شفتو شلون !

[العجيز]

نائب يتوسط لطالبة غشاشة


كتب ابراهيم المليفي_جريدة القبس

علمت "القبس" من مصادر اكاديمية داخل كلية الحقوق ان نائبا من الدائرة الخامسة حاول التوسط لطالبة ضبطت متلبسة، وهي في حالة غش لدى عميد الكلية الذي حول الموضوع إلى احد اعضاء لجنة الكنترول، واكد المصدر ان عقوبة الطالبة وهي الرسوب في جميع المواد قد تم توقيعها، ولكن النائب اصر على ايجاد حل ما لتلك القضية.

http://www.alqabas.com.kw/Article.aspx?id=509583&date=16062009​

*********​

حسره علي انا
معدل جيد جدا .. ومستوفيه جميع الشروط.. ملف العمل نظيف لا تأخير ولا خصم ولا عقوبه حتى لفت نظر مافي ولله الحمد.. درجه 3 خذتها بجداره بالافضليه!
وميته على دراسات عليا او حتى نقل ولا عضو وقف معاي !! الكل يقول ان شاء الله وهذا وجه الضيف !! غسلت ايدي منهم وربي واسطتي
لكن عضو متعني ورايح كلية الحقوق يتوسط حق محاميه المستقبل الغشاشه !! اسمحولي عاد !! الظاهر بكره يعينها عنده محامية نص كم !
ميته واعرف منو هالعضو !!!​

 

[الجوكر العظيم]

اعذريني بس اليوم حاس طافي

شالمشلكلة
؟

يعني مافهمت شالي غابن العجيز
؟


​

 

[السلطاني]

إبتسمي ...إنتِ في الكويت​

 

[العجيز]

اعذريني بس اليوم حاس طافي


شالمشلكلة
؟

يعني مافهمت شالي غابن العجيز
؟​

الجووووووووووووكر
شفيك اليوم ؟؟؟؟!!!!!!!!!!!!
اقولك اعضاءنا الافاضل مما يبون كويتي يشتغل ولا كويتي طموح
يبون اللي نايم ورزقه يجيه للبيت
يبون الغشاش
يبون اللي يطمر القانون
اما احنا الفقراء لله ما يبونا نأب على وش الدنيا
لكن حسبي الله ونعم الوكيل على هيك اعضاء
مو قالوها
هيك شعب بدو هيك اعضاء
يضربو شو تلفانين

 

[العجيز]

إبتسمي ...إنتِ في الكويت​

اولا شكرا على التنسيق
شسوي وانا اختك من حر مافيني جبت الموضوع ورضخته بالمنتدى من غير لا انسق
لان بوقتها ماني حول لا تنسيق ولا شي
اما الابتسامه ان شاء الله ببتسمها بس مو الحين
لما نفتك من هالاعضاء التعبانين

 

[خـالد]

لو تخصصها إدارة أعمال نمشيها ، بس حقوق وعضو مجلس أمة يتوسط لها؟؟

 

[Normal]

لا والله مو حسره عليج .. ما ينقصج شي ..

بس الملفت بالخبر .. ان سياسه التشهير بالنواب ماشيه هاليومين

وخصوصا ضد نواب الدائره الخامسه .. غريبه ..

مع العلم ان تصرفه خاطئ ..

 

[العجيز]

لو تخصصها إدارة أعمال نمشيها ، بس حقوق وعضو مجلس أمة يتوسط لها؟؟

همن لو ادارة تمشيها !!!
لو ادارة جان يحطونها بمكان يبونه هم ويمشون الامور من تحت ايدها وهي خامره ما تدري وين الله قاطها
المبدأ خطأ
حتى لو طباعه مو محاميه

 

[العجيز]

لا والله مو حسره عليج .. ما ينقصج شي ..

بس الملفت بالخبر .. ان سياسه التشهير بالنواب ماشيه هاليومين

وخصوصا ضد نواب الدائره الخامسه .. غريبه ..

مع العلم ان تصرفه خاطئ ..

بو النيف
اذكر الله
اي تشهير؟؟
يعني فوق شينهم قواة عينهم!!
دام صار انسان معروف يتحمل اي كلمه تنقال على تصرفاته
وله لان من منطقه خامسه او رابعه تأبى الكرامة يعني؟؟
هو يمثل الكويت قبل لا يمثل دائرته
لكن ما بني على باطل فهو باطل
واحد طلع بخرق قانون وفرعيه تتوقع كل معاملاته للناس بتكون قانونيه ؟؟!! اكيد بيخرق القانون لهم لانهم هم خرقوه عشانه
وعن نفسي ما اشهر بأحد الا من حر مافيني .. يعني انا اللي ماشيه صح وبالقانون مقدر حتى اسجل دراسات عليا؟؟ يقولون التسجيل بالافضل واللي خدمو اكثر سنوات !! واعرف ناس خدمو اقل مني ومعدلاتهم اقل وانقبلو ليييييييييييش؟؟ لان العضو فارس زمانه راح يتوسط لها ؟؟ ولما اروح ابي احتج يقولون استثناءات !! وان بالله شنو؟؟
خلها على الله ديرة بطيخ وحارة كل من ايدو الوووه

 

[الجوكر العظيم]

الجووووووووووووكر
شفيك اليوم ؟؟؟؟!!!!!!!!!!!!
اقولك اعضاءنا الافاضل مما يبون كويتي يشتغل ولا كويتي طموح
يبون اللي نايم ورزقه يجيه للبيت
يبون الغشاش
يبون اللي يطمر القانون
اما احنا الفقراء لله ما يبونا نأب على وش الدنيا
لكن حسبي الله ونعم الوكيل على هيك اعضاء
مو قالوها
هيك شعب بدو هيك اعضاء
يضربو شو تلفانين

ليش انتي للحين ما توظفتي
؟

ماعليج منهم
انتي احسن من هذي الطالبة الغشاشة
اقل شي ما احتجتي لاحد
فاهمة تخصصج مو ضايعة بالطوشة مثلهن
اكيد مروا عليج هالنوعية , شهادة لكن لو ينسألون في تخصصهم مايعرفون يجاوبون
قولي الله لا يحدني على هيك اعضاء
لان لو انحديتي عليهم
بتكونين انتي و الغشاشة واحد
:إستنكار:

العصامية قمة المتعة في الوصول للاهداف
اما حب الخشوم وال.....
مادري


تحياتي

​

 

[Hope]

هذا هو فيتامين واو .. و ما أكثر من يبحثون عنه

إما " لإسترجاع " حق مسروق أو لـ " سرقت " حق الغير ..!

على الإنسان أن يتحمل المصاعب و الظروف و لا يلجأ لمن

يستغل حاجته .. و قد " يلبي " طلبه و قد لا يفعل ..!!


دمتِ بخير ​

 

[العجيز]

ليش انتي للحين ما توظفتي

؟

ماعليج منهم
انتي احسن من هذي الطالبة الغشاشة
اقل شي ما احتجتي لاحد
فاهمة تخصصج مو ضايعة بالطوشة مثلهن
اكيد مروا عليج هالنوعية , شهادة لكن لو ينسألون في تخصصهم مايعرفون يجاوبون
قولي الله لا يحدني على هيك اعضاء
لان لو انحديتي عليهم
بتكونين انتي و الغشاشة واحد
:إستنكار:

العصامية قمة المتعة في الوصول للاهداف
اما حب الخشوم وال.....
مادري


تحياتي​

موظفه الحمدلله بس بأتعس وزاره عرفها تاريخ الكويت
انا ما اقول اني باخذ حق غيري
لكن شرايك بوحده 4 سنين مو قادره تدرس وبفلوسها ؟؟!
لا الدوام يعطي تفرغ .. ولا التعليم العالي مرات يوفر التخصص .. ولا جامعة الكويت اقدر احصل فيها مقعد دراسي
ولما فكرت ارتقي بنفسي واغير الوزاره جود ينفك النحس همن ماكو فايده !! والله ناس قاعدين بكراسي مو لهم.. يعني وحده مو تخصصها وقاعده على الكرسي وانا اللي تخصصي مقدر حتى افكر فيه !!!!!
الحمدلله انا احسن من غيري والله لا يحوجني للاشكال هذي التعبانه.. وماني مأيسه من رحمة ربي..
ان شاء الله باخذ حقي دنيا وله اخره

 

[العجيز]

هذا هو فيتامين واو .. و ما أكثر من يبحثون عنه


إما " لإسترجاع " حق مسروق أو لـ " سرقت " حق الغير ..!

على الإنسان أن يتحمل المصاعب و الظروف و لا يلجأ لمن

يستغل حاجته .. و قد " يلبي " طلبه و قد لا يفعل ..!!



دمتِ بخير ​

لان احنا ناس نحب نحط رقابنا بايد هالاعضاء
وله اعضاء يلعبون فينا لعبة الشطرنج؟! يشيلون وينقلون على كيفهم؟
واذا جيت بتعترض بيقولون هذا ولدنا وفلان صوت لي وعلان وقف معاي
واحنا شنو بالله ؟!؟! عيال البطه السوده ؟؟؟
حسبي الله عليهم دمرونا والله لا يسامح من طلع هالاشكال

 

[@Noura@]

حبيبتي العجيز ..

مو معنى كلام انكتب في الجرايد إنه صحيح ..!

كثير من الأخبار للأسف هدفها مادي فقط ..وتلاقين فيها مسبة وتنقيص من شخصيات حتى يضرب معاه الخبر ..!

وإن افترضنا وجود هذا الشي فليس بغريب في ديرة الكويت ..!!

في وزارة التربية مثلا يصل شخص إلى كرسي متقدم في الوزارة وهو ما معاه شهادة تؤهله لذلك ..

كيف حصل هذا يعني ؟؟

الواسطة أصبحت في كل شي بيننا ..وهذا مو فــ ديرة الكويت بس

لكن تلاقينها في كل بلاد العالم ..!

واللي ما معوش ما يلزموش .!

 

[العجيز]

حبيبتي العجيز ..

مو معنى كلام انكتب في الجرايد إنه صحيح ..!

كثير من الأخبار للأسف هدفها مادي فقط ..وتلاقين فيها مسبة وتنقيص من شخصيات حتى يضرب معاه الخبر ..!

وإن افترضنا وجود هذا الشي فليس بغريب في ديرة الكويت ..!!

في وزارة التربية مثلا يصل شخص إلى كرسي متقدم في الوزارة وهو ما معاه شهادة تؤهله لذلك ..

كيف حصل هذا يعني ؟؟

الواسطة أصبحت في كل شي بيننا ..وهذا مو فــ ديرة الكويت بس

لكن تلاقينها في كل بلاد العالم ..!

واللي ما معوش ما يلزموش .!

مافي دخان من غير نار
بس لان العضو عنده حصانه ما يجيبون طاريه صح ؟
على العموم اشكال غريبه احنا طلعناها بأدينا مثل ما يقولون على نفسها جنت براقش
واعتذر عن المثل لكن هذا اللي حاصل
نطلع ناس وعقب نقعد نتذمر وليش وشحقه ومش عارفه ايش
المظلوم يحس بالحرقه..بس اللي مرتاح مريح راسه ولا يفكر باخوانه وخواته المظلومين
مثل ما يقولون مالي ومال خلق الله دام شغلي ماشي
بيجي يوم وتحسون باللي احس فيه وحزتها تعرفون ليش انا مقهوره