عندي موضوع وكنت ابي اطرحه قبل الانتخابات لكن سأهاجم من عموم المنتدى بسبب التعصب لمرشحينهم والان ارى ان هذا الوقت مفضل لطرح هذا الموضوع.
واتمنى من الشباب تفهم وجهت نظري لاني الي اليوم وانا مالي وجه اقابل عيال المنطقه الرابعه (المنطقه التي صعقتنا بمخرجاتها الممتازه)
استقرب من الناس اللي يقولون الجهراء وخذت او اللي يقول الجهراء مالها ممثلين المفروض تقولون الجهراويه ظلموا انفسهم بسبب مخرجاتهم.عنزه
بالبدايه اتكلم عن مخرجات القبيله الاكثر عددا عنزه الويلان اهل الفزعه مخرجات الملتزمون سيئه مع التحفظ على اسم علي دخيل لانه شيخ دين ومافي ميزه غير انه شيخ دين واخلاق والافضل منه التوجه الي الدعوه وترك السياسه لاهلها لانه يفقه بالدين ولا يفقه بالسياسه,وبعده ابي اتكلم على ولد منيزل طلال منيزل وابن الوز عوام انتم فاهميني طبعا ,والثالث خضيرالعنزي ابو المزارع الحدسي اللي كان يشتري اصوات الحريم بال2006 بجناط ماركات وهدايا والحلاق اللي كان مأجره للمشترى (حلاق اكرم قطعه 4أ) وصحبته معا زيد شلال شريكه بشركه النقليات. وعسكرالبقان ابن الحلال مو جهراوي لكن يخدم الجهراء فما ودي اتكلم عنه, واخيرا وليس اخرا جمال العلاطي عضو جمعيه الجليب ماراح اعلق عليه لانه مو جهراوي.الظفير
وثانيا الظفير الشعطان اهل السبيب المتدلي والضعن المولي وهذه القبيله كان مشاع عنها انها تقدم دائما مخرجات ممتازه لكن للاسف خبقوها مؤخرا بمخرجاتهم حيث نبدأ بحسين جليعب ونعم بأبو عمر خريج شريعه ومتدين وملتزم وينطبق عليه نفس الكلام اللي قلته بعلي دخيل بالاضافه الا ان له مشاكل داخل القبيله وخارجها وتصرفاته غير موزونه من السلف الي السلفيه العلميه ومن السلفيه العلميه الى حزب الامه ومن حزب الامه الي احظان القبيله او بالاحرى حزب الظفير,وثانيا ثامر السويط عضو جمعيه العارضيه احتفظ بالتعليق عليه لانه مو جهراوي.
شمر
وثالثا شمر الطنايا شمر السناعيس منوخه الشيوخ اهل الحميه كان عندهم مخرج جيد لكن للاسف قام يتخبط وقام يخدم التكتل الشعبي او بالاحرى صار مندوب عند مسلم البراك واللي هو ابو خليفه محمد الخليفه حيث ضيع على شمر فرصه التحالف القوي اللي يخدم شمر والمنطقه وكان راح يكون ترتيبه من الاربعه الاوائل,وثانيا مطر طليحان اخو دبيه وهذا الشخص ما ودي اقول فيه شي غير انه ابن الحلال لايفقه شي بالسياسه لكن كان كلامه منطقي وتصرفه منطقي وتصرف رجل من حيث رفضه لمحمد الخليفه المتكبر .
العجمان
العجمان اللي لاقعدو سلاطين ولاقامو شياطين هلا الوادي الشجعان لكن للاسف ابن حذيان محمد بن حذيان ونعم الحموله لكن الرجل جيرانه مايعرفونه وقام يخدم العدواني وحط نفسه تحت تصرف العدواني اللي استفاد منه ولا نفعه.
حظر الجهراء(قرويه الجهراء)
اهل القصر الحمر واللذي استوطنو الجهراء منذو زمن وكانت لهم مواقف وعندهم مخرجات ممتازه لكن لم تحاول النزل في الظروف الحاليه لان الساحه لاتخدمهم ولكن اخرجو لنا ابن الحلال صالح السعيد الي احسن له مانجح لانه لو نجح معا اول استجواب راح يبجي ويجيب اخته تحظر الجلسه معاه وتقول له شنو يسوي.
والقبائل الاخرى لم يكن لها ممثلين جهراويه
وهذه وجهت نظري المتواضعه ولو ان الجهراء طلعت مخرجات جيده وشكلو تشكيلين فقط لكانو سيحصدون 8 كراسي على الاقل لكن لاحياه لمن تنادي.
واتمنى من الشباب انهم يتفهمون وجه نظري ومايقيسونها بعصبيه والملاحظات لاتمثل طعن بالاشخاص لكن تعليق على توجهاتهم السياسيه فقط وشكرا.
واتمنى من الشباب انهم يتفهمون وجه نظري ومايقيسونها بعصبيه والملاحظات لاتمثل طعن بالاشخاص لكن تعليق على توجهاتهم السياسيه فقط وشكرا.