه ومو معقوله ايصير عنده شي جديد باقل من 24 ساعه ؟ واستغرب من كلمة وسيقام عشاء على شرفكم؟ ليش الاخ يبي ايوكلنا ولا ايسمعنا ملفاته اللي ايخلص البحر وما اتخلص ؟؟؟؟
بهالوقت في الجامعه
ادارة الجامعه قالوا لفيصل انه...مطرود
ليش؟.......لنه صار مو كويتي وهالجم سنه اللي كان فيهم كويتي شنو.؟ والسنين اللي قضاها في الجامعه وخصوصا انه خريج؟ من يعوضه عن السنين اللي تعب فيها ودرس وقام من صباح الله خير والبحوث والاختبارات والغثا من الصبح ولوعة الجبد الصبح واللي يلف عليك واللي واللي واللي هذا غير عن الحريم وسواقتهم اللي اسكت ساكت بس وغيره بكل سهوله انت مطرود ؟
فيصل ركب سيارته وقعد يفتر يفتر يفتر وما يدري وين يروح وشيسوي دز مسج لاغلى حب :ودي ابكي لين ما يبقى دموع وودي اشكي بس محدن لي سموع...كل احلامنا تبخرت وانا انطردت من الجامعه اليوم ليش؟ ما ادري وارسل هالمسج
مي وصلها المسج وازعلت حييييييل وانقهرت دقت على فيصل رن تليفونه (انا ابغى حبنا رااااقي يودينا بعيييييد هناك لدنيا ما بها فرقا ولا كذبه ولا غدري ) وما رد وتمت اتدق وفيصل موب عارف يرد يرد شيقول؟
بهالوقت
ام فيصل زايرتها اختها منى منى الوحيده اللي ما قاطعتها واتزورها بس بدون ما اتقول لاهلها
منى: اذكري الله اللي ايشوفج ما ايعرفج ترا حالتج ما اتسر لا عدو ولا رفيج
ام فيصل: لا اتلوميني كل يوم نسمع خبر ايغث اكثر من اللي قبله الاقيها من شنو ولا من شنو
منى:ام فيصل انا خبري فيج قويه
ام فيصل: قويه من بره لكن من داخل ودي اصااااااارخ من قمة راسي يا منى دام زوجي ما يستاهلها ليش عطوه الجنسيه واشلون ياخذونها؟
هالشي غريب
منى: ام فيصل صدقيني ما اتضيق الا وتفرج
ام فيصل: اه يا منى لو اتشوفين حالة فهد ولا فيصل صاير ما ياكل ما ادري شفيه ولا حصه خليها على الله
منى:ههه على قولهم المضحك المبكي تذكرين زكيه ,,,بعدما خذت الجنسيه تطلقت من زوجها ورجله فوق رقبته وايمشي لها نفقه وما ادري شنو وهي عياره تذكرين لما قالت انا هتجوز كويتي وحاخد الجنسيه يومها انا تحديتها وقلت لها الديره مو فوضى...لا والله فوضى ومشت كلامها
ام فيصل: انتي قلتيها زكيه تاخذ الجنسيه وزوجي تنسحب منها اه يا حر قلبي عليك يا الغالي يا ابو عيالي وبجت
بهالوقت فبيت حصه
حصه: عبدالعزيز اشفيك علي انته منته الاولاني
عبدالعزيز : ما فيني شي وطلع من الغرفه
حصه الحقته
حصه: عبدالعزيز انا اكلمك لا اتهد الغرفه وتطلع
عبدالعزيز ايطالعها من فوق لي تحت
حصه : لا اتطالعني جذيه ولا خالتي للحين على الموال القديم
عبدالعزيز : حصه انا تعبان ما ابي اتكلم
حصه:هذي حالتك كلما اترد من عندها
عبدالعزيز : اووووووووووووه
وطلع من البيت
حصه اقعدت تبجي يا ربي خالتي مهي راضيه اتخليني من خذيته وهي ناشبتلي يا ربي انا وين اروح وشسوي اوووووووووووووووف
بهالوقت فبيت فهد
دش فيصل لقى امه وخالته منى
دش سلم لكن بدون نفس
ام فيصل: فيصل اشفيك
فيصل: ما فيني شي
ام فيصل: لا اتخليني اخر من يعلم هذا مو سلامك ولا وجهك لا اتخليني اموت ناقصه عمر
فيصل :يما ما فيني شي
منى: فيصل لا اتعدني غريبه ولا ترا بمشي
فيصل: انا اليوم اطردوني الجامعه
ام فيصل: واتقولينلي ما اتضيق الا وتفرج....ليش اطردوك شمسوي شمغبر
فيصل: ما سويت شي بس اكيد لني الحين مو وما عرف يقول مو كويتي وطلع من الصاله قبل لا يلمحون دموعه
ام فيصل: قوليلي انا الحين شسوي وانا اشوف ولدي ينهار جدامي ربيته وعلمته ووصلته وفي النهايه يهدمون حلمي فوق راسي حلمي اشوفه متخرج ويكرمونه لكن حسبي الله ونعم الوكيل على كل ظالم بهالوقت
كان فهد ايتابع العضو المحترم اللي مقدم استجواب للحكومه طالع في برنامج ثاني استغرب وقال اكيد صار شي
المذيع: حضرة النائب المححححترم قلت لنا انه عندك مفاجئات ومعلومات
العضو المحححترم: طبعا طبعا...الخبر اني انا بكره الصبح راح اسحب الاستجواب لانه الحكومه التفتت الى كلامي عن التجنيس العشوائي وهذا الشي ينحسب لها يا اخي احنا قلنا انها حكومه اصلاحيه بامتياز وانا راح اسحب استجوابي بعدما تم سحب جنسية واحد من العملاء (بصراخ)الجوااااااسيس الجيش الشعبي هذا اللي ما احترم ارضنا انا اقف احترام وتبجيل لهالحكومه اللي ما تخاف في الله لومة لائم واسحبت جنسية واحد منهم بل من اخطرهم والبقيه تاتي
فهد وهو يتابع حس انه الدم وقف فجسمه وحس انه وده يكسر الشاشه وايدش عليه ويزنطه ويقوله انه من اهل المقاومه وانه كويتي حتى النخاع وانه سحب الجنسيه اكيد كان عن طريق الخطا او او وراح يتصحح وقعد يسمع كلام هالعضو اللي الدستووووووووووووور كفله انه ايسب الكلللللللل وانه الكل مو وطني الا هو وحنجرته ؟
العضو المحترم: يا اخي انا اقولها على الشاشه هذي الحكومه اصلاحيه وهي راح اترجعنا للعصر الذهبي وكل المقومات فيها واتمنى من الكل انهم ايساعدونها (ملينا من الاستجوابات والتازيم) وهالشي ما يخفى عالمشاهد الذكي . انتهى كلام العضو المحترم اللي امس قال انه هالحكومه اتفرق بين الشعب واليوم صارت حكومه اصلاحيه ؟
رن تليفون فهد
فهد الو
؟ :الو معي فهد
فهد: وياك فهد
؟: انا بحكي معك من قناة الحقيره وبدنا نعمل معك حوار مطول تتكلم فيه عن الظلم اللي تعرضتلو
فهد استغرب : شكرا ما ابي اطلع
؟:خيي كل شي بحقو ولا تنسى انو هني يللي بدوا بالظلم وظلموك ولازم تفضحهم عالهوا مباشره
فهد: حبيبي مو انا اللي انشرا بفلوس ولا عاد اشوف رقمك وهالسوالف هذي مو لنا لغيرنا وسده بوجهه
حصه وعبدالعزيز ايطالعون التلفزيون
وحصه: ليش متغير كلامك هذا مو طبعك معاي
عبدالعزيز:حصه لا اتسوين من الحبه قبه
حصه: اسالك ليش اتهرب يا شقى قلبي وعناي انته فعيوني الاماني وانا عن عينك اغيب
عبدالعزيز: اوووه ترا اللي جاني منج يكفي
حصه: ايييييييوه انا ابيك تعترف شنو اللي جاك مني ومنو موصللك عني كلام اكيد اكيد ما غيرها النسره امك استدركت كلامها اقصد
عبدالعزيز مسك ايدها ولواها :شوووفي هذي اول واخر مره اتجيبين فيها طاري امي ودزها
وطلع من البيت
وحصه حست بالغربه وبالوحشه معقول عبدالعزيز ايطقني ؟ من لي بعده؟ يا الله اشكثر احبه
بهالوقت
فيصل:ان قلت زانت خالف الوقت ظني وان قلت هانت عالجني بلاوي
مي: والله اني متضايقه حدددددددي معقول تنفضل قبل التخرج يا ربي اش هالحظ هالخبر ما حسبت حسابه
فيصل:من متى صابت معي حتى تخيب البخت واياي عمره ما صدق تدرين يا مي اني مرات وانا مبسوط ايضيق خلقي ادري انه راح اتصير كارثه وانتي من حبيتج وانا خايف اعرف حظي عمره ما كان وياي
مي: فيصل انا ما الومك وادري اي احد مكانك راح ايكون كاره حتى نفسه بس وربي ما اتحمل اشوفك متضايق عشاني ابي فيصل الاولي اللي يضحك ويستانس اقسم بلله اني حتى انا مقهوره
فيصل حس بتانيب الضمير:حياتي لا اتضيقين خلقج عشاني
مي: والله مو بيدي جد جد جد احس اني بكابوس واتمنى اني اقوم منه يا الله الايام اقلبت علينا فجاه
واستمر الكلام بينهم
عبدالعزيز دز مسج لحصه: صبرت بما فيه الكفايه لكن صدقيني احنا وصلنا لطريق مسدود خلينا نفترق بمعروف احسن لي ولج حصه انا طول هالفتره ما كنت ابي اقوللج لكن امي اذبحتني تبي حفيد تكفين قدريني انا مظطر سامحيني احبج بس ما بيدنا غير انج اتردين بيت اهلج ونفترق بمعروف امي عقب سالفتكم قالتلي تحرم عليها اتدش بيتي وقالتلي ان ما طلقتها قلبي وربي غضبانين عليك احبج بس صدقيني الفراق راح يكون احسن ) اول ما وصل المسج لحصه قعدت تبببببببببببجي لين ما خاب ثناها ورتبت جنطتها ومشت لكنها حطتله رساله فوق التلفزيون (اضيع في الدنيا بلياك عني عذولك لا يردك انته امر واللي تطلبه ياك الا الودااااع وصوت صدك اقرب قريب الروح تهواك والله وربي ما اردك .. وابرد بثلجك واتدفاك تلمس كفوف ايدي خدك احبك اكثر واتحداك تلقى بقلبي من يندك كذاب من قاللك بنساك لو تنوي الصده بردك...احبك حيل وما اتخيلني بدونك راح اسوي كل اللي تبي بس صدقني انا غير قربك ما ابي راح اروح بيت اهلي وانا ما اعرف بهالدنيا الا احبك واحبك عشان احبك بس ما ادري شكتب بس المهم بسوي اللي تبيه واتمنى اتسامحني ومو ذمبي اذا الله ما رزقنا بعيال وراحت الجنسيه عموما احبك )
ردت حصه بيتها ودموعها اربع اربع وقالت لامها السالفه بالتفصيل
ومرت الاياااام وما تغير شي اللهم انه ابو فهد الحكومه قالتله اليوم اللي المفروض ايسلم فيه البيت للحكومه ام فيصل مو قادره تتقبل انه بيتها ايروح لغيرها خصوصا انه بيت العمر وحصه للحين زوجها ما رد عليها او كلمها وهي كل يوم ترسله مسجات لكن لا حس ولا خبر وفيصل ومي زادت علاقتهم قوه وحب ...وفهد يوم الحكومه علمته عن موعد اللي راح ايسلم فيه بيته تذكر ايام الغزو تذكر الشيخ سعد لما كان يصارخ ويطالب العرب انهم يوقفون واياه تذكر الدبابات العراقيه اللي كانت مليانه الكويت تذكر لما غيره اطلعوا لكنه بقى تذكر اشلون كان هو وربعه على قلب واحد وايخططون اشلون اينفذون العمليات ضد القوات العراقيه تذكر لما كان ايلم ال تكرمون وصخ من الشارع ويحرقونه تذكر دمعة جابر في الامم المتحده تشبه دمعته لكن وين الامم المتحده ؟ تذكر يوم التحرير الله الوطن الامير ما ينسى هالمثلث ما ينسى التكبير الله اكبر الله اكبر كان ايكبر ويبجي من الفرحه 7 اشهر مروا عليه جنهم دهر لكن خلاص الحين صار فهد بسبب خطا او اتشابه في الاسماء او وشايه او او او مو كويتي ومطلوب فكر اشلون يطلع من هالمشكله خصوصا انه راح ايكون مصيره السجن اذا ما رد للحكومه الفلوس ...وقرر قرار ما كان ايهقى انه راح ايقرره نادى مرته ام فيصل وفيصل وحصه
 

احمد العصيمي

عضو ذهبي
فهد: انا ادري انكم لا ليلكم ليل ولا نهاركم نهار لكن وربي لو اقدر جان غيرت الحال لكن لا حول ولا قوة الا بلله حنا ما بيدنا الا حل واحد
ام فيصل: شنو يا بعدي
فهد:نهد الديره وانروح جاخور صاحبي نقعد فيه لين ما تتغير الامور
انصدموا .....شنسوي بالخاجور شناكل اشلون نقضي يومنا ما تعودنا وغيرها من هالافكار كانت اتمر في خواطرهم ولكن ما صرحوا فيها وحس فيها فهد
فهد: ام فيصل انا مسؤول عن اعيالي لكن انتي
ام فيصل: انا شنو؟ اللي ايصير عليكم ايصير علي لا اتزعلني منك انا واياكم والله لو ننام عالرمل ونتلحف السما وياكم
فهد: وهذا العشم ...اجل زهبوا جناطكم وخلونا نسري..
وفعلا زهبوا جناطهم...وهم في قمة الحزن والكابه بيهدون الديره وبينخشون في الجواخير حالهم حال الارهابيين او تجار الممنوعات وام فيصل تاملت غرفتها بعممممق لنها اخر مره راح اتشوفها تذكرت لما شرت الغرفه وتذكرت لما تهاوشت هي ويا فهد على لون الطوف فهد يبيها صفرا وهي تبيها خضرا اه تنهدت من اقصاها لكن ما باليد حيله
وفعلا اركبوا السياره ومشوا ....
فهد طول الطريق وهو يغني :قلبي خفق يا كويت شلتك بيوفي وطن انته الوطن بس انت انت الاصل بس انت انت الحياااااه وطن النهااار
وام فيصل تبكي: فهد تدري شحس
فهد: شنو
ام فيصل: احس اني مو بالكويت انا مظلومه وين حقوق الانسان وين حقوق المراه الكويت خيرها عالعالم كله وتنساني
فهد: الكويت عمرها ما تنسانا لكن هذي بركات العضو اللي يحسب انه ما فيه احد كويتي غيره حسبي الله ونعم الوكيل
ام فيصل: فهد.. مو لهدرجه هالعضو تمادى حييييل معقول ماكو من يوقفه
فهد:هذا اللي خذيناه من الديموقراطيه...تسحب جنسية فلان ولا استجوب بعض الاعضاء ما يعرف شنو معنى الكويت الكويت هي حصنا الحصين وامنا لكن لا صار العضو يرد صدى معزبه لا طبنا ولا غدا الشر كل هذا عشان معزبه يوصل للي يبي اما الكويت مو مهم اما الناس مو مهم اما احنا مو مهم اهوا المهم ااااااااااه يا كويت اللي ايصير فيج حرام حرام حرام وربي حرام وبجى
وبعدها اوصلوا لندن اقصد الجاخور
ام فيصل:هذا اللي خذيناه من نواب التازيم انا بنت الديره اروح الجواخير وزكيا معززه مكرمه اه يا القهر
المهم رتبوا اغراضهم وطبعا فيصل وحصه متضايقين حدهم وحاز بخاطرهم ايهدون الديره وايروحون جبد وعانوا مشاكل كبيره بسبب الجو والطفش والجوع وشتى انواع الحشرات اللي اتنرفز اللي ما ايتنرفز ...فرق كبير لما اتكون رايح الجاخور مع ربعك وسوالف ووناسه واترد بيتكم معزز مكرم وبين انك مطرود ومنحاش ومظلوم
الظلم يا ناس نار اتشب في صدر راعيها لواهيب ما يطفيها غيره سبحانه عساكم ما اتحسون بلواهيب الظلم .....
ومرت الايام وفيصل للحين ايكلم مي وحصه للحين تنطر اتصال من عبدالعزيز ولكن.... و والحاله صارت سيئه جدا من كل النواحي صاروا حتى لما الواحد فيهم يمرض يدش ببطاقة واحد ثاني وصاروا يتشفقون على الديره تشفق مو طبيعي حسوا بالغربه وهم في الكويت
فيصل ميييت وده يركب سيارته ويتمشى بشارع الخليج وده ايطول اخر حد على اغنية اصاله (امنيه) ..وايكون فاتح الدريشه
وده ايرد ايام الافنيوز والتمشي والسينمات حتى اللي بينفذون فيه حكم الاعدام ايقولون له شنو امنيتك الاخيره فيصل وده يتمشى بالافنيوز بحريه حتى لو اخر مره في حياته اشتاق لزيت وزعتر واشتاق لكريسبي كريم واشتاق للسينما ودرج السينما والبوب كورن كراميل واشتاق لكل الافنيوز متر متر اشتاق لزارا و H&M وحتى المسافط اللي صوب ايكيا ..مو بس فيصل حتى فهد اشتاق للدواوين وكل شي ...ولهت حصه على عبدالعزيز هو وطنها وغربتها وملاذها وسجنها وحريتها وهواها وسماها وارضها وكلللللللل شي ....حال عايلة فهد ما ايسر
مرت فتره طويييييله عليهم وهم في المنفى الاختياري الاجباري...وكان الشتا قااسي عليهم في برودته اللي حسستهم بضعفهم جدام بردنا المو طبيعي خصوصا انه الحاله الماديه سيئه ...واللي زاد الطين بله اقصد غرقه هو المطر كان قووووووووووووووووووووووووووووي بكلما تعنيه هالكلمه والجاخور اللي هم فيه لرفيج فهد وهو تحديدا لاخو رفيج فهد اللي بره الكويت عشان جذيه هم خذوه ورفيج فهد مو مهتم فيه كلللش لانه مال اخوه واخوه يكمل دراسته بره عشان جذيه الجاخور شبه مهجور وبنيانه تعباااان وفيه غرفه كانت اتخرررر بسبب المطر وحصه كانت تعبانه محتاجه الدكتور اتحس انها بتموت والالم قوي قرر فهد ايوديها الطبيب لكن امنعه المطر وحس انه محاصر ما يقدر يطلع غرررررررررررررررقه وبنته تتالم حس بضعفه وقعد يدعي بالمطر وهو يبجي يا الله انك اتشافيها يا الله ارحم ضعفي فانت القوي يا الله انك ترحمنا يا الله انك ترحمنا يا الله انك ترحمنا ..واستمر في الدعاء وحصه تصارخ من الالم وام فيصل تبكي على حالة بنتها الوحيده
اهلنا يقولون المطر خير لكن عايلة فهد حسوه جنه نار تشب فيهم مو مطر حسوا بانهم عاجزين حتى عن علاج بنتهم..اااااه من الظلم
والحمدالله خف الالم وداست حصه على نفسها وتحملت العوار الفظيع
كانت العايله تتابع برنامج مختص في شكاوي الناس
دق عليهم فهد
فهد :الو
المذيع: الو
فهد: اول شي انا احبك في الله
المذيع: حبك اللي حبيتني فيه
فهد: تسلم انا ضاقت علي وما لقيت الا هالقناه الشريفه وانا رجال صعب اشكي ولكن جبرني الوقت
المذيع: قول كلنا نسمعك والشعب كله يسمعك تفضل
فهد: انا ويا اهلي من ايام في الجاخور وبنتي تعبانه ولا نقدر نعالجها
المذيع: وليش ما اتحدرون الديره
فهد: ما نقدر ما عندنا فلوس ومطلوبين وعلينا ظبط واحضار
المذيع: هذي القروض وهذا اللي خذيناه منها كوييتيين عليهم ظبط واحضار معقوله هذا شي يحز في الخاطر احنا انوصل شكوتك للمسؤولين اليوم
فهد: واحنا صار لنا فتره طويله والله حتى الاكل ما ذقناه وبنتي عانوها بتموت وهي تحت نظري انا وين اروح وبجى..تكفووووووون ضاقت علي انا ما ابي شي انا رجال مظلوم
المذيع خانقته العبره: والله دمعتك عزيزه علينا و سكت ما عرف شيقول حس انه فهد صادق وتالم بصدق معاه
فهد: يا اخوي والله ثم والله انه حنا ناس مسالمين وما غلطنا بحق احد انا واهلي لكن مظلومين يا اخوي ابيكم تعطوني حل شسوي وين اروح
المذيع: ما تنظام وانت في ديرة الخير والله هذي الكويت يا مسؤولين وينكم عن هللي يصرخ وين صندوق المعسرين وينكم يا اهل الخير نبي فزعتكم ويا اخوكم
فهد: اخوي انا والله اشكر هالقناه اللي هي فعلا وايانا دوم تكفون المطر ما وقف عندنا والبرد ذابحنا والجوع قطعنا وبنتي تصرخ تبي الدكتور انا تراني رجال مقدر ومحشوم لكن الزمن جار وبكى بكى بكى تكفوووووون يا اهل الخير والله اتمنى الموت ولا اكون بهالموقف وبكى
المذيع بكى من اقصااااه.والله انا ما ادري شقول لكن ابشر بالخير والمكرمات يايه واهل الخير وايديين وانته خل رقمك عند الكنترول وابشر بالخير
فهد: يعطيكم العافيه
المذيع: يا كنترول اطلعوا فاصل انا ما اقدر اكمل سامحوني اذا بجيت لكن والله حالة الرجال صعبه اطلعوا فاصل او اغنيه الكنترول اطلعوا فاصل
(كلما زادت المحن حولها او قسى الزمن اصبح الناس كلهم كلمة في فم الوطن الكويت بلادنا الكويت الكويت الكويت بلادنا الكوييييييييييييييييييييييييييييت)
بعدما خلصت الاغنيه
المذيع: الو
احمد العصيمي : الو اخوي والله الكويت كلها بجت ويا المتصل اللي قبلي وانا اتبرعله بمبلغ ان شا الله انه يكفيه
المذيع: الله هذولي اهل الكويت نعم عند المشاكل والمصاعب تلقاهم على قلب واحد الله عليكم يا اهل دار ابو ناصر سلام عليكم والله انا افتخر اني كويتي يا سلام عليكم يا اخوان احنا ما نبي يكثرون امثال فهد هذا اللي خذيناه من التعصب والعنصريه اليوم نبي انكون كلنا كويتيين وبس والله انه حال فهد يصعب علي تعبنا مشاكل ملينا معقول فيه احد بالكويت ديرة الخير ايروح ينخش بالجاخور ما يلقى ياكل لا ما نبي نوصل لهالمرحله وين الاعضاء اللي قالوا بيطيحون القروض ؟ وين اللي وعدونا؟ خلونا نستقبل متصل اخر ....
وتستمر الاتصالات وامثال الضحيه فهد واااجد وضحايا مجازر الاستجوابات واجد
ووصلت التبرعات من هالقناه المحترمه الى فهد وفعلا عالج بنته وعدل بعص اوضاعه لكن الى متى

عبدالعزيز طلق حصه......وحصه من يومها وهي ما غير تبجي من تقوم لين تنام مهي قادره تتخيل وحده ثانيه تفرح فيه .....وفيصل وصل لمرحله من الاحباط واليئس انه صار يكره مي فيه خصوصا لما قالتله انه فيه واحد تقدم لها من يومها وهو يحاول اياثر عليها انها تتزوج وتشوف حياتها لانه هو مايقدر يسعدها لكنها مصره عليه ورفضت اللي تقدم لها لسواد عيون فيصل
فيصل: مي ليش رفضتيه انا خلاص مثل بيت الوقف ما مني فود شوفي حياتج وانتي اللي سويتيه وياي محد يقدر يسويه وبيض الله وجهج
مي: لو عطيتك ماي عيني مو كثير لو تشاركين سنيني مو كثير يللي ما حبيت عمري الا منك
تدري يا فيصل انا لو ما اسمع صوتك يوم اموت وانا اقوللك لو بعدت عني ترا بنتحر وانت المسؤول ما اقدر استغنى عنك لو شنو................
واتمر الايام وايشوف فهد العضو السنفور اللي احرمه من الجنسيه لما هدد بتقديم استجواب للحكومه طالع في التلفزيون وقال: الاستجواب قادم قادم والا
صارخ فهد: لااااااااااااااااااااااااااااااااااااااااااااااااااااااااااااااااااااااااااا
انتهت بحمد الله
كتبتها من الساعه 3:44 دقيقه الفجر الى 8:32 الصبح يعني تقريبا خمس ساعات بتاريخ 16\4\2009-
بقلمي
احمد خالد الصياح العصيمي العتيبي
 

احمد العصيمي

عضو ذهبي
مقتطفات من خطاب صاحب السمو الشيخ صباح الاحمد حفظه الله

وبعيدا عن الاعتبارات الدستورية والقانونية المتعلقة بتلك الاستجوابات ومدى انطباق
الضوابط القانونية بشأنها فهل من المستغرب ان يتساءل المواطن عن طبيعة تلك
الاستجوابات والممارسات وغاياتها الحقيقية؟ ! وعما اذا كانت تصب فعليا في مصلحة
الوطن؟ ! وعما اذا كانت تحقق اهداف من شرعها؟ !.

وهل يليق ان تتحول قبة البرلمان إلى ساحة للجدل العقيم والخلافات وافتعال الازمات؟ !
تعج بها الممارسات الشخصانية وعبارات التشكيك والاهانة بين ابناء المجتمع الواحد
خروجا عما الفه اهله وما جبلوا عليه من قيم فاضلة قوامها الاحترام والتقدير ؟! وهي
المنبر القدوة الذي تلتقي به امال الشعب ومحط انظاره والذي يتشرب منه ابناؤنا القيم
الديمقراطية وتبادل الحوار المسؤول وقبول الرأي الاخر.

إن ما آل اليه الوضع ايها الاخوة من تراجع وترد في الممارسة الديقراطية وما ترتب
على ذلك من تداعيات باتت تمس ركائز ومقومات امن مجتمعنا واستقراره يجعلوني
استشعر الخطر .. نعم بكل امانة اقول لكم انني استشعر الخطر كل الخطر ولاسيما ان
مناخا مضطربا بل متفجرا يضرب الواقع الاقليمي والدولي في شتى صوره الامنية
والسياسية والاقتصادية جميعا ولاشك ان هذا الوضع المعقد يحتم علي باعتباري ابا محبا
مخلصا لجميع ابناء هذا الوطن وقائدا مسؤولا عن شعب باكمله ان ارجع اليك وانتم اهلي
وعزوتي.

اخواني وبني وطني اتوجه اليكم ان تعينوني بقوة وانني على ثقة تامة بانكم حريصون
على ممارسة واجبكم الوطني المسؤول في حسن اختيار من يمثلكم في صون مصلحة
الكويت حاضرا ومستقبلا وتحقيق تطلعاتكم في وطن امن مستقر مزدهر فالكويت هي امنا
الحنون وانتم اهلها واحق بها فعضوا عليها بالنواجذ وتوحدوا حولها وتجردوا من
الذاتية الضيقة والعصبية البغيضة.


فالكويت العزيزة تستحق ان نفديها بكل غال من روحنا ودمنا ومن عزمنا وارادتنا وان
نتجاوز من اجلها المصالح الضيقة والكويت هي يومنا وهي امسنا وهي مستقبلنا
المعمور بالامل باذن الله.

 

احمد العصيمي

عضو ذهبي
اتمنى من المشرف يكبر الخط وشكرا

الحمد الله الزوار اكثر من 38 الحمد الله وصلت صوتي لكم
الله يحفظ لنا الكويت ..................ان شا الله انكم فهمتوا قصدي وشكرا
 

مستر بوسعود

عضو مميز
هذا العضو الفاضل اسمه احمد المليفى اللى الصدق والامانه قول وفعل ,,,, مومثل دكتورك المشبوه !!!
والجنسيه يستخف فيها فاقد الوطنيه ,,, والرجل مارس السياسه على اصولها ,,,
بين مواطن الخلل وكيفية علاجها والا الاستجواب ,,, فتم العلاج ومراجعة الكشوف وطلع اللى تبجى عليه عراقى !!!
ياليت تسرد لنا قصة الاستجواب المدفوع الثمن لمنع صعود رئيس الوزراء المنصه وخرب استجواب حدس اللى كل الاعضاء قالوا عنه (غير مستحق) تؤدبا وماقالوا ..... !!
مع ان التادب مع هالاشكال غير مستحق !!!
 

احمد العصيمي

عضو ذهبي
هذا العضو الفاضل اسمه احمد المليفى اللى الصدق والامانه قول وفعل ,,,, مومثل دكتورك المشبوه !!!
والجنسيه يستخف فيها فاقد الوطنيه ,,, والرجل مارس السياسه على اصولها ,,,
بين مواطن الخلل وكيفية علاجها والا الاستجواب ,,, فتم العلاج ومراجعة الكشوف وطلع اللى تبجى عليه عراقى !!!
ياليت تسرد لنا قصة الاستجواب المدفوع الثمن لمنع صعود رئيس الوزراء المنصه وخرب استجواب حدس اللى كل الاعضاء قالوا عنه (غير مستحق) تؤدبا وماقالوا ..... !!
مع ان التادب مع هالاشكال غير مستحق !!!
اولا انا اشكرك على جراتك وردك وروحك الوطنيه....انا ما قصدت احمد المليفي ولكني اتكلم بشكل عام عن اي عضو يقدم استجوابات ضد الوطن...وانت تقول دكتورك المشبوه؟ انا فهمت من تقصد ولكن هذي وجهة نظرك احترمها ولكني احترم اكثر من 12 الف عطوا صوتهم لدكتوري ...وما فهمت شتقصد بالجنسيه يستخف فيها فاقد الوطنيه؟...وانت تقول الرجل مارس السياسه على اصولها وانا اقوللك الله يعطيه على قد نيته....وانا ما بجيت على واحد عراقي..انا كتبت قصه من خيالي .....واخوي انا مو حدسي

اشكرك من كل قلبي على الرد ولكن للاسف فهمت قصدي غلط وحسبالك اني اقصد عضو معين حراااااااااام عليك هديت القصه ومعانيها وقعدت اتفكر هذا منو يقصد ؟
كلما في الموضوع اني انا كتبت قصه من خياااااااالي وقلت انه فيه اعضاء يقدمون استجوابات لمصالح الله واعلم هي شنو ولكن الضحيه هو المواطن بس لا اكثر ولي رجعه باقرب وقت لك اشكرك على الرد وان شا الله القى احد جريء غيرك شكككككككككرا
 

سنوكا

عضو فعال
الصراحة انا قريت المقدمة

واتمنى الله ينور بصيرتنا وياك قول امين
 

احمد العصيمي

عضو ذهبي
الصراحة انا قريت المقدمة

واتمنى الله ينور بصيرتنا وياك قول امين
امين وانا اشكرك انك تفاعلت وياي وقلت رايك وهذا المطلوب منا بهالوقت
وناطر رايك لنه يهمني

ان شا الله القى تفاعل اكبر واكثر والهقوه فيكم ما تخيب
 

احمد العصيمي

عضو ذهبي
..........وصل عدد الزوار حول ال 100 والردود 2

اتمنى ال 98 ايكون وصلهم المسج عدل واتمنى اني اكون قدرت اوصل فكرتي ولكن ينقصني الدليل والدليل بيدكم ناطركم
 

احمد العصيمي

عضو ذهبي
هذي قصيده للشاعر طلال السعيد قال فيها كذا شغله موجوده في قصتي
قال ولدي ليش البلد خربانة
والناس ليش وجيهها زعلانه
تقرا الألم بعيون كلمواطن
حتى الاماني غصونها ذبلانه
تشعر بأن الناس مو مرتاحة
لكن تسوينفوسها فرحانه
رغم ان ديرتنا بخير ونعمة
والمركزي خزاينه عمرانه
وبترولنا سعره تعدى حده
عدى على السبعين فوق الخانه
تشوف بعض الناستبجي جابر
وسنين حكمه وحكمته وايمانه
والبعض الآخر عايشن بالماضي
يبجيعلى الماضي بكل الوانه
من عاش بالماضي نسى المستقبل
جنه يصلي الفرض قبلاذانه
لكل وقت دولته ورجاله
ولكل عهد فرحته واحزانه
بس الوطن وحده هواللي باقي
الحق واضح ما يبي تبيانه
ياللي تغيب الناس قاعد نفسك
احفظوطنك اللي عزيز شانه
اقولها صادق من اقصى قلبي
ما هي سوالف دان داني دانه
حافظ على تراب الوطن بعيونك
خل المواطن يرتمي باحضانه
خله يحس انالبلاد بلاده
واهمها كرامته منصانه
يا ناس ملينا نصيح وننخى
شفنا القهروقلوبنا مرضانه
قمنا نشوف اوضاع ما تعجبنا
بوق البلد والذمة العطلانه
العسكري يحرم من الجنسية
اللي على كفه يشيل اكفانه
حامل سلاحه يسحبوناثباته
ونجنس الفنان والفنانه
والآسيوي واللي بعد متعاون
والبهلوانوشلة الزفانه
كن البلد خالية من اهل الشيمة
صفت على الطبال مع طيرانه
حنا بلانا قوم كله واحد
ريال لو هو ما سوا نصانه
ريال لو هو ما يدلالجبلة
ريال لو قلبه بدون اديانه
ريال بس بغترته وعقاله
وان كثرتالقالات عزمه خانه
والاجنبي الملعون نافش ريشه
وراعي البلد متكسرة جنحانه
ناس تنام بظف حضن ضافي
وناس تنام ظهورها بردانه
واحد تشوفه صاحيومتعافي
وواحد ظما جوفه طوى مصرانه
شخص يجي مرتاح ناسي همه
وشخص يتلبدخايف الديانة
ناس حدر خط الفقر مدفونه
وناس على حد الطغا بطرانه
تدرونوش خرب لغم ديرتنا
حتى تكافلنا هدم بنيانه
المستشار اللي يطيح حظه
منيوم دش البيت هد اركانه
حط الحواجز بين اهل الديرة
الله يلعن خاله وعمانه
سياسته فرق تسد معروفه
غير الدجل والكذب فيه خيانه
لا خير فيه ولا يخافمن الله
قلبه غشيش وضحكته دزدانه
ملعون من ساسه لحتى راسه
معنا سنينولا صفا وجدانه
عطوه جنسية وصار كويتي
وبالقصر الاحمر وذبحوا جدانه
الله واكبر صار مثله مثلي
حسبها صح وحسبتي خسرانه
دش السباق ونافس اهلالديره
غصبن على الزعلان فاتح فانه
لا تحسب ان الشعب ساكت راضي
يجيهيوم وينفجر بركانه
يجيه يوم وينتفض ويبادر
مثل السجين اللي سجن سجانه
الوضع سيئ صار من اسوأ لاسوأ
وضع الخطأ والتجربة برهانه
صرنا بواديوالحكومة بوادي
ما فيه محسن يغمرك باحسانه
يعني تشوف اللي يشيب راسك
كيف الوطن ما يلتفت لانسانه
منهو لقا مسؤول فاتح بابه
ومنهو لقا مسؤولفي ديوانه
لا شيخ لا مسؤول يسمع صوتك
كل عن الشكوى يسد اذانه
ومنهو كتبمكتوب وحصل حقه
ما جاه رده لو كتب عنوانه
المرجلة والبخل ما تتوالم
مافي بخيل المرجلة ميدانه
البخل هو ساس الردى واسبابه
والرجل عينه والعقلميزانه
والصقر ما عمره كلا من الجيفة
والذيب ما ياكل لحم ذرعانه
والعودالاصلي لا بغيت تعرفه
عند احتراقه يعجبك دخانه
اللي يبينا نقدره ونهابه
لازم يحسسنا بأنا اخوانه
واللي يبينا نرغبه ونعزه
ما يجاهد التاجر علىدكانه
واللي يبينا نسمعه ونطيعه
يخاف فينا الله قدر امكانه
واللي يبيمنا نقبل خشمه
لا يوقف الحارس على بيبانه
ما يستوي منصب قوي وتجاره
منصادها صارت عشا ورعانه
من حاش منصب جاك شايف حاله
يمشي كما الطاووس جراردانه
لا جيت تطلب من جنابه موعد
والا طلبته حق جن جنانه
لازم يدورالحول وانت تراجع
والناس ليلك كلها قرفانه
بين السكرتيرة ومدير المكتب
ما بين هالتعبان والتعبانه
الكل منهم دايمن متجهم
ما يبتسم الا لطبيباسنانه
هو يعتقد انه ملك هالكرسي
والا بعد ما خذ عليه ارهانه
كم فيبلدنا من وزير سابق
لو ما نسوه تعمدوا نسيانه
كل يقول ابعد وريح بالك
لا تنصحه تصير من عدوانه
لا صار رزق البر خيره وافر
انت شتبي بالبحروبحيتانه
اقولها ما اهاب وارفع صوتي
شي بقلبي جايد كتمانه
واللي بيزعليا عسى ما يرضى
ما اعبر الحمقان والحمقانه
ولا همني من يرسل ويتوعد
تحظر شياطيني ان حظر شيطانه
واش بيحصل ازود من اللي حاصل
ازود منالتهديد بالزنزانة
العز للرجال رفعة راسه
ومن ذل ذل وزوده بنقصانه
لامستحي والله ولاني خايف
كل على حقه طويل لسانه
لابد يشهد مسرح الشامية
للي وقف له وقفة مليانه
ما هو بلا ليا حجا يلتفت
يخاف حتى فرصة الذبانه
من قال ديرتنا تشكا منا
بيت الشعر ما يشتكي عمدانه
 

احمد العصيمي

عضو ذهبي
.......................................................................................................................................
 
أعلى