المضـــــايقــات و التحـــــــرشات لبنــــات النــــاس

[أ ب ت]

..

موضوع طيب


حاليا العكس اللي اعرفه البنات اهمه اللي يبادرون ويرقمون ..ويغازلون ..

بعدين على طاري التحرش .. حتى الصخله يتحرشون فيها ..وقفت على المستوره والغير مستوره ..مرضضض

-------------------------------------------------------------------
مادري ليش تذكرت النائبه اسيل العوضي

 

[آصال]

تذكرها على راحتك ..


لا تمت لي بصله ولا يعجبني فكرها البطــالي ..

 

[ABDULRAHMAN]

..


بعدين على طاري التحرش .. حتى الصخله يتحرشون فيها

لأنها صخلة

و ما يتحرش فيها إلا التيوس

 

[الجوكر العظيم]

يا جوكر .. يا عظمة :وردة:


ياخي .. انت الله يهديك قطيت اللوم كله على الشباب ..

انا مو قاعد ادافع عنهم ... لان اصلا اشوف اغلب شبابنا للأسف تافهين

لكن اللوم بعد على البنات الله يهديهم

لكن بما ان الشباب عادتاً اهم الي المفروض يبادرون .. فالصورة تكون عليهم


الشاب المحترم .. راح يبين من خلال تصرفه .. و البنت المحترمة راح تبين من خلال ردّة

فعلها ..

طيب لو ان الشاب غير محترم و راح تحرش بوحده .. اهو مو عارف اذا اهي زينه ولا لا

و صدّته .. المفروض يستحي على ويها و يقول هذي بنت محترمة و لازم اوخر عنها

لكن تجاربه السابقة بتقوله : استريييييح بس .. ياما بنات تصددوا بالأول بس بعدين

يوم شافوك " تبيهم صج ! " رضوا ..

فاللوم مو بس على الشباب .. اللوم بعد على البنات



شوف .. لو ان الولد هذا مو لاقي تجاوب من بنات من قبل بنفس الأسلوب هذا المهين

جان ماشفته يكرر هذا الشي ..

بتقولي وين كرامته ؟ .. أقولك أصلا أهو ما يفكر بهالامور !!

الأولويات عنده متخربطه .. كرامته رقم 10 .. و ( صيد الفريسة ) رقم 1 !!

هلا والله بالصديق اللدود بلنتي

:وردة:

افهم من كلامك انك توافقني على ان الولد ما عنده كرامه
؟
او انها رقم عشرة من اولوياته
؟

زين سؤال
افرض ان البنت زميلة في العمل مثلا , انا قلت مثلا
و يجي زميل آخر و يلحقها من مكان لمكان و يتكلم عنها جدامك
و جدام زملائها و زميلاتها
والبنت محترمة وبنت ناس و لا تقدر ترد عليه بطول لسان
لان نظرت المجتمع الي مادري شلون متركب راح تعتبرها ملسونه
ونسره و غيره من هالكلام الفاضي
يعني شلون
؟
انت يا بلنتي
بما انك رجل راعي دين وصلاح
هل يرضيك هكذا تصرف
؟

اما اني الوم الشباب دون البنات
فهذا غير صحيح
انا اتكلم عن حالات المضايقات
يعني
البنات لسن من النوعية الي يقبلون بهذه


يا بلنتي كلنا نعشق النساء
حتى الشيبان
لكن خلاص اذا الواحد فقد احترامه لذاته
فلا يؤسف على من كان مثله
يعني ذبابة مثل ما قال وليد


تحياتي
:وردة:
​

 

[الجوكر العظيم]

السلام عليكم ورحمة الله وبركاته

جزاك الله كل خير على طرح هذا الموضوع الذي يحزن من كان في قلبه غيرة وايمان

فما يحدث تعدى التحرشات اصبح خطف امام الملأ

نتساءل اين دور مؤسساتنا الامنية والتربوية والصحية

فمن امن العقوبة اساء الادب

الشاب يطارد الفتاة من مكان الى مكان لم يرى احدا يمنعه

لم يرى شرطيا يحبسه

لم يرى رجلا ينصحه حسب المقام

فما الذي يمنعه من المضي في ذلك

اليس الاولى بالمستجوبين لوزير الداخلية ان يناقشوه على هذا الامر

ايهما اهم الاعراض والاخلاق ام الاموال ؟؟؟؟؟


ثم اين دور وزارة التربية في تنشأة الجيل المعتدل الذي يحرص على رفع نفسه عن كل سفاسف الامور

والقيام برفع مكانة التعليم في قلوب المتعلمين

اما دور وزارة الصحة فهو امر مهم لان الكثير هم مرضى نفسيين يحتاجون لعلاج ومتابعة


كل الشكر لك ولموضوعك الرائع

بشرى للجميع : ستكون هنا نقلة نوعية للامن في الاسواق وتكليف فرقة خاصة من قبل وزارة الداخلية لمتابعات هذه الحالات بكل صرامة قريبا باذن الله تعالى

شكرا لاعضاء المجلس الغيورين وشكرا لاركان الوزارة الغيورين

وشكرا لجميع الغيورين

الله يبشرك بالخير

:وردة:
​

 

[BoOmarQ8]

من أمن العقوبة أساء الأدب

أوكي آمنا بالله ... لازم المجتمع كل ما له ينحط أخلاقياً ... لكن مو بهالسرعة

الله يستر

 

[Normal]

اخر حركات التدلع والغنا
اللي اسمها(.....)وفي الدلع(....)


فرفوره تسلف الشمس السنا
مغويه ويطرد وراها كل غاو


ان وقفت كل شي ماتباعد دنا
وكل شي متلخبط مع الوقفه تساو


واليا مشت؟قال النمل:الله لنا
تقاو ياجوعي على صبري تقاو


ذروة ترف..ذروه غنج..ذروه هنا
جمالها مايستوعب وماينتقاو


في ... جنبها:نوره,وعبير,ومنى
شباب...وعند البل وكشختهم فراو


مخلوق لامنه انثنى يعني انثنى
كل الزوايا تستقيم اليا تزاو


يابوي شي لايوصف ولا ينجنا
يسبب لك جروح لايمكن تداو


مثال:لاجاعت وطال بها العنا
كل الحلاو اللي على هالارض جاو


هي جايعه؟؟ ... يارب تاكلني انا!!
هذي سواليف الحلاو...مع الحلاو


واليا كلت اطرف حلاوه من هنا
كل الحلاو يشوفها ويقول ... وااو

منقوله من سعد علوش .. بتصرّف

 

[الجوكر العظيم]

اخر حركات التدلع والغنا
اللي اسمها(.....)وفي الدلع(....)


فرفوره تسلف الشمس السنا
مغويه ويطرد وراها كل غاو


ان وقفت كل شي ماتباعد دنا
وكل شي متلخبط مع الوقفه تساو


واليا مشت؟قال النمل:الله لنا
تقاو ياجوعي على صبري تقاو


ذروة ترف..ذروه غنج..ذروه هنا
جمالها مايستوعب وماينتقاو


في ... جنبها:نوره,وعبير,ومنى
شباب...وعند البل وكشختهم فراو


مخلوق لامنه انثنى يعني انثنى
كل الزوايا تستقيم اليا تزاو


يابوي شي لايوصف ولا ينجنا
يسبب لك جروح لايمكن تداو


مثال:لاجاعت وطال بها العنا
كل الحلاو اللي على هالارض جاو


هي جايعه؟؟ ... يارب تاكلني انا!!
هذي سواليف الحلاو...مع الحلاو


واليا كلت اطرف حلاوه من هنا
كل الحلاو يشوفها ويقول ... وااو

منقوله من سعد علوش .. بتصرّف

ولو اني مادري شنو علاقة هالمشاركة في الموضوع لكن
مشكور على كل حال

اعتقد ان هذه المشاركة اثبتت النظرية

​

 

[الجوكر العظيم]

من سخرية القدر ان يرى الانسان نفسه بدرجة من التفاهة و السفالة
لا يكتب الشعر لكن ينقله
يحاول ان يكون رومانسي و مع ذلك يقابل بالصد و الحقران
يجرح كرامته ويفضح نفسه
ويكشف عن سوء التربية التي ترباها امام الاخرين
والمثير للشفقة انه مازال يدوس على كرامته
مسكين هذا الشاب الضايع
لا يعرف انه مثير للشفقة بتصرفاته الصبيانية
و مثير للاشمئزاز بطريقته الغزلية العهرية

ولكن كما قلت من الجميل ان ترى الناس بدون الاقنعة
منظر مقزز


تحياتي لجميع المشاركين
بدون استثناءات الا من رحم ربي
:وردة:

ملاحظة
اتمنى ان تترك المشاركات
لانها تعبر عن رأي اصحابها
تحياتي

​