سؤال وجواب عندي استفسارين بخصوص الانتخابات (ارجو المساعدة)

[مهذبة]

1- اخواني وخواتي ابي اعرف معنى مصطلح ( الصوت المقطوع) في الترشيح

2- اما سؤالي الثاني اذا صار تعادل في الاصوات من الترتيب العاشر الى الحادي عشر اي مرشح مركزة عاشر متعادل مع الحادي عشر شنو يصير في هاذي الحالة اكرر متعادل في الاصوات ( شنو الحل ) اتمنى وضع جميع الحلول من اخوانا في المنتدى الكريم
وشكرا

 

[بو عصام]

1- مقطوع يعني عدم استخدام الحق بالكامل....يعني لك الحق التصويت لاربع مرشحين..لكن يتم التصويت ل 3 او 2 او 1 مرشحين ( يقطع الحق الكامل)
2- بالقرعة

 

[مهذبة]

مشكور بوعصام بس عندي سؤال ثاني
في الدائرة الثالثة مرشح اسمة (( سليمان الصفار )) ترتيبة الاخير عدد الاصوات صفر
يعني شنو هاذا وين الاهل هو نفسة ليش ماصوت لنفسة
شغلة تحيررررررر
اتمنى اتفيدني بموضوعة؟؟
وشكرا لك مرة اخرى

 

[بو عصام]

اليوم قاعدين نناقش وضعه....هو نزل الانتخابات علشان يستمتع بالاجازة فقط ...وصوت لغيره

 

[مهذبة]

بس الصراحة ماتسوى فشيلتة في الدوام

 

[alqiser]

انا اؤيد كلام اخوي بوعصام في كل ما قاله
ولكن سليمان الصفار مدري شلي قرده وخلاه يدش حتى لو حق الاجازه بس فشله صفر
واتوقع ان ما عطى نفسه يمكن لانه مترشح بدائره مو بدائرته وهذا الي كنا نتكلم عنه بداوانيه اليوم نفس المو ضوع بالضبط

 

[k7elan]

نزل الانتخابات يمكن لأجل يسهل له التقاعد من العمل

اذكر احد شيبانا نزل هو و زميله بالعمل بالثمانينات ما حصلوا الى 5 و 7 اصوات على التوالي

 

[bye]

اعتقدانه نزل عشان الاجازه

 

[العازمي1]

احمد الفريش نزل عشان أجازه وحصل 138 صوت وتوه راد من السفر