Scope تدعم الحملة ضد الخرافي للرئاسة.!!!!

[محرر مجهول]

السلام عليكم ورحمتة الله وبركاتة

يالربع على سكوب من شوي ..نقاش بخصوص رئاسة الخرافي وهجوم ضد الخرافي وطالبين

إن يتنازل ولا يدش الرئاسة

أنا مستغرب من سكوب شغلة..ولأول مرة تهاجم الخرافي على ترشحه " مع إنه حرية دستورية" ...وتطالبه بالتنازل

شي غريب....!!! ​

 

[دون كيشوت]

Scope تدعم الحملة ضد الخرافي للرئاسة.!!!!

شعره من جلد الخنزير .. بركه

 

[تك تك]

كلمة عاقل طلعت من راس مجنون

 

[فيصل البيدان]

لأنه في نواب يهمهم ترشيح عمهم الخرافي
علشان يستفيدون من البخ اللي تحت الطاولات
و بعضهم يحصله شاليه في بنيدر
و قطع ارضي سياحية في مرسي علم

أعضاء ذمتهم وسيعه
و يقولون لربعهم هذي هدايا مو رشاوي
و الهدية حلال حلال حلال​

 

[الدبلوماسي]

صدقت سكوب وهي كذوبه

 

[راعي البويضا]

الظاهر يبون الخرافي يدسم شواربهم

فايز مابجا بالحلقه وقال يالخرافي تنازل عن الرئاسه لجل الوطن ويقول لفراج زيد قطرة العيوني بعيوني يافراج عشان تبين الدموع

قناة حقيره اكرها كره مابعده كره متاجرة الام اللناس وقناه عاهات وخبال

الا بو عيده مااشوفه لايكون بلوتوث مقر مسلم خرب عليه

 

[الامل]

نعم البلد في تغير ونحنو بحاجة إلي تغيير رئيس المجلس

فقد تغير اعضاء المجلس بنسبة كبير .......... وهناك مطالبات بتغيير نهج اختيار الوزراء

فلابد من تغيير الرئسة ( الفرق بين الخرافي والسعدون كبير)

 

[محرر مجهول]

عالعموم
عندي مصادري الخاصه واتوقع أحتمال الرئاسة للخرافي
لان حركات سكوب غير محببة عند الشارع الكويتي
وإلي صار مهزلة..وقناة سكوب لازم يكون لها حد بكل أمانة:إستنكار:
أمانه..صالح السعيد ينصح الخرافي.؟
الله يعين
هالشي راح يخلي الخرافي يزيد أصراره بالترشح.!

 

[القطري]

مدري شسالفة قناة سكوب على العم جاسم الخرافي لحساب العم احمد السعدون !!
لننتظر اصوات العمام اعضاء مجلس الامة للعم جاسم الخرافي او العم احمد السعدون ..
اللي يعرف احد من العمام موظفين مجلس الامة او العمام الفراشين يقدر يعرف لمنو الرئاسة

 

[مشعل]

قناة مالها مذهب..............

 

[سنوكا]

اتمنى من القناة التمهيد لوصول النائب التوافقي مبارك الخرينج

 

[صوغان]

قناة مالها مذهب..............

جبـتها :إستحسان:

 

[يوسف المطرف]

حملة سكوب ضد الخرافى ..اشبه بصراخ صغار الطيور الجياع لأمهم
يبون فلوس

 

[بوكهرب]

ما اعرفه ان سكوب دايم تطلب استضافة الخرافي وهو يرفض او ما يتنزل الظهور في قناتهم

ويطلع بالراي والوطن وهم يشرهون عليه على الهوى اما الخافي اعظم

 

[خوش واحد]

عقب انتخابات المجلس ، جربوا الرياضه ، جربوا الفن ، ورجعوا مره ثانيه للسياسه ، البيئة السياسية خصبة للأموال والتجارة ، تبي تصير تاجر هاليومين افتح لك قناة واطرح مواضيع سياسيه حساسه ، وطرشلي مسجات اكثر احبك اكثر خل حبنا يوم عن يوم بالسياسة يكبر + وايد حلو الديكور اليديد.

 

[صقر قريش]

الخرافي خير
السعدون بركه

 

[بـارود]

يعني مافي بهالبلد إلا الخرافي وذاك الولد

 

[حـبـر مسكـوب]

والله ياجماعة أنتو فاهمين الدنيا بالمقلوب .. عبالكم ان قناة سكوب لها استراتيجيات وتمشي بشكل منظم على بعض الاعضاء ومادري شنو .. حسستوني انها موساد .. وبالصج اهيا ضايعه اهم شي جم واحد ماينقطع صوتهم ويتصلون وفلوس المسجات

يعني بالمشرمحي هالناس يدورون مشاهدين وخاصه ان الموضوع الطاغي بالديره اهوا السياسه .. فا قاعدين يغازلون ميولكم .. ومثل السعدون والخرافي اكبر من هالقنوات طايحه الحظ

 

[عليا]

عقب انتخابات المجلس ، جربوا الرياضه ، جربوا الفن ، ورجعوا مره ثانيه للسياسه ، البيئة السياسية خصبة للأموال والتجارة ، تبي تصير تاجر هاليومين افتح لك قناة واطرح مواضيع سياسيه حساسه ، وطرشلي مسجات اكثر احبك اكثر خل حبنا يوم عن يوم بالسياسة يكبر + وايد حلو الديكور اليديد.

صح :إستحسان: