الحربش ظهر عنه خبر قبل قليل في الراي ان اخوه تاجر مخدرات ومقبوض عليه ممكن تاثر عليه اعتقد
اولا مايجوز تثيرون الاشاعات كلمه حق الرجال طيب ومن بيئه طيبه والنعم فيه وباهله مالقيتوا شي ماحطيتوا بالاوادم اتقوا الله
ثانيا لوفرضنا الخبر صحيح المرشح الحربش اهو اللي نازل ماله شغل بموضوع نفسه
ثالثا الى اين ذاهبون الانتخابات خلت كل المرشحين واهل الكويت فاسدين والله عيب انك مااحترمتوا خصوصيه الناس ودخلتوا حتى اهلهم بمهاترات الانتخابات والاشاعات البطاله
رساله لكل شخص يقول ((قالوا وقلنا)) او((سمعت)) رجاء لاتتطرقون للفتن وسمعه الناس سواء كنا من مؤيدين للمرشحين او من المعارضين لاطروحاتهم
مهما كان كل اهل الديره وتطرقكم لمواضيع فاشله وتثير الفتن على سمعه الناس سواء المرشح الحربش او غيره هذيل اهل الديره واللي يتطرق لمواضيع بالشكل هذا كانه يتكلم عن اهله او اخوانه
بالنهايه الانتخابات ماتغير احترامنا لبعض وسمعه اهل الديره الاجواد اول وتالي احنا اخوان ويجمعنا حب هالوطن وصدقوني ان ماجمعتنا هالانتاخابات بالخير مانبيها تفرقنا وتشحنا على بعض
لاهي من عادات اهل الكويت ولامن عادات دينا الحنيف خلنا نتعاون مع بعض لاجل رفع شان هالبلد الطيبه واستقرارها واحترامنا لبعض لو اختلفا بتوجهاتنا
لانجعل قله الادراك فينا تخلي الواحد يثير اي اشاعه ممكن تاثر مو بس على صاحب العلاقه لا تاثر على نفسيات الكويتين وتنقل بينا الحقد والكراهيه لبعضنا
خلوا المنافسات شريفه وبلى تبلي ولااشاعات والله يوفق الجميع وكل شخص عاش بالديره الطيبه وعسى الله يسخر اهل الكويت لبعض ويبعد عنا الفتن والمشاحنات والله تعبنا
لا ولن يرضى اي كويتي على اي اشاعه تنقال عن اي كويتي موصحيحه خلوا الناس بحالها
واتقوا الله بنفسكم وبديرتكم شي يحز بخاطر كل مواطن انتخابات اعتقدت بتوحدنا كلنا
وبتوصل كلمتنا وتجمعنا باسم الكويت ومصلحتها واستقرارها الداخلي للاسف بدينا نتفرق باطروحات وتعنصر شبيه بالاعمى
كل عيال الكويت فيهم خير دام ربو بديره السلام والخير ديرتنا قدرت توقف بوجه الكل وتنشر
السلام واحنا اللحين محنا قادين ننشر السلام بينا والاحترام للاسف
خلونا نحتفل بالعرس الديمقراطي ولكن بعيد عن المشاحنات
الكــــــــــــــــــــــــــــــــــويـــــــــــــت عـــــــــــــــــالــــــــــــــيـــــــــــــــــه وغـــــــــــــــــــــــــــــــالـــــــــــــــــــــــــيــــــــــــــــه بقلوب اهــــــــلـــــــها
