لـو كثير الهــم تنقلـه السطو ر
ما لقاله وسط خفاقي مـــــراح
ما دفعني للشعر حب الظهور
ولاحلمت القى على صدري وشاح
بس اهــــــدّي كل بركان يثور
يستريح القلب وألا ما استراح
الحناجر تشتكي منها القــبور
والظروف تزيد فالقلب الجراح
يغفر الله والبشر ما هو غفور
والحظيظ اللي نفث همة وباح
الوفا للناس تحفظــــه الصدور
يا صدوراً علـــــــمتنا الانشراح
للحلم قصة يرددها الفـــــــتور
وقتها طول وطالبها الكفــــاح
في ثناياها زهر واجمل عطور
ووجه فتنة صد عن وجهي وشاح
وأنت ياللي تمتحن قلب صبور
غرك بقلبي عدوله والسماح
علمك وقتك على مثلي تجور
زان لك في خافقي ضرب الرماح
ما دريت اني بشر دمه يفور
ما انخفض للذل في صدرة جناح
للوصل كم لي وأنا ابني جسور
كل جسراً تكسره هوج الرياح
ما لقيت بصدرك لودي حضور
ولا لمست لجيتي زود ارتياح
كيف ما ودك يطيرن الطيور
لا نكرن صوتك وظمين للقراح
جيت لك يوم الثرى ينبت زهور
ورحت يوم القاع للذنب استباح
باعتبر ما صار لي طيف يزور
او حلم ليل..... ويقتله الصباح